týsdagur 15. januar 2019síða 12

Mikudagur 16. januar 2019 · Nr. 6 12 Sosialurin Hugskot og viðmerkingar – send sms til 225000 MEST LISIÐ Á IN.FO SÍÐSTU VIKUNA - Eg reyk aftur og fram á dekkinum. Tað einasta, eg hugsaði, var at bjarga mær sjálvum og taka fatur í rekkverkið. Tað snúði seg bara um at yvir­ liva, fortelur 40 ára gamli Mar­stein Thomsen úr Syrðugøtu. Ein illveðursdag í novem­ber fyri góðum fýra árum síðani fekk Mar­stein álvarsligan skaða umborð einum før­oysku­m fiskiskipi. Sjógvur kom umborð, og hann bleiv syftur runt og smekkaði høvdið í. Ein æðr bleiv kroyst so mik­ið nógv, at heilin hovn­aðist, og lívið hjá gøtu­manninum broyttist nú fyri altíð. Hann endaði lamin og lá innlagdur í 10 mánaðir. Hóast hann í dag enn hevur mein av skaðanum, hevur hann lært at liva við árinunum, og hann hevur meira mót uppá lívið enn tey flestu. - Lívið steðgar ikki, bara tí mann hevur fingið nakr­ar avbjóðingar. Lívið er enn vert at liva. Les alla samrøðuna við kemparan, Marstein Thom­sen, í Vikuskiftis Sosiali­num. Blaðið kemur í handlar­nar kring landið í kvøld, og til ber eisini at lesa talgildu útgávuna HER. 2. Gist&Vist selt Burger King, SunSet og Baresso Fyri eini løtu síðani fór ein bussur hjá Bygda­ leiðun út av vegnum við mið­náms­skúlan í Hovi. Løgreglan sigur, at ein hvirla tók bussin og hann fór einar 30 – 40 metrar út av vegnum. Um­framt føraran, vóru tvey ferðafólk í bussi­ num. Løgreglan sendi sjúkrabil á staðið, men har var eing­in fólka­ skaði, sigur Løg­reglan. Tað er kolandi storm­ ur og á leiðini, har buss­ urin fór út av, vóru hvirlur­nar verið upp í 37 metrar um sekundið fyri eini løtu síðani. Eisini ymsastaðni kring landið er heilt nógvur vindur, á Norðadalsskarði er hann upp í 44 metrar um sekundið og í Kald­baks­ botni er hann 36 metrar. Men eisini aðrastaðni í landinum er rættiliga nógv­ur vindur, so tað krevst størsta varsemi at fara í bil. Hetta er einasta frá­ boðan, løgreglan hevur fingið um skaða í stormi­ num í dag. Bæði í 2015 og í 2017 fóru bussar eisini út í Hovi í stormi. - Tekan, sum fyri fyrstu ferð er skrásett í Føroyum, kann nørast her, tí hon livir norð­ ar­laga í Skandi­navia, sigur Jens-Kjeld Jensen. Jólini eru løgd afturum, og tað merkir, at nógv innflutt grann­ trø hava staðið kring um í føroyskum heim­ um seinastu tíðina. Tað er slett ikki óvan­ ligt, at ymiskt livandi, sum ikki hoyrir heima í føroysku náttúruni, kann vera á innfluttu jóla­trøunum. Tað eru eisini tey, sum siga frá, tá tey finna onkur smá­ kykt, og soleiðis veit heimasíðan – Jenskjeld@info – eina søgu at siga nú í byrjan­ ini av árinum. Á heimasíðuni undir ”smá­kykt og flogkykt” verður sagt, at tey hin 29. desember í fjør fingu eina fimm-og eina sjey­ plettuta mariuhønu frá Guðrið Hentze á Hvíta­ nesi. - Haraftrat fingu vit eisini eina teku (Elas­mucha grisea) – á donskum rópt ”alminde­lig birketæge”, sum ikki er skrásett í Før­oy­um áður. Á heimasíðuni hjá Jens-Kjeld Jensen verður sagt, at bæði mariu­hønurnar og tekan vórðu funnar á inn­flutta jólatrænum hjá Guðrið Hentze. - Elasmucha gri­ sea  kann nørast í Før­ oy­um, tí hon livir norð­ ar­laga í Skandi­navia, legg­ur Jens-Kjeld Jensen aftrat. 1. Sosialurin: - Lívið er enn vert at liva 3. Hvirla tók buss 30 metrar út av vegnum Í seks ár hevur Gist&Vist rikið matarstøðini í SMS, sum Gist&Vist hevur átt saman við SMS. Tá Gist&Vist tók yvir um ársskifti 2012-13 høvdu matstøðini koyrt við halli at kalla síðani byrjan. Tilsamans var hallið við árslok í 2012 góðar 6 milliónir krónur. Gongdin vendi í 2013, og hava matarstøðini verið rikin við yvirskoti síðani. Bersta ársúrslitið var í 2017, tá felagið hevði góðar 2,6 milliónir krónur í yvirskoti. Eginognin er í dag slakar 2,3 milliónir krónur. Umleið 30 starvsfólk starvast hjá P/F Dvøljuni, sum er felagið, sum rekur matastøðini í SMS. Johannes Jensen, stjóri í Gist&Vist sigur, at yvirtøkudagurin er 1. januar 2019, tá SMS tók yvir leiðslu­na av felagnum. Sam­stund­is takkar hann starvs­fólk­ um í Dvøljuni: – Vil nýta høvi at takka hjartaliga fyri gott samstarv og fyri tykkara part í sera góðu úrslitunum, sum Dvøljan hevur skapt seinnu árini, skrivar hann til starvs­ fólkini. 4. Fyrsta skráseting av hesi teku í Føroyum 5. Løgreglan leitar eftir einum vitni til eina hending í Runavík Løgreglan roynir fram­ vegis at fáa greiði á eini hending í ferðsluni í Runavík. Hendingin fór fram 12. november í fjør, men hóast ein tíð er farin, hevur tað ikki eydnast løgregluni at fáa greiðu á, akkurát, hvat tað var, sum hendi. Tískil roynir løgreglan nú at koma á tal við ein rennara, sum kom fram við, akkurát tá ið hendingin var. Talan var um eina hend­ing á Mýravegnum í Runavík, beint sunn­an fyri Gerðisveg, um­leið klokkan fimm mána­ dagin tann 12. november. Har hendi tað, at ein bilur, sum kemur koyr­andi, steðgar fyri einum rennara, ið er á veg tvørtur um vegin. Men so sær bilførarin at ein rennifjøl liggur framman fyri bilin, og tá ið hann fer úr bilinum at vita, hvussu vorðið er, sær hann ein 12 ára drong, sum sigur at hann er ákoyrdur. Men tað vil bilførarin ikki kennast við. Hann heldur ikki at hann kann hava koyrt á dreingin, tí hann hevur ikki lagt merki til nakað, og løgreglan sigur, at tað er heldur einki at síggja á bilinum. Bilførarin sigur, at rennarin steðgaði at vita, hvussu støðan var og hann sigur eisini, at hann   spurdi rennaran um hann hevði sæð nakað. Men tað hevði rennarin og tá ið hann sá, at bilførarin tók sær av dreinginum, helt hann leiðina fram. Men av tí, at tað er óvist, hvat fór fram, vil løgreglan fegin frætta frá rennaranum fyri at hoyra, hvat hann hevur hoyrt og sæð. Løgreglan sigur, at talan var um ein yngri mann, kanska ímillum 20 og 30 ár, og hann var í heilt vanligum renniklæðum. Undir øllum um­ støð­um er tað greitt, at drongurin hevur fing­ ið ein stoyt í høvdið og hann varð fluttur á Landssjúkrahúsið, men talan var ikki um var­ andi mein. Og sjálv­ur minnist hann einki til hendingina, og tí vilja tey fegin hava orðið á rennaran, sigur løg­ reglan.