hósdagur 24. januar 2019síða 28

VINNUBLAÐIÐ HJÁ MIÐLAHÚSINUM 4 januar 2019 25 Pætur Hjalmar Evensson 1. januar í ár var ein serligur dagur hjá Bygma Balslev. Tá tók Sjúrður Olsen við starvinum sum nýggjur forstjóri í stóru fyritøkuni, eftir at Bent á Lava valdi at gevast. Bent á Lava gavst eftir 48 ár í starvi hjá fyritøkuni, harav hann seinastu 25 árini var forstjóri. Stjóraskiftið fall nokkso natúrligt á argjamannin Sjúrð Olsen, tí hann kennir so at siga alt virkið út og inn eftir at hava starvast í nógv ár hjá Balslev. Hann byrjaði longu í 1995 sum søluleiðari og hevur síðan 2008 røkt starvið sum sølustjóri. Koyra sama leist Sjúrður Olsen heldur, at Bygma Balslev er á røttu kós, og hann ætlar ikki at gera nakrar stórvegis broytingar við virksemið í verandi løtu. - Vit hava eina super fyritøku, sum eg sjálvur havi verið ein partur av í 25 ár. Onkrar tillagingar verða nokk gjørdar í framtíðini, men annars verður tað koyrt víðari við sama leisti, sigur hann. Sjúrður Olsen hevur ein serligan tokka til Bygma Balslev, og hann ivaðist ikki, tá hann varð biðin um at taka við nýggja starvinum. - Um mann setti ein stjóra, sum ikki kendi fyritøkuna framman undan, kundi mann kanska risikerað stórar broytingar í rakstrinum. Nú havi eg verið her í so nógv ár, so tað tryggjar onkursvegna, at Bygma Balslev koyrir sama leist. Eg havi eitt gott forhold til starvsfólkini her, og tí veit eg, at vit hava tey røttu fólkini. Tað er ein heiður at blíva leiðari fyri hendan starvsfólkahópin. Ótolin av lyndi Sjúrður Olsen er spentur uppá nýggju avbjóðingina . Sum garvaður sølumaður viðurkennir hann, at hann má venja seg við sín nýggja sess. - Eg komi at gera nógv av teimum somu tingunum, sum eg gjørdi sum sølustjóri. Men tað eru nøkur viðurskifti, sum eg má seta meg betur inn í nú fyri at blíva sterkari á teimum økjunum, sum eg ikki eri so vanur at fáast við. Eg eri ótolin av lyndi, so eg vil helst duga alt beinanvegin, sigur nýggi stjórin við einum brosi. Politikkur og stjórastólurin Sjúrður Olsen er royndur politikari og hevur sitið í Býráðnum hjá Tórshavnar kommunu í nógv ár. Eitt av hjartamálunum hjá honum tá var at arbeiða fyri vinnuni, og nú situr hann í stjórastóli í byggivinnuni. Royndirnar sum Sjúrður Olsen: - VIT GEVA OKKARA STARVSFÓLKUM ÁBYRGD, TÍ VIÐ AT GEVA TEIMUM ÁBYRGD, SO TAKA TEY ÁBYRGD, SIGUR SJÚRÐUR OLSEN, SUM ER NÝGGJUR FORSTJÓRI Í BYGMA BALSLEV. HANN FYRIREIKAR SEG UPPÁ FRAMTÍÐINA, TÍ GÓÐA GONGDIN HJÁ BYGMA BALSLEV ER M.A. TREYTAÐ AV NÓGVA BYGGIVIRKSEMINUM Í LANDINUM Í UPPGANGSTÍÐUM SUM NÚ Vit hava tey røttu fólkini