hósdagur 17. januar 2019síða 17

FRÍGGJADAGUR 18. JANUAR 2019 SOSIALURIN 7 17 Leygardagin 1. juni 2019 renn­ ur HKH Krúnprinsurin 10 km í Klaksvík. Hetta er í sam­bandi við Royal Run 2019, sum í ár verður skotið í gongd í Før­ oyum.    Í sambandi við 50 ára føð­ ingar­dagin hjá Krún­prinsinum í mai 2018, rann Krúnprinsurin Royal Run saman við 70.000 lut­takarum í fimm ymiskum býum í Danmark. Í ár verður start­skotið til Royal Run renn­ ingina 2019 í Klaksvík.  -Hetta er ómetaliga spenn­ andi fyri allar Føroyar. Í Klaks­ vík eru vit sjálvsagt errin av, at tað er Klaksvíkar kommuna, sum saman við Treysti, fær møguleikan at samskipa Royal Run. Vit høvdu vitjan av Krúnprinsfamiljuni sein­ asta summar, men høvdu ikki ímyndað okkum, at Krún­prinsurin fór at vera so skjótur aftur, sigur Jógvan Skor­heim, borgarstjóri, sum tó leggur aftrat, at hann undir veitsludøgurðanum í Spinnar­ ínum spurdi, um tað ikki var ein møguleiki, at hava Royal Run í Klaksvík.    -Góða móttøkan uttanfyri Norð­oya Sparikassa, har før­ oysk­ir rennarar frá Royal Run 2018 tóku ímóti Krún­ prinsa­familjuni, hevur heilt sikkurt eisini havt sína ávirk­ an, at Klaksvík varð valt sum staðið, har renningin skuldi vera, sigur Jógvan Skorheim, borgarstjóri.   Royal Run er ikki ein kapp­ ing um bestu tíðina, tí møgu­ leiki er bæði at ganga og at renna. Tí er talan um eitt til­ tak fyri øll, óansæð um mann er royndur rennari ella um mann bara ynskir at ganga eina enska míl, sum svarar til 1,6 km. Sostatt kunnu fólk í øllum aldri, familjur við barna­vognum og fólk í koyri­ stóli ella líknandi eisini lut­taka saman við Krún­prinsinum.  -Okkara luttøka í Royal Run skal eggja øllum til at røra seg, sigur Guttorm Sørensen, næst­ for­maður í Treysti. Hetta er eitt fantastiskt tiltak, sum eisini hevur til endamál at savna før­oyingar. Vit eru mong, sum minnast Tunnilsrenningina í 2006, tá 3.200 luttakarar fóru ígjøgnum Norðoyatunnilin. Tað varð ein hátíðarløta, sum vit vóna at endurskapa við Royal Run, sigur Guttorm Søren­sen.   Royal Run verður í Dan­ mark 10. juni 2019, og tekur átak­ið støðið í hugsjónini “Bevæg dig for livet”, sum er eitt samstarv millum donsk ítróttar­feløg, har endamálið er, at 75% av íbúgvunum skulu verða virkin. Hesum máli vilja vit eisini arbeiða fram ímóti, og metir Guttorm Sørensen, at Royal Run avgjørt kann birta und­ir, at fleiri fara at røra seg. - Ómetaliga spennandi fyri alt Føroyar - Tey spurdu heldur leiðandi inn til, um Royal Run ikki kundi vera í Føroyum, so eg havi tikið tey upp á orðið, sig­ ur Fríðrikur krúnprinsur við danskar miðlar. Tað eru ikki bara føroyskir miðl­ar, sum eru á tremur við royalum tíðindum í hes­um døgum. Eisini danskir miðl­ar við­gera Royal Run, sum renni­ til­takið hjá krún­prinsi­num eitur.  Tv2 skrivar, at krún­prins­ur­ in fekk íblástur til at taka sítt renni­tiltak til Føroya, tá í hann vitjaði í Føroyum við familju síni í fjør summar - Tá eg var við familju míni í Føroyum, møtti eg fleiri før­ oy­ing­um, sum høvdu verið í Dan­mark fyri at luttaka í Royal Run. Tey spurdu heldur leið­andi inn til, um Royal Run ikki kundi vera í Føroyum, og eg havi tikið tey upp á orðið, sig­ur krúnprinsurin sambært Tv2.  - Vit bjóðaðu krúnprinsinum at koma til Klaksvíkar at renna hálvmaraton í mai. Eg haldi, at hann svaraði kanska, segði ein av teimum 10 kvinn­ unum, tá ið in.fo hitti tær á keiðini í Klaksvík 24. august í fjør, tá ið tær tóku ímóti krúnprinsafamiljuni, tá ið hesi løgdu at í Klaksvík við konga­ skipinum. Tær 10 kvinn­ur­nar vóru allar ílatnar bláar renni­ troyggjur og høvdu heiðurs­ merki um hálsin. Tær 10 høvdu tað til felags, at tær í fjør tóku lut í Royal Run 18. Royal Run var eitt renni­til­ tak, sum Fríðrikur, krún­prins­ ur, skipaði fyri í samband við 50-ára føðingardag sín. Hann bjóðaði fólkinum at renna við sær, antin eina míl ella 10 kilo­metrar, í Aalborg, År­hus, Odense, Esbjerg og í Keyp­manna­havn. Tær 10 klaks­víks­dam­ur­nar runnu í ymisk­um býum. - Vit hildu tað vera skeg, at lata okkum í troyggjurnar og heiðursmerkini, sum allir lut­ takararnir fingu, nú tey komu til Klaksvíkar. Kanska fór tað at eydnast at fanga upp­merk­ semi teirra, segði ein teirra við in.fo tá. Og tað gjørdi tað, tí Fríð­ rik­ur, krúnprinsur setti beina kós móti teimum 10, tá hann sá tær. Tær fortaldu eisini Mary, krún­prinsessu, at mál teirra var at renna skjótari enn hon, men tað eydnaðist tíverri ikki. - Hon rann teinin eini 10 sekund skjótari enn tann skjót­asta av okkum, tíverri, søgdu tær brosandi. Krúnprinsurin: Eg tók tey upp á orðið Hetta søgdu tær í fjør Hesar kvinnurnar vóru á keiðini í Klaksvík, tá ið Kongaskipið legði at. Tær eru Ingun G. Sørensen, Vera Larsen, Karin K. Petersen, Herdis Sigurðsson, Ruth Johannesen, Henny Gerðalíð, Mona Rasmussen, Tanja Petersen, Malan Vágsgarð og Heidi Biskopstø Fríðrikur krúnprinsur varð móttikin av rennarum í royalum rennutroyggju, tá ið hann vitjaði í Klaksvík í august í fjør. Og hetta hevur eftir øllum at døma givið krúnprinsinum ta hugskot at byrja Royal Run saman við renni áhugaðum í Føroyum