mánadagur 10. desember 2018síða 18

Mánadagur 10. desember 2018 · Nr. 143 18 Sosialurin Hugskot og viðmerkingar – send sms til 225000 Sjúrður Hildarson Hoydal Kappingin í kvinnudeildini kundi undan hesum um­fari­ num býtast í tveir bólkar. VÍF, H71 og Neistin lógu til at kappast um fremstu tvey pláss­ ini, meðan Kyndil hava ligið nakað aftanfyri oddaliðini. Í botni­num hava Stjørnan og StÍF so at siga mist alla vón um at hótta hini liðini, og tey bæði liðini skulu fegnast um tað gerast til fleiri stig hetta kapp­ ingarárið. Neistin og Kyndil spældu sunnu­dagin tí ein sera um­ráð­ andi dyst, har stigini høvdu stóran týdning fyri møguleikan at hótta fremstu bæði liðini. Serbisku málverjarnir løgdu dám á dystin Tað gjørdist ein sera mál­fá­ tæk­ur dystur í Høllini á Hálsi sunnudagin. Málverjarnir báðir, Maja Dragobuljovic hjá Neistanum og Jovana Stranjanac hjá Kyndli vístu hvør í sínum lagi stórspæl, tá ið tær ferð eftir ferð forðaðu fyri frí­um møguleikum. So við og við fóru málini tó at koma, tá ið serliga Marianna G. Eystberg fyri Kyndil og Sofie Søberg fyri Neistan fóru at hepnast við sínum skotum. Tað eydn­aðist betur hjá teimum grønu at fáa hol á málverjan, tí um miðan fyrra hálvleik gjørdist munurin tvey og trý mál til fyrimuns fyri Kyndil. Við hálvleiksstøðuna 10-7 til Kyndils, tóktist alt eisini at ganga rætta vegin hjá teimum, men Neistin kom væl út til sein­ na hálvleik. Tá ið Sofie Søberg javnaði til 11-11 kundi dysturin hugsast at koppa til tær bláu, men Jovana Stranjanac fekk fatur aftur í málinum, og hon legði lunnar undir at Kyndil svaraði aftur. Brádliga kom Kyndil fýra mál fram um aftur, og henda brekkan gjørdist ov tung hjá Neistanum. Móti endanum var tó um reppið at Neistin fekk okkurt burturúr, tí munurin gjørdist eitt mál, tá ið minni enn ein minuttur var eftir. Men Kyndil hevði bóltin og Bára Krossteig Hansen fekk avgjørt dystin til endaliga úrs­ litið 20-18. Øll liðini skulu hittast tvær ferðir afturat, so Kyndil hevur all­ar møguleikar at koma við í oddastríðið, nú fýra stig eru fram á næstfremsta pláss­ið. Neistin misti sítt pláss mill­ um tey tvey fremstu, men kann framvegis hyggja eftir stiga­talvuni við nakað av bjart­skygni, hóast tað var ein smeit­ur at missa tvey stig sunnu­dagin. Oddaliðini fingu fult Tí tey bæði fremstu liðini, VÍF og H71 vunnu bæði sínar dyst­ ir móti botnliðunum, og tað rætti­liga greitt. Í Vestmanna tók VÍF móti Stjørn­uni og klaksvíkskvinnur vóru eingin trupulleiki fyri Før­oya­meistararnar. Eftir 16-6 í hálvleikinum vann VÍF ein sannførandi sigur á 29-17, og sendi boð til hini liðini um at vestmannakvinnur ætla sær at vinna aftur í ár. Unga H71-liðið, ið kanska eitt sindur óvæntað hevur spælt við í oddinum á kappingini í ár, greiddi eisini sína skyldu. Tað tók eina løtu at sleppa frá StÍF, men móti endanum av fyrra hálv­leiki gjørdist munurin fimm mál til fyrimuns fyri H71, og hesin munurin helt sær allan dystin, ið endaði 20-25 til H71. Kanska hóvar tað teimum báðum oddaliðunum at Kyndil tók stig frá Neistanum, men líkt er til at Kyndil fær enn ein styrk komandi tíðina, tí felag­ ið arbeiðir við at fáa Turið Arge Samuelsen aftur í grønu troyggjuna. Tað er als ikki óhugs­andi at bæði havnaliðini kunnu hótta finaluplássini, sum VÍF og H71 hava sitið á higartil. Okkaradeildin: Harður og javnur dystur á Hálsi Í mansdeildini hevur tað ver­ið ilt at spáa um úrslit undan nøkrum dysti, og hesin sunnudagurin var einki undan­ tak. Oddadysturin var í Havn har granna­uppgerð var ímillum Kyndil og Neistan. Neistin lá undan dystinum á fremsta plássi, meðan Kyndil lá á fjórða plássi í einum tøttum odda­ stríðið. Samanrenningin millum at hetta var ein grannauppgerð og at tvey sera týdningarmikil stig vóru at spæla um, gjørdi at dysturin byrjaði við nakað av fjáltri á leikarunum. Serliga kyndils­menn høvdu trupult at halda høvdið kalt í fyrstu løtuni, og Neistin fekk eina leiðslu upp á fimm mál tíðliga í dystinum. Men Kyndil fekk spælt seg upp aftur, og tað var við stórum stríðsvilja, ið sást aftur í hørðum takklingum, ið komu frá báðum liðum. Reytt kort til Rasmus Tá ið einir sjey minuttir vóru eftir av fyrra hálvleiki hevði Rasmus Søby hjá Neistanum fing­ið harðliga viðferð nakrar ferðir, og tað var helst í ráða­ loysi av hesum, at hann framdi eina hevnisøku eftir eina takk­ ling, tá ið hann royndi at bróta gjøgnum verjuni. Dómararnir valdu at geva beinleiðis reytt kort, og eingin ivi kundi vera um at tað var ein smeitur fyri Neistan at skula spæla uttan ársins leikara frá undanfarna kapp­ingarári. Teir ungu taka um endan Men í seinna hálvleiki vístu neistamenn at teir dugdu uttan danska stórskjúttan. Teir ungu bakleikararnir, Jónsvein Dulavík, Tróndur Mikkelsen og Dánjal Ragnarsson fingu kanska meira leiktíð enn vænt, og hesum tóku teir av, tí at aftur fór Neistin at økja. Munurin var trý mál til Neistan, tá ið farið var undir seinasta korterið, men so steðgaði málskjótingin hjá teimum bláu upp. So við og við fekk Kyndil tikið Neistan aftur, og tá ið góður minuttur var eftir at leika var støðan 24-24. Bæði liðini fingu bóltin í seinasta minuttinum, men tað eydnaðist hvørgan av liðunum at fáa avgerandi málið. Tí endaði tað við javnleiki í einum dysti, ið var sermerktur av stórari tendring, hørðum takklingum og flottum avrikum frá teimum yngru leikarunum á báðum liðum. Eina stigið man gagnað Neistanum betur, tí Neistin varð­veitir oddasessin í Okkara­ deild­ini, meðan Kyndil verður ver­andi á fjórða plássi, har mill­ um annað KÍF er farið at hótta. KÍF vann margháttligan málverjudyst Tí KÍF vann ein kærkomnan og kanska nakað óvæntaðan sigur á útivølli móti VÍF sunnudagin. Dysturin var serligur orsak­ að av málverjunum í feløg­un­um báðum. Hjá VÍF hevur Mladen Mjerimacka verið ein stórur partur av góðu gongd­ini í ár, men hann situr úti við skaða. Hjá KÍF hevur Joa­kim Jürs spælt avbera væl í sínum fyrsta kappingarárið í Kolla­ firði, men heldur ikki hann spælir fyri tíðina. Var tað ikki nóg ringt hjá KÍF, so vantar eisini eykamálverjin, Pætur Skýlin­dal, á liðnum, so har mátti hugsast serligar loysnir. Loysnin hjá báðum feløg­ um var hin sama. At fáa fyrr­ verandi málverjar at fara í skógvarnar aftur. Hjá VÍF fór Eli Müller aftur í málið, meðan KÍF heitti á Emil Dam og Jaspur við Garð um at fara millum stengurnar. Hjá VÍF stóð vanligi eykamálverjin, Dia á Lava, tó meginpartin av dysti­ num, og hann kundi sígg­ja eitt tendrað KÍF-lið hava leiðslu­na fyri tað mesta. Tó at dysturin var javnur, so tókt­ist KÍF at hava munin, og tá ið Hans Eli Sigurbjørnsson í seinasta minutti økti til 28- 30 við brotskasti var dysturin avgjørdur, hóast Filip Jojic Fult umfar var í bæði mans- og kvinnudeildini sunnudagin. Kyndilskvinnur sendi boð um at tær ætla sær at spæla við í ár, meðan mansdeildin enn einaferð prógvaði at øll kunnu vinna á øllum HONDBÓLTUR KAPPINGARNAR GERAST TÆTTARI