mánadagur 17. desember 2018síða 10

Mánadagur 17. desember 2018 · Nr. 146 10 Sosialurin Hugskot og viðmerkingar – send sms til 225000 Staðið í Vestmanna fer í jólafrí fríggjakvødið 21. desember, og hetta verður við einum rimmar braki av eini konsert við VSJ. Sløkkiliðsmenn heiðraðir Leygarkvøldið 15. desember vórðu fimm sløkkiliðsmenn hjá Skálafjarðar Kommunala Sløkkliliði – SKS - heiðraðir fyri trúgva tænastu í meira enn 25 ár Vilmund Jacobsen Á árliga jóladøgurðanum hjá sløkkiliðsmonnunum, sum í ár var í Oyndarfirði, helt for­mað­ urin, Jóhannus Danielsen, borg­arstjóri í Nes kommunu, talu og handaði teimum fimm heið­urstekin. Teir, sum fingu heiðurs­ tekin, vóru: Sunleiv Højgaard, Runavík, átaksleiðari (starvast í SKS í 33 ár), Jan Abrahamsen, Strendur (32), Hanus Heinesen, Nes, liðleiðari (29), Niclas David­sen, Toftir (29) og Harry Ben­jaminsen, Toftir (29). Tað er Hennara Hátign, Drotn­ing Margretha II, sum í 1973 stovnaði heiðurmerki fyri sløkkiliðsmenn. Eftir innstilling úr Føroyum var tað stjórin í donsku til­ búgvingarnevndini, Bered­ skabs­styrelsen, sum góðkendi, at hesir fimm nú hava fingið heið­urstekin fyri trúgva tæn­ astu í sløkkiliðnum í 25 ár, og hetta er fyrstu ferð, at hesi heið­urstekin eru latin í Før­ oyum. SKS er felags sløkkilið fyri Sjóvar kommunu, Runavíkar kommunu og Nes kommunu, og samstarvið hevur 44 ár á baki. Sløkkiliðið hevur sera trúfasta manning. Fyri stívliga trimum árum síðan vórðu átta sløkki­liðs­ menn hjá Skálafjarðar Komm­ unala Sløkkliliði heiðraðir fyri 40 ára trúgva tænastu við “Dronn­ingens fortejenste­med­ alje i sølv”. Steingja fyri vatni á Heiðavegi Vilmund Jacobsen Tey, sum ynskja at hava vatn í ketli ella kaffikannu úr egnum krana í einum parti av Saltangará seinna­ partin í dag, noyðast at syrgja fyri hesum fyri klokkan 16 í dag, 17. des­ ember. Í lýsing siga tey í Runa­ víkar kommunu, at vegna vatnleiðingsarbeiði á Heiða­vegi í Saltangará í dag, fara tey at steingja fyri vatninum, meðan ar­ beiðið verður gjørt. Talan er um Heiðaveg – frá Grótbrotsgøtu til Høga­ bólsveg, og her verður stongt so leingi, sum ar­ beiðið varar. Í lýsingini verður einki sagt um, nær væntast kann, at vatn­leiðings­ar­beiðið verð­ur liðugt. NÝTT ÁRSRIT: Á triðja sinni gevur Ráðgevarafelagið út ársrit, sum kallast Føroysk Ráðgeving, og ritið er 40 síður til støddar. Ráðgevarafelagið er felagið hjá ráðgevandi arkitekta-, verkfrøðinga-og byggifyritøkum í føroysku byggivinnuni. Pole gevst á Sjónámi Hin 1. januar 2019 gevst Pole Mikkelsen sum lærari á Sjónámi, har hann hevur starvast í 32 ár Vilmund Jacobsen Á heimasíðuni hjá Føroya Skipara-og Navigatørfelag (FSN) verður sagt, at Pole Mikkel­ sen er útbúgvin skips­førari, og eftir eina starvsleið sum eitt nú skipari hjá Vaktar- og Bjarging­ar­tæn­ast­uni, byrjaði hann í starvi sum lærari á Klaksvíkar Sjó­mans­skúla í januar í 1987.  - Eftir eina tíð sum lærari, gjørdist Pole Mikkelsen skúla­ stjóri eftir Frans Jacobsen, og var hann skúla­stjóri á Klaksvíkar Sjómans­skúla í 19 ár. Lagt verður aftrat, at tá sjó­mansskúlin, tekniski­skúl­ in og trygdarmiðstøðin løgdu sam­an, gjørdist Rúni Heine­ sen skúlastjóri fyri allar útbúgv­ingarnar. - Tá gjørdist Pole Mikkel­ sen aftur lærari, og honum hev­ur dámt væl í sínum starvi øll hesi ár. Ymiskar broytingar hava verið hesi 32 árini. - Pole Mikkelsen heldur, at tað er stórur munur á næm­ ing­unum frá tíðini, áðrenn Rúsan læt upp, tí áðrenn Rús­ una hendi tað meiri enn so, at næm­ingar ikki møttu til undirvísing. Men, hesin trupulleikin hevur ikki verið, eftir at Rúsan læt upp, stað­ festir hann. Sambært heimasíðuni hjá FSN heldur fráfarandi lær­ar­ in, at nýggja tøknin, so sum far­telefon, er hent tól at hava til uppgávur og annað, tí tað er so skjótt at finna tilfar og upplýsingar. - Tó so er fartelefonin eisini eitt rættiliga órógvandi element í undirvísingini, leggur Pole Mikkelsen aftrat. Fv.: Jóhannus Danielsen, Jan Abrahamsen, Hanus Heinesen, Sunleiv Højgaard, Niclas Davidsen og Harry Benjaminsen. Myndina hevur Hjalmar J. Juul tikið