hósdagur 27. desember 2018síða 39

FRÍGGJADAGUR 28. DESEMBER 2018 SOSIALURIN 149 38 Jan Lamhauge, journalistur Hvussu var 2018 fyri teg? Tað var eitt blandað upplivisli. Fyrra árshálvan var sera keðilig við øllum innanhýsis rokinum í Kringvarpinum. Alt, sum var uppbygt undanfarnu árini, bleiv niðurbrotið. Tað var óendaliga óstimbrandi, og fór við allari orku, bæði til arbeiðis og privat. Men seinna árshálvan hevur verið sera góð, síðan daman, dótturin og eg fluttu til Svøríki í summar. Eg haldi, at vit eru øll munandi lukkuliga og meir harmonisk nú.   Hvat var besta upplivingin í 2018? Sum sagt, í summar fluttu vit til Svøríkis í eitt styttri tíðarskeið. Tað hevur verið eitt sera gott upplivilsi. Bæði at skifta umhvørvið og at læra nýggja fólk at kenna. Áðrenn vit fluttu, hugsaði eg serliga nógv um, hvussu dótturin fór at trívast. Men tað hevur verið serliga gleðiligt, at hon trívist sera væl. Kanska hevur tað eisini ávirkan á hana, at foreldrini hava betri tíð til hana, og vit hava verið so heppin at havt vitjanir fleiri ferðir av ommum, abbum og systkinabørnum.   Hvat var keðiligasta uppliving í 2018? Eg kann byrja við, at keðiligasta uppliving í 2017 var, at KvF "lønti" okkum fyri at hava varpað ljós á, at landskassin stóð til at missa 90 milliónir krónur í "skattamálinum" hjá Eik Banka, við at siga tíðindaleiðaran upp. Tað var í 2017. Størsta vónbrotið í 2018 var, at nýggja leiðsan fyri KvF ikki byrjaði av nýggjum, men heldur roynir at gera arbeiðið hjá undanfarnu leiðsluni liðugt.   Hvat var mest umráðandi lærdómurin í 2018? Tað finnist ikki nógv størri ríkidómur enn at gera tað, sum mann brennur fyri, saman við fólki, sum brenna fyri tí sama.  Hvat hevur tú sett tær fyri at gera í 2019? At fara á ein siglitúr við familjuni á svenska Skergarðinum. Og kanska eisini fara ein til túr til Miðeystur. Í 2011 ferðaðust Heini í Skorini og eg í Libanon, og líka síðan hava vit á hvørjum árið tosað um at fara ein túr afturat. Men vit eru ongantíð síðan komnir longur enn til prátið. Kanska um eg nú sigi tað alment, so verður 2019 kanska árið, tá vit aftur fara at ferðast í Miðeystri.  MÍTT 2018