týsdagur 15. januar 2019síða 48

So eru Torradagarnir aftur á skrá 18. – 23. februar 2019, og eru tey, ið ynskja okkurt sett á skránna vælkomin at gera vart við seg á dw@klaksvik.fo ella ringja til Klaks víkar kommunu. Skráin er ikki liðug enn, men m.a. Sigmar Bláberg, rithøvundur greið ir frá við støði í bók síni ”Stállínuskipini í aðra vinnu 1962-64”. Fiskivinnutingið tekur saman- um fiskivinnulóggáv una og verður ein partur av leikpallinum á Torradøgunum í Spinnarínum hesaferð. Norðoya Sparikassi fyllir 100 ár í 2019 og hava teir lagt seg uppat skránni á Torradøgunum við ymiskum tiltøkum, fleiri teirra verða í Spinnarínum og verður m.a. søgan hjá Spinnarínum eisini fortald har við søguligum afturliti. Tí verður skráin nokkso rúgvusmikil hesaferð. Eisini verða ymsar hugnaløtur í Smæruni við m.a. Alfred Olsen sum greiðir frá um Dannebrogsmannin, við Jonnu Johannessen, ættað av Hellunum, sum greiðir frá uppvøkstri sínum har, og um tíðina í Grønlandi, tá ið menn vóru til lands við opnum bátum, har hon eisini var við. ”Søgur av Flemish Kap” verður aftur á skrá, við framløgum og práti við sjómenn, sum hava verið á Flemish Kap. Heilsurenning, Heilsukáfé og Matiné er eisini á skrá. Ein serstøk framløga verður í Spinnarínum við kenda tíðindamanninum hjá DR, Steffen Gram, har spurt verður, ”Eta Putin og Trump fisk”? Her verður tikið í nakað um tað neyðuga av, at Føroyar hava fría marknaðaratgongd bæði í EU, Russlandi og sanniliga eisini í USA – Hvat hendir, um Trump spælir ov nógv við musklunum og leggur ov nógvan toll / bann á hetta og hatta? EU hevur jú boykotta Russland, men hevur tað kanska verið ein “fyrimunur” fyri Føroyan – ella? Torradagarnir verða 18. - 23. februar og sum sagt er skráin ikki liðug enn, men verður meir at frætta seinni. Tey, ið ynskja okkurt sett á skrá kunnu gera vart við seg á dw@klaksvik. fo ella ringja til Klaksvíkar kommunu á tel. 410000. 18. - 23. februar Myndir: Dávur Winther