hósdagur 3. januar 2019síða 23

FRÍGGJADAGUR 4. JANUAR 2019 SOSIALURIN 1 23 B æði Jákup Suni Berg, leiðari í Burn, og Jákup Jacobsen, leiðari í Yndi Fitness, eru á einum máli um, at antidoping samstarvið og eftirlit á hesum øki avgjørt eru av tí góða. Og báðir siga teir seg hava verið jaligir um at fara í samstarvið hjá ÍSF, tó at teir báðir hava havt spurningar til støðið á tí eftirlitsvirksemi, sum kemur við slíkari avtalu. - Tað er lítið ,tey kunnu læra okkum um antidoping, men vit skriva undir avtalu nú fyrsta dagin, sigur Jákup Jacobsen, sum rekur Yndi Fitness. Og úr Burn eru boðini tey somu. - Vit arbeiða sjálvandi ímóti doping. Tað er als ikki tað, hesin spurningur snýr seg um, sigur Jákup Suni Berg, leiðari í Burn. Hava havt fleiri fundir Hóast Petur Mittún, aðalskrivari í ÍSF ikki vil nevna nakrar venjingarmiðstøðir við navni, so eru tað serliga tvær, sum koma til hugs, tá ið ein sær áheitanina frá ÍSF. Og tað eru Yndi Fitness og Burn. Báðar venjingarmiðstøðirnar siga í dag, at tær hava havt fleiri fundir við ÍSF um antidoping avtaluna, og spurningar hava verið reistir um, hvussu limirnir í venjingarmiðstøðunum fara at uppliva hesa avtalu. - Hjá okkum hevur tað verið so, at vit hava verið sera jalig um hesa avtalu, men teir spurningar vit hava havt, hava verið umráðandi at fáa upp á pláss fyrst. Og tað snýr seg um, at vit vilja tryggja okkum, at okkara limir kenna seg væl inni hjá okkum, og at eftirlitið, sum verður gjørt, er á einum professionellum og rættvísum støði. Vit vilja hava, at tað stendur upp á skrift, hvussu mann tryggjar rættvísi í eftirlitsarbeiðnum, tí Føroyar eru eitt lítið land, og tað er skjótt, at fólk, sum venja hjá okkum, kenna seg órættvíst viðfarnan, um tað ikki er púra klokkuklárt, hvussu eftirlitsarbeiðið verður gjørt, sigur Jákup Súni Berg. Hann vísir millum annað á, at tað verður sagt, at tað bert eru tey, sum eru undir illgruna fyri at taka ólóglig evni, sum verða kannað. - Men hvussu tryggjar mann sær, at eingin vanligur íðkari, sum gongur á rennibandi nakrar ferðir um vikuna, fer at verða biðin um at pissa í eitt glas og lata seg kannað, sigur Jákup Suni Berg og vísir á, at tað eru hesi viðurskifti, sum skulu fáast upp á pláss. - Vit hava verið partur av heimsins størsta antidoping felagsskapi WNBF síðani 2013, so hetta er eitt øki við arbeiða nógv við. Vit hava bert havt nakar spurningar, og teir eru nú svaraðir, sigur Jákup Jacobsen. Yndi fer tí at skriva undir fyrsta dagin, og í næstum fer Burn at biðja um enn ein fund við ÍSF fyri at fáa greiðu á seinastu snøklunum í spurninginum um antidoping-avtaluna. ÍSF: Leiðararnir í Burn og Yndi: - Vit eru avgjørt jalig um antidoping samstarvið, men vit hava havt nakrar spurningar til, hvussu professionelt hetta fer fram, siga leiðararnir í Burn og Yndi Fitness - Vit ákæra ongan fyri nakað, men man kann spyrja hví summar venjingarmiðstøðir ikki eru við í antidoping avtaluni, sigur Petur Mittún, aðalskrivari í ÍSF Hesi hava samstarvsavtalu: Átta venjingarmiðstøðir í Føroyum hava gjørt samstarvsavtalu við Antidoping Danmark/Føroyar. Tær eru: Vælvera í Tórshavn, Vælvera í Saltangangará , Vælvera í Vági, Vælvera í Vestmanna, Tvørmegi í Tórshavn, Fullpower í Klaksvík, Fullpower í Runavík og Íðka í Klaksvík  ÍSF sendi stutt fyri jól út eitt tíðindaskriv, har tey heita á ítróttarfeløg og ítróttar­sam­ bond um at velja tær fýra venj­ ingarmiðstøðirnar til, sum eru við í antidoping avtaluni hjá ÍSF – og harvið velja aðrar venj­ing­armiðstøðir sum Burn og Yndi Fitness til dømis frá. - Hetta eru ikki harraboð, hetta er bara ein áheitan til tey feløg og sambond, sum senda síni ungu út í miðstøðir at venja, um at hugsa seg væl um, sigur Petur Mittún, tá ið hann verður spurdur, um hetta ikki er at leggja seg út í vinnu­ligu kappingina millum venjing­ar­mið­støðir í landinum. Yndi og Burn Petur Mittún vil helst ikki siga nakað um tær venjing­ar­mið­ støðir, sum ikki eru við í anti­ doping avtaluni, men tað eru í øllum førum tvær, sum púra vist eru á svartalista hjá ÍSF í hesum høpi, og tað eru tær báðar stóru Yndi og Burn. Men hvat er tað ÍSF við hesari áheitan ákærir venjingarmiðstøðirnar fyri? - Vit ákæra ongan fyri nakað, men man kann seta spurnartekin við, hví summar venjingarmiðstøðir ikki vilja vera við, sigur Petur Mittún. Leggja tit ikki ávísar venjingarmiðstøðir undir ólógligt virksemi við hesari áheitan? - Nei vit kunnu sjálvandi ikki siga, at nøkur venjingarmiðstøð við vilja góðtekur ella fremur doping. Tað vita vit einki um. Vit síggja bert hesa áheitan sum eitt natúrligt næsta stig í okkara antidoping arbeiði. Hetta skal ikki tulkast sum nakað krav ella nøkur ákæra. Hetta er bert ein áheitan og ein áminning um at vísa varsemi, sigur Petur Mittún. Tað kostar 3500 krónur at vera partur av antidoping avtaluni, og tað viðførir millum annað tillagar limatreytir, skeltið, har tað stendur man er partur av AntiDoping Danmark/Føroyar. Somuleiðis viðførir tað, at ÍSF kann gera kanningar á miðstøðunum og annars vera á staðnum og upplýsa um doping og avleiðingarnar av hesum. - Man kann spyrja hví tey ikki eru við BURN OG YNDI FARA VIÐ Í ANTIDOPING AVTALUNA