týsdagur 11. desember 2018síða 18

Mikudagur 12. desember 2018 · Nr. 144 18 Sosialurin Hugskot og viðmerkingar – send sms til 225000 TØKK Ein hjartans tøkk fyri sýnda samkenslu og hjálp, tá okkara kæra mamma, vermamma, omma, langomma og olduromma JENSIA SVABO THOMASEN f.29.10.19 d. 02.11.18, andaðist og fór til gravar. Takk til Ingu Poulsen Dam prest, takk til kirkjutænarar, sangarar og berarar. Takk til Dánial, Didde og Dinu fyri tann serliga dám tit settu á dagin við yndisligum sangi og spæli. Takk til tykkum á Miðstovu fyri umsorgan, røkt og hjálpsemi. Takk til tykkum, sum bakaðu og hjálptu til við ervinum. Takk fyri blómur, kransar og minnisgávur til meinigheitshúsið. Takk, øll tit sum fylgdu mammu til hennara seinasta hvíldarstað her á fold. Hjartans tøkk øll somul, við ynski um eini gleðilig jól. Familjunar vegna Vígdis, Sólrun og Virgar við familjum TØKK Av heilum hjarta takka vit øllum, ið sýndu samkenslu, nú kæri maður, pápi, abbi, langabbi og verpápi okkara Joen Jacob Frantz Jacobsen - Jóan Jákup á Langanesi f. 18. juli 1930 - d. 16. november 2018 andaðist og varð jarðaður. Takk til øll sum vóru um okkum við troyst, nærveru og umsorgan. Sjáldan kennist hjálpin fjálgari enn dagar sum hesar, táið feigdin hevur gjørt um seg. Takk til tykkara, sum stukku inn á gólvið ella gjørdu vart við tykkum á annan hátt á ymsum miðlum og ein stór takk til øll tykkum, sum hjálptu til við at baka til ervið, ið var so sera væl fyriskipað av Skótahúsinum og Sjócafé´ini jarðarferðardagin. Føroyska heilsuverkinum og Roðanum takka vit hjartaliga, og meðan lívsins siglingsferð hansara smátt um smátt gekk at evstu mørkum jarðar, finst hjálpin og umsorganin ikki betri. Tað hevur verið sálarbót at uppliva, at hesir geirarnir í samfelagi okkara eru so einastandandi dugandi í menniskjansligari handfaring, í torførum støðum hjá teimum, sum sita næst, táið farið verður um markið ímillum lív og deyða. Sóknarprestur okkara, Meinhard Bjartalíð, var hjálpsamur og nærverandi sum altíð. Takk fyri tín lut, Meinhard, táið kistan varð borin út frá Eysturoyar Røktar- og Ellisheimi. Fyri góðu orðini og klaverspælið og góðu løtuna í Glyvra kirkju hetta kvøldið og áðrenn kistan fór um gravarmúlan í heimbygd hansara dagin eftir. Takk til kirkjutænarar, sangaratoymið í kirkjuni og Dupultkvartettina í Ebenezer, sum setti sín serliga dám á løtuna í kirkjuni. Takk til øll tykkum, sum sendu blómur og kransar og sendu gávukvøður til Ellisheimið. Ikki minst gongur tøkkin til øll tykkum mongu, úr øllum heraðshornum landsins, sum fylgdu honum til hansara seinasta hvíldarstað á foldum. Familjunar vegna Arnbjørg TØKK Hjartaliga tøkk fyri sýnda samkenslu og hjálpsemi, tá ið kæri maður mín Magnus Poulsen f. 12. september 1934 – d. 19. august 2018 andaðist og fór til gravar. Eisini skal ljóða ein stór tøkk til starvsfólkið á Umlættingarheiminum, Landssjúkrahúsinum og á Tjarnagarði, sum vóru um Magnus ta seinastu tíðina. Takk til prest og kirkjutænarar, og takk til tykkara, sum fylgdu Magnusi til hansara seinasta hvíldarstað á hesum foldum. Famlijunnar vegna Ragnhild. Tøkk Í samband við at elskaða kona, mamma, vermamma, omma og langomma okkara andaðist, vilja vit hjartaliga takka øllum, sum sýndu umsorgan, troyst, samkenslu og hjálpsemi hesa seinastu tíðina. Ruth Johannesen f. 26. apríl 1944 – d. 9. september 2018 Tøkk til tykkum øll, sum vóru um Ruth meðan hon var sjúk. Tøkk til øll, sum á ymiskan hátt hjálptu til í samband við jarðarferð og ervið. Tøkk fyri góð og troystarrík orð, umframt vakran sang. Ein serlig tøkk til sangkórið í Ebenezer. Tøkk til tykkum mongu, ið fylgdu Ruth til hennara síðsta hvíldarstað. Kærar heilsanir Mortan við familju Lesið -so eru tit við! -har tað hendir