mánadagur 7. januar 2019síða 17

17 Mánadagur 6. januar 2014 · Nr. 2 Sosialurin Mánadagur 7. januar 2019 · Nr. 2 Hugskot og viðmerkingar – send sms til 225000 STUTTSØGD Føroyar hava seinastu dagarnar verið vertir fyri U16 EM í kvinnuflogbólti. Føroysku genturnar blivu nummar fýra og hava tryggjað sær víðari luttøku. Úti í heimi hevur Jóhan á Plógv Hansen aftur gjørt um seg, meðan ein hálvføroyskur rugby-spælari hevur vunnið heiður í Danmark Pætur Albinus FÓTBÓLTUR Christian Eriksen (Tottenham) og Pernille Harder (VfL Wolfs­ burg) eru ársins spælarar í donskum fótbólti 2018. Tað vórðu tey kosin til av Spiller­ for­en­ingen á gallaveitslu leygar­kvøldið. Hetta er fimtu ferð, at 26 ára gamli Christian Eriksen verður kosin ársins spælari í Danmark, og yvirhálar hann harvið Brian Laudrup, ið hevur vunnið hendan heiðurin fýra ferðir. Pernille Harder, sum somuleiðis er 26 ár, hevur havt eitt framúr kappingarár við týska Bundesliga-felag­ num, VfL Wolfsburg, og her­ fyri varð hon einans seks at­kvøður frá at verða kosin heim­sins besti spælari. Tann heið­urin fekk ístaðin norska Ada Hegerberg. Christian Erik­ sen vann heiðurin sum ársins spælari frammanfyri Kasp­er Schmeichel og Thomas Dela­ ney, meðan Pernille Harder vann hann frammanfyri Sanne Troels­gaard og Janni Arnth. FLOGBÓLTUR EM fyri U16-kvinnulandslið hev­ur seinastu dagarnar verið spælt í stórhøllini á Hálsi í Havn. Tað vóru Finnland og Dan­mark, sum hittust í finaluni í gjár. Henda gjørdist javnari enn ein hevði roknað við, tí higar­til hevði Finnland víst tað besta spælið í kappingini, men Dan­mark hevði fyrireikað seg væl, og var í fleiri umførum á odda í dystinum. Men tá tað veru­liga var avgerandi, so vísti Finn­land, at tær vóru tann rætti vinnarin. Dysturin endaði 3-0 til Finnland. Dysurin um 3. plássið var mill­um Føroyar og Svøríki. Svøríki vann dystin 3-0, men í 3. settið var Svøríki í stórum trupul­leikum, tá Føroyar eitt skifti førdi 18-14, men eftir nakrar smáfeilir, megnaði føroyska liðið ikki at halda fast, og tapti settið 25-22. Hini settini endaðu 25-17 og 25-20. Sum væntað, so hevði Svøríki sterkara liðið, men við tað at hetta er fyrstu ferð Flog­bólts­ sam­bandið hevur landslið í hesum aldur­bólki­num, so verður eitt samlað 4. pláss mett sum ein góð byrjan. Við 4. plássinum hevur føroyska liðið eisini vunnið sær rætt til lutøku í øðrum umfari í kapp­ ingini. Henda kappingin verður í vár. HONDBÓLTUR Føroyski høgri vongurin hjá Bjerringbro-Silkeborg, Jóhan á Plógv Hansen, varð mikudagin í síðstu viku innkallaður til danska A-landsliðið at loysa ein skaddan Hans Lindberg av. Á skránni vóru tveir venj­ ingar­dystir ímóti Ungarn fram ímóti HM-kappingini, sum byrjar hósdagin. Jóhan spældi við fyrra dystin í 33-19-sigri miku­kvøldið. Hann varð inn­ skiftur í seinna hálvleiki og fekk tvey mál. Í gjár var søgan tann sama, tá hann aftur varð inn­skiftur í seinna hálvleiki – hesaferð í 28-25-tapi fyri Ungarn, sum var á odda heil 16-8 í hálvleikssteðginum. Jóhan gjørdi sítt til at minka um munin og skeyt fýra mál. - Vit hava fingið prógv fyri, at um Hans Lindberg (37 ár) og Lasse Svan Hansen (35) ein dag gevast, so er Jóhan (á Plógv Han­sen, red.) tilreiðar, segði frá­søgumaðurin á TV2, Thomas Kristensen.Vandi er tó fyri, at Jóhan á Plógv Hansen hóast alt ikki sleppur við til HM. Hans Lind­berg er við at koma fyri seg aftur og byrjar so smátt at venja við aftur í dag, men hann sigur við TV2, at hann enn ikki vil siga nakað, tí at tað er skjótt, at ein skaði aftur kann versna. 18 mans sleppa við til HM, og í løtuni er Jóhan á Plógv Hansen mettur at vera 19. maðurin – tó tilreiðar at koma inn í hópin, um tað gerst neyðugt. 18 ára gamla norska risa­ talent­ið, Alexander Blonz, fekk eina dreymabyrjan á A-lands­ lið­num, tá ið hann í gjár skeyt sjey mál og gjørdist toppskjútti í norska 36-29-sigrinum á Hol­ landi í venjingardysti undan HM-endaspælinum, sum byrjar í Danmark og Týsklandi nú hósdagin. Blaðungi vong­ leik­arin er viðleikari við før­oysku Helga H. Hoydal, Kjartan Johansen og Jónas G. Djur­huus í Viking í næstbestu norsku deildini. Tað var feitt, at tað gekk so væl. Eg var bara nervøsur í fyrsta skotinum, sigur Alexander Blonz við norska blaðið, VG, har norski lands­liðsvenjarin, Christian Berge, rósar unga manninum. - Hann er óttaleysur, er frekur, hevur eitt ørt venjingarlag og ein hugburð, ið eg havi leitað eftir, sigur hann. RUGBY Hálvi føroyingurin, Christoffer Ki Winstrøm, er kosin sum ársins rugbyspælari í felagi sín­um, Erritsø GIF, í bestu donsku deildini. Hann vann at­kvøðu­greiðsluna púra greitt. Christoffer er 21 ára gamal, og hann er eisini partur av danska A-lands­liðnum – bæði í 7-mans og 11-mans-rugby. - Eg eri errin av heiðurinum sum ársins spælari 2018 í felagi okkara. Rugby er ein fantastiskur ítrótt­ur. Eg gleði meg til nýggja kapp­ingarárið, har okkara full­ tíðar­venjari, Dennis Graver­ sen, skal ganga á odda, sigur Christoffer við Fredericia Dag­ blad. Mamma Christoffer var Unn Ki Jacobsen úr Havn. Vunnu 4. pláss og víðari luttøku