týsdagur 18. desember 2018síða 38

Mikudagur 19. desember 2018 · Nr. 147 38 Sosialurin Hugskot og viðmerkingar – send sms til 225000 FÓTBÓLTUR Tróndur Arge Í gjár klokkan 9.46 komu boð frá Manchester United. José Mourinho er ikki longur venjari í felagnum, sum hann hevur staðið á odda fyri í tvey og eitt hálvt ár. Tað hevur verið eitt mis­javnt tíðarskeið við góðum og minni góðum úrslitum, eitt tíðarskeið við órógvi um venjar­an og ávísar spælarar og eitt tíðar­skeið, sum hevur verið í stórum yvirskriftum. Soleiðis er tað altíð við José Mourinho. Arvurin eftir Sir Alex Tað hevur gingið óvanliga illa hjá bæði Manchester United og José Mourinho. Manchester United, sum hevur vunnið Premier League 13 ferðir, hev­ ur verið í meistarastríðnum næstan øll árini undir Sir Alex Fergu­son. Premier League sá dag­sins ljós í 1992 og Sir Alex Fergu­son lyfti fyrsta steypið. Sunnudagin tapti Man­chest­ er United 3-1 móti Liver­pool á Anfield. Eftir tvey áratíggju, har Liverpool domineraði bæði enskan, og til tíðir evro­pe­iskan fótbólt, so tók Sir Alex Fergu­ son og sparkaði Liverpool av pinnum í 20 ár. Síðani Sir Alex Ferguson í 2013 takkaði fyri seg – við 13. Premier League steypinum undir arminum – hevur Man­ chest­er United ikki livað upp til ítróttarligu avrikini. Fyrst bleiv David Moyes rendur heim eftir átta mánaðir við róðrið. Louis van Gaal var royndi venjarin, sum skuldi fáa Manchester United upp á turt aftur. Eftir tvey ár bleiv hann eisini koyrdur. Frelsarin bleiv so arva­fígg­ indin úr Chelsea. Trýfaldi Premier League vinnarin, José Mourin­ho, bleiv settur, men út­ spæld­ur og útsligin á Anfield, má eisini hann takka fyri seg eftir tvey og eitt hálvt ár. Stigatalvan, spælið og til sein­ast úrslitið á Anfield var bara ikki gott nokk. Dropin á Anfield Liverpool vann sunnudagin 3-1 á Manchester United í árva­ fíggindauppgerðini í Premier League. Sadio Mané skoraði eitt, meðan innskifti Xherdan Sha­qiri skoraði tvey. Jesse Lin­gard skoraði málið fyri gestirnar úr Manchester. Tølini tala eisini fyri seg, tí Liverpool hevði 36 royndir móti málinum hjá Manchester Un­ited, sum bara seks ferðir kláraði at svara aftur. José Mourinho plagar at verða kringur í orðum, tá hann skal sleppa sær úr eini knípu, tá liðini hjá honum hava tapt. So­leiðis var ikki sunnudagin. Hann viðurkendi, at Liverpool á degnum var betri, men iðrar seg um málini, ið gjørdu munin. - Liverpool er eitt betri lið. Vit kunnu ikki samanberast við teir í leikferð og korpsstyrki. Hóast tað, so eru vit við til tað eru 15 minuttir eftir av dysti­ num, og tá er javnleikur mest sann­líka úrslitið, segði José Mourinho, sum eisini kærir sína neyð um skaðar. - Vit hava havt trupulleikar av skaðum í longri tíð. Tá spælar­ar ikki venja regluliga, so klára teir ikki at standa í móti Liverpool. Teir eru skjótir, sterk­ir og ágangandi. Livepool spæl­ir við fullari ferð, segði José Mourinho. Órógv um Paul Pogba Tað er sjáldan róligt, tá José Mourin­ho er venjari. Soleiðis hevur eisini verið í Manchester United. Hann hevur upp til fleiri ferðir víst sína ónøgd við bæði leiðsluna, fyrrverandi spælar­ar og núverandi spælar­ ar. Hann skal eitast at hava verið ónøgdur við Ed Wood­ ward, sum stendur á odda fyri inn­keypunum hjá felagnum. Hann hevur fleiri ferðir víst á, at hann ikki hevur nóg góðar spælarar í hópinum, hóast hann hevur keypt 11 spælarar í síni tíð. Mest umtalaða ósemjan hevur tó verið við stjørnu­ spælar­an, Paul Pogba. Hann var heimsins dýrasti spælari, tá hann í 2016 kom til Manchester Uni­ted frá Juventus. Tað hevur tó ikki eydnast José Mourinho at fáa nógv fyri pengarnar. Við tíðini er Paul Pogba endaður á bonkinum, eftir at portugisiski venjarin upp til fleiri ferðir hevur verið eftir honum. Bæði fyri avrikini á vøllinum, men eisini fyri atburðin uttanfyri vøllin. Eitt sindur sigandi um støðu­na, so sat Paul Pogba uttan­fyri allan dystin móti Liver­pool. Søgurnar siga, at franski heimsmeistarin í longri tíð hevur leitað eftir nýggjum av­bjóð­ingum. José Mourinho kann fáa tað besta burturúr spælarum, men hann er heldur ikki bang­ in fyri at gera seg ókláran við stjørnuspælarar. Í hesum føri­ num tapti José Mourinho tann dystin. Kritikkurin helgar omanyvir José Mourinho náddi at verða venjari hjá Manchester United í tvey og eitt hálvt ár. Eftir at hava vunnið millum annað Liga Cup og Europa League, um­framt at blíva nummar tvey í farna kappingarári, so hevur vána­liga byrjanin í ár kostað hon­um starvið. Manchester United er í løtuni á sætta plássi, 19 stig eftir Liver­pool, sum er nummar eitt. Hetta er vánaligasta byrjanin hjá Manchester United síðani 1990. Vánaliga gongdin og serliga tað lítið eygagóða spælið hevur gjørt, at José Mourinho at kalla hvørja viku hevur verið noydd­ ur at dystast uttanfyri vøllin. Fyrr­verandi spælarar hava eftir at kalla hvørt avrik víst sína ónøgd. Fyrrverandi spælarar sum Roy Keane og Paul Scholes hava gingið á odda við kritikkinum, meðan Gary Ne­ ville, Rio Ferdinand og aðrir eisi­ni hava verið úti við rívuni til tíð­ir. Hetta hevur mangan fingið ilt í portugisiska venjara, sum fleiri ferðir hevur víst á, at hann er ein trýfaldur Premier League vinnari, og at hann hevur vunnið meistaraheiti í fleiri londum. Hartil hava fyrr­ verandi spælarar sum Gary Neville fingið at vita, at teirra evnir sum venjarar ikki hava livað upp til evnini sum við­ merkjarar. 200 milliónir krónur í lumman Seinnu árini hevur gyltað lógva­tak­ið, sum eitt nú stjórar fáa, tá teir verða uppsagdir, ver­ið nógv umtalað. Í fót­ bólts­heimi­num er hetta eisini ein partur av spælinum. José Mourin­ho gjørdi nýggjan sátt­ mála við felagið so seint sum í janu­ar 2018. Dailyrecord og Dailymail skriva, at tað fer at kosta Man­ chester United millum 150 til 200 milliónir krónur at hava koyrt José Mourinho frá. Daily­record skrivar, at støddin á útgjaldinum verður tillaga um Manchester United klárar Champ­ions League fótbólt til kom­andi kappingarár. Carrick tekur yvir Felagið boðar frá, at ein av­ loysari skal setast til restina av kappingarárinum, meðan ein nýggjur venjari skal setast, tá kappingarárið er liðugt. Nú fyrstu dagarnar verður tað hjálparvenjarin, Michael Car­rick, sum tekur yvir. Hann er fyrrverandi miðvallari í felagnum og sigst vera væl lýddur í hópinum. Tó verð­ur ikki væntað, at hann verð­ur fyribils venjari til kapp­ingar­ enda skriva millum annað Sky Sports og Dailymail. Søgurnar siga, at talan verður um ein fyribils venjara, sum ikki er í felagnum í løtu­ni, men at hann skal hava vitan um felagið. Premier League: Manchester United hevur kunngjørt, at José Mourinho ikki longur er venjari í felagnum. Umstríddi venjarin er koyrdur, eftir eina søguliga vánaliga byrjan upp á eitt kappingarár í Premier League SO REYK JOSÉ MOURINHO