mánadagur 10. desember 2018síða 17

17 Mánadagur 6. januar 2014 · Nr. 2 Sosialurin Mánadagur 10. desember 2018 · Nr. 143 Hugskot og viðmerkingar – send sms til 225000 STUTTSØGD Áki Egilsnes gekk á odda hjá íslendska KA í týdningarmiklum sigri. Í donskum hondbólti vóru føroyingar eisini avgerandi, og so hava føroyskir svimjarar eisini gjørt um seg í NM Pætur Albinus E-SPORT Danska liðið Astralis við hálv­føroyska Lukas Egholm Ros­sander á liðnum í teldu­ spælinum CS:GO vann í gjár kappingina ESL Pro Leagues í Odense. Astralis vann finaluna 3-1 á Team Liquid. Umframt 250.000 dollarar (1,64 milliónir krónur) í vinningi fyri hendan sig­urin, so útloysti sigurin einki minni enn 1.250.000 dollar­ar (8,2 milliónir krónur) av tí at hetta var fjórði kapp­ ingar­sigurin í ESL- og Dream­ hack-samanhangi hetta kappingarárið. Hesin stóri síðuvinningurin sá dagsins ljós í 2017, og Astralis gerst fyrsta liðið í søguni, sum vinnur hann. Astralis hevur í ár vunnið Dream­Hack Masters Marseille, ESL Pro League Season 7 Finals, ELEAGUE CS:GO Premier, FACEIT Major, BLAST Pro Series Istan­bul, IEM Chicago, ECS Season 6 Finals og nú altso eisini ESL Pro League Odense. FÓTBÓLTUR Fótbóltssamband Føroya hevur í morgun sett fyrstu atgongu­ merkini til Nations League- dyst­ir­nar næsta ár til sølu. Talan er um ein landsliðspakka, ið er til allar heimadystirnar. Dyst­irnir eru frá 7. juni til 15. okto­ber ímóti Spania, Noregi, Svøríki, Rumenia og Malta. Landsliðspakkarnir kosta 1000 ella 750 krónur alt eftir hvørj­ um bólkum ein ynskir at sita í. FLOGBÓLTUR Steypakappingarnar eru farnar í gongd, og um vikuskiftið hava dystir verið í bæði mans- og kvinnu­kappingunum. Í bólki 1 í kvinnukappingini var ein dyst­ur. Hann var í Trongisvági í gjár, har KÍF vann 3-1 á TB. Sett­ úrs­lit­ini vóru 25-17, 16-25, 20-25, 23-25. Tveir dystir í bólki 2. SÍ vitjaði leygardagin í Klaksvík hjá Mjølni, har úrslitið gjørdist 3-1 í settum til SÍ umvegis sett­ úrs­litini 25-20, 21-25, 25-17, 25-16. Í gjár var dystur ímillum ÍF/ Ternu­na og SÍ. Tann dystin vann SÍ við settúrslitunum 25- 21, 25-21, 25-18. Í manskappingini var ein dyst­ur. Hann var leygardagin ímillum SÍb og Fleyr. Fleyr vann dystin 3-0. HONDBÓLTUR Áki Egilsnes gekk á odda við málskjótingini, tá ið KA leygar­ dagin vann tepran 26-25-sigur ímóti grannunum av Akureyri við sama navni. KA var á odda 18-14 í hálvleikssteðginum. Áki Egilsnes skeyt átta mál og var dagsins maður hjá KA. Hin føroyingurin á liðnum, Allan Norbðerg, skeyt fýra mál. Áki hevur nú skotið 71 mál hetta kappingarárið, sum er eitt færri enn bosniski liðfelagin, Tarik Kasumovic. Teir báðir eru greiðir toppskjúttar hjá KA, sum nú vann seg rættiliga væl frá botninum og er nummar sjey av 12 liðum í bestu íslendsku deildini. Ein dystur er eftir at spæla áðrenn jól. Hann verð­ur sunnudagin á útivølli ímóti Haukum. Frederikshavn FI við før­ oyska Eiriki J. Simonsen á lið­ num vann seg týðandi stig burturfrá botnstríðnum, tá ið liðið leygardagin vann 30- 26 á útivølli ímóti Odder eftir at hava verið á odda 15-12 í hálvleikssteðginum. Eirikur, sum er uppvaksin í Kyndli, átti sín stóra leiklut í sigrinum við fimm málum. Hetta var tað mesta, ið hann hevur skorað í einum dysti hetta kapp­ingarárið. Hann hevur nú skotið 13 mál í 12 dystum. Frederikshavn FI er nummar níggju av 14 liðum í næstbestu donsku deildini, har tað nú eru sjey niður til beinleiðis niður­ flytingina. Eftir tvey tap á rað vann TM Tønder við Niklasi Simonsen í málinum í gjár 30-27 á heima­ vølli ímóti HC Odense í næst­ bestu donsku deildini. Sam­ bært JydskeVestkysten stóð Niklas Simonsen ein góðan dyst serliga við avgerandi bjarg­ing­um í seinna hálvleiki. TM Tønder er nummar tvey í deildini, tvey stig aftanfyri odda­lið­ið Fredericia. TM Tønd­ er hevur tó ein dyst tilgóðar. Uppreistrarfólk frá ”Gulu vest­unum” vóru orsøkin til, at eingir dystir vórðu spældir í EM-endaspælinum hjá kvinn­ um, sum í hesum døgum verð­ ur spælt í Fraklandi. Hend­an dagin vórðu 1.700 upp­reistr­ ar­fólk handtikin í fronsku gøtu­num, og nú eru allir dystir­nir í kappingini fluttur høvuðs­staðin, París. Komið er annars til millumumfarið, har Danmark í dag spælir ein rætti­liga avgerandi dyst ímóti Russ­landi. Svøríki kann ikki koma við í hálvfinalurnar eftir javnleik ímóti vertunum úr Fraklandi í gjár, meðan Noreg er við at ressa seg eftir eina vánaliga byrjan upp á kapp­ ingina. SVIMJING Føroyskir svimjarar hava seinastu dagarnar lut­tik­ið á norðurlendskari meistara­ stev­nu og junior­meistara­ stev­nu í finska býnum, Oulu. Vár E. Eidesgaard úr Havn­ ar Svimjifelagi vann fríggja­ kvøldið bronsu í 800 metrum frí­svinjing við tíðini 8:56.29, og leyg­ar­kvøldið átti Alvi Hjelm tørn at vinna norðurlendskt heiðurs­merki. Hansara var av silvuri, og tað vann hann í 400 metra blandaðari svimjing, har hann svam teinin upp á 4:19.54. Svimj­ing.com skrivar, at hetta sam­stundis var persónligt met. Gamla metið var 4:19.91 frá EM á stutt­geil í desember í fjør. albinus@sosialurin.fo Áki aftur toppskjútti í Íslandi Áki Egilsnes skeyt átta mál fyri KA leygardagin