týsdagur 11. desember 2018síða 14

Mikudagur 12. desember 2018 · Nr. 144 14 Sosialurin Hugskot og viðmerkingar – send sms til 225000 HEILSA Vilmund Jacobsen Sjálvgleði er at trúgva upp á, at tú hevur týdn­ ing fyri onnur, og at onn­ ur hava týdning fyri teg. Men, sjálvgleði er eitt ókvæmisorð, sjálvt um tað at vera nøgdur við seg sjálvan er neyðugt fyri at kunna møta øðrum við opn­um sinni. Tískil liggur eisini ein ávís andsøgn í orðinum sjálv­gleði. Men, hvussu fáa vit eitt gott lív, har vit føla gleði, tá vit eru saman við øðrum – og kenna takk­semi í okkara egna sel­skapi? Svarið er, at góða lívið fáa vit við at gerast sjálv­ glað. Hetta er í hvussu er áskoðanin hjá sálar­ frøð­inginum við drúgvu roynd­unum á sínum øki, og sum nú hevur givið út bók um evnið sjálvgleði. Bókin – Sjálvglaður – hjá dana­num, Lars J. Søren­sen, kom út hin 20. august í ár, og hon snýr seg í stuttum um menniskjans lívslanga ”hjúnar­band” við seg sjálvi - um at vera menn­ iskja og finna heim til sín sjálvs og um viðurskiftini við onnur menniskju. Týdningur av sjálvgleði? Hvussu skulu vit bera okk­um at við at fáa eitt gott lív, har vit føla okk­ um væl saman við øðrum menniskjum, og har vit eru takksom í samveru við okkum sjálvi? Jú, svarið hjá sálar­ frøð­inginum og rit­ høvunda­num er, at vit skulu gerast sjálvglað. Eydnast hetta ikki, er vandi fyri, at vit vilja skáka okkum undan øðr­um menniskjum, tí vit føla okkum hótt og mis­eydnað, og úrslitið verð­ur, at vit eisini føla okk­um einsamøll í egnari sam­veru. Men, eisini hetta kann tykjast sum ein mótsøgn, sum átti at verið ómøgu­ lig. Tí, hvussu kunnu vit í veruleikanum føla okk­ um einsamøll saman við okkum sjálvum? Hava vit skomm av okkum sjálvum og okkara egna lívi, eru sann­lík­ind­ ini rættiliga stór fyri, at vit altíð vilja kenna okk­ um miseydnað og einsa­ møll. Hetta er nóg ringt í sær sjálvum, men enn verri er, at vandi tá eisini er fyri, at vit ikki gerast før fyri at taka ímóti vinarlagi og kær­leika, sum onnur vísa okkum. Finn sjálvgleðina Eingin hevur uppiborið at føla seg miseydnaðan. Um fólk hava hesa kenslu, kann tað skjótt gerast ein óndur snyril, sum vendir niður eftir. Tá soleiðis er, verður tað keðiliga enn verri, og tá kunnu fólk koma at føla seg enn meira miseydnaða og av­bygd. Tað er bara ein útveg­ ur, nevniliga at trúgva, at tað menniskja finst í veruleikanum, sum dám­ar teg, og at tú tor­ ir at trúgva, at hetta menniskja megn­ar at síggja teg við kær­leiks­ full­um eygum. Tá hetta hendir, byrjar tú at trúgva, at vit menniskju grund­ leggj­andi eru sam­starvs­ hug­aðir skapningar – at tú ert nóg góður, og at kær­leikans eygnabrá hjá øðrum ikki nýtist at hava eina forkláring ella grund­geving. - Eg eri góður, sum eg eri, eigur hugburðurin at vera. Tað er fantastiskt at vera sæddur, men um hugt verður niður á teg, ella tú verður eygleiddur og vigaður, er tað eitt helviti. Ein av niðurstøðunum í bókini – Sjálvglaður – hjá dananum, Lars J. Søren­ sen, er, at tað at hava tað gott við seg sjálvan er eitt týdn­ingar­mikið út­ gangs­støði at hava fyri at kunna møta umverðini og øðrum menniskjum við nærleika og opnum sinni. Rithøvundurin Selvglad er bókin um at gerast menniskja og vera menniskja. Lesur tú bókina, gevur hon tær innlit og lýsir okkara menningargongd sum menniskju. R i t h ø v u n d u r i n , Lars J. Sørensen, er sálarfrøðingur, serfrøð­ ing­ur og ráðgevi í psyko­terapi og var árini 1979-2015 leiðandi sálar­ frøð­ingur á Psykiatri­ sjúkra­húsinum í Ny­ købing á Sælandi. Hann hevur arbeitt við psykoterapi, bæði í psykiatriini og privat, og hann hevur í nógv ár undirvíst á ymiskum psykiatri­útbúgvingum. Lars J. Sørensen hevur skrivað eina røð av bók­ um um ymisk sálar­frøði­ lig evni. Ummælarar hava sagt um nýggjastu bókina, at henda hevur nógv góð hugskot, og tað er fríger­ andi, at hon ikki kemur við skjótum og óálítandi loysnum. Tað eru tey, sum siga, at tað altíð er áhugavert at lesa tað, sum Lars J. Sørensen skriv­ ar, tí hann skrivar so væl og hevur so nógvar góðar hugleiðingar, sum aftur og aftur fáa lesaran at víðka um sín sjónarring. TANN NEYÐUGA SJÁLVGLEÐIN - Hava vit skomm av okkum sjálvum og okkara egna lívi, eru sannlíkindini rættiliga stór fyri, at vit altíð vilja kenna okkum miseydnað og einsamøll, sigur sálarfrøðingur í nýggjari bók - Tað er fantastiskt at vera sæddur, men um hugt verður niður á teg, ella tú verður eygleiddur og vigaður, er tað eitt helviti, sigur sálarfrøðingurin og rithøvundurin, Lars J. Sørensen - Hvussu fáa vit eitt gott lív, har vit føla gleði, tá vit eru saman við øðrum – og kenna takksemi í okkara egna selskapi? Svarið er, at góða lívið fáa vit við at gerast sjálvglað, sigur Lars J. Sørensen