mánadagur 7. januar 2019síða 18

Mánadagur 7. januar 2019 · Nr. 2 18 Sosialurin Hugskot og viðmerkingar – send sms til 225000 AMERIKANSKUR FÓTBÓLTUR Pætur Albinus Kappingarárið í amerikanskum fótbólti er nú komið somikið væl áleiðis, at klárt er at spæla hálvfinalur í teimum báðum konferansunum, NFC og AFC – eisini kent sum divisional round. Um vikuskiftið vórðu fýra lið varpað úr tí sokallaða wildcard-umfarinum, soleiðis at tað nú einans eru átta lið eftir – fýra í NFC og fýra í AFC – ið dystast um at koma við í stóru finaluna, Super Bowl, sum í ár verður 3. februar í Atlanta. Bjørt framtíð Ein av føroyingunum, sum fylgir væl við í amerikanskum fótbólti, er Aksel Kambsskarð Berg. Hann heldur, at árið í ár hevur givið okkum boð um, at NFL hevur eina bjarta framtíð hvat viðvíkur spælaratilfeingi. - Eitt sum sermerkt hetta kappingarárið er, at vit hava nógvar ungar quarterbacks, ið hava spælt sera væl, og NFL sær út til at hava eina bjarta framtíð. Patrick Mahomes, Jared Goff og Deshaun Watson eru millum teir bestu í NFL, og so hava fleiri rookies eisini spælt væl, serliga Baker Mayfield og Lamar Jackson, sigur Aksel. Sum so mangan, so hevur ikki gingið júst sum ætlað hjá øllum liðum, meðan onnur hinvegin hava verið óvæntað stinn. Aksel heldur, at tað serliga er eitt lið, sum hevur tikið hyggjarar og onnur á bóli í ár. - Eg haldi, at Patrick Mahomes og Kansas City Chiefs eru størsta yvirraskilsið. Man væntaði eitt ár við endurbygging av liðnum, men tvørturímóti hevur Mahomes verið besti leikarin í NFL í ár, og Chiefs líkist einum liði, ið kann liggja á toppinum í nógv ár. Eg haldi eisini, at tað var óvæntað, at Chicago Bears skuldi klára seg so væl, metir Aksel. Favorittarnir Teir báðir seinastu dystirnir í wildcard-umfarinum vórðu spældir í gjár, og her sermerkti tað dystirnar, at tey undirmettu liðini vunnu í evstu løtu. Fyrst vann Los Angeles Chargers 23- 17 á Baltimore Ravens í einum dramatiskum dysti, og síðani vann Philadelphia Eagles 16- Super Bowl nærkast: RB hjá Colts, Marlon Mack (t.h.), rann heili 148 yards í sigrinum á Houston Texans Nú er minni enn ein mánaði til Super Bowl, og um vikuskiftið vórðu fýra lið afturat varpað úr playoffs í NFL. - Eg haldi, at Patrick Mahomes og Kansas City Chiefs eru størsta yvirraskilsið í ár, sigur føroyski NFL-hyggjarin, Aksel Kambsskarð Berg, sum ikki væntar fleiri óvæntað úrslit, og at favorittarnir nú seta seg á restina av kappingini NÚ ERU BARA ÁTTA LIÐ EFTIR