týsdagur 18. desember 2018síða 18

Mikudagur 19. desember 2018 · Nr. 147 18 Sosialurin Hugskot og viðmerkingar – send sms til 225000 TÍÐINDI Áki Bertholdsen – Vit ætla okkum at bera skjótt at. Tað sigur Hákun Djur­ huus, stjóri í SEV, nú Løg­ tingið hevur samtykt, at SEV skal fáa loyvi til at lækka streymprísin hjá teim­um, sum hava hita­ pumpu og elbil. Men tað er bara streym­urin til hesi bæði enda­málini hjá einum húski, sum lækkar, tí prí­s­urin á streymi til øll onnur endamál hjá húski­ num verður tann sami sum hjá øllum øðrum. Løgtingið hevur sam­ tykt, at prísurin á streymi til elbilar og hitapumpur kann í mesta lagi lækka 40 oyru fyri kilowattið, umframt mvg, ella 50 oyru tilsamans. Tíðliga næsta ár Hákun Djurhuus sigur, at tey hava bíðað eftir at hetta málið fór at vera av­greitt og nú fara tey at gera tær fyrireikingarnar, sum krevjast, so at hetta kann setast í verk. Nær tað verður sett í gildi, dugir hann ikki at siga akkurát, men hann sigur, at tey ætla at gera so skjótt av sum tilber, so hann væntar, at tað verður longu í fyrsta árs­fjórðingi næsta ár, at skipan­in er klár at seta í verk. Av tí at hetta hevur verið væntandi í eina tíð, hava tey kortini gjørt nakað av fyrireikunum, men tað er ikki fyrr enn nú, málið er sam­tykt, at tey kunnu fara undir enda­ligu fyri­reik­ing­ar­ nar, tí tað er heldur ikki fyrr enn nú, at tey vita akkur­át, hvat tey hava at halda seg til. Hvussu stórur av­slátt­ urin verður, dugir stjórin í SEV ikki at meta um enn, tí hann sigur, at tað skal fyrst roknast út og síðani skal tað samtykkjast í nevndini. Harumframt skal eitt uppskot til av­ slátt­ur snikkast saman til el­veitingarlitið, sum skal góð­kenna prísin. Tað er ikki sannlíkt, at avslátturin verður 50 oyru fyri kilowattið, men hann sigur, at ætlanin er at hava ein avsláttur, sum merkist rættiliga, og sum ger mun hjá fólki. –  Fáa fólk ikki ein muna­góðan avsláttur, er einki endamál við hesum yvir­høvur, leggur hann afturat. Men av tí, at tað ikki er greitt, hvussu stórur av­slátturin er, ber heldur ikki til at siga, hvussu stór, sparingin hjá fólki við hitapumpu og elbili, verður. Nakrar eyka útreiðslur Fyri at kunna fáa bíligari streym, skulu fólk hava ein málara afturat, men hann leverar SEV. Men el­arbeiðið heima hjá fólki skal gerast eftir ávísum forskriftum, og tey boðini skulu eisini út til el­innleggjarar. Men tá ið fólk fáa sær hita­pumpu, verður nakað av hesum arbeiðnum gjørt undir øllum um­ støð­um, so hóast fólk skulu sjálvi rinda fyri okkurt elarbeiði heima hjá sjálvum fyri at fáa bílig­an streym, ber illa til at siga, hvussu nóv talan er um. Tó er tað vist, at um­ framt málara, sum SEV lever­ar ókeypis, skulu hava eina rammu til tann nýggja málaran, og tað, vit hava fingið upp­lýst, kostar hon ein­ ar 1200 krónur, og tað verður í øllum førum ein meirkostnaður hjá fólki, sum vilja hava bílig­an streym til elbil og hita­ pumpu. Ikki fyri øll Í sambandi við viðgerðina í Løgtinginum um hetta málið, vóru tað nakrir politikarar, sum hildu, at vil SEV geva avsláttur, eiga øll at fáa avsláttur, og ikki bara ein úrvaldur bólk­ur av fólki. Eitt nú hevur verið tosað um at SEV kann lækka prísin um náttina, tí so kunnu fólk vaska klæðir, ella vaska upp, fyri bíligan streym um náttina. Men Hákun Djurhuus sigur, at hetta er ikki nakað, sum liggur í kort­ unum. –  Vit hava ongan av­ lops­streym til slík enda­ mál sigur hann. Hann sigur, at tað góða við vatn­orku og oljuriknum el­verkum, er, at tey leggast meir ella minni still, tá ið tørvurin á streymi minkar, eitt nú um næturnar, og sostatt fer ongin orka til spillis. Nógva staðni úti í heimi har hava kjarn­ orku­verk og kolrikin el­ verk, ber hetta ikki til tí tey gera streym við eini javnari megi alla tíðina og tað ber ikki til at seta VIT ÆTLA OKKUM AT BERA SKJÓTT AT BÍLIGUR STREYMUR Tað verður tíðliga næsta ár at tey, sum hava hitapumpu og elbil, fara at fáa bíligari streym frá SEV