hósdagur 24. januar 2019síða 29

VINNUBLAÐIÐ HJÁ MIÐLAHÚSINUM 5 Januar 2019 25 býráðspolitikari kunnu væl setast í samband við uppgávurnar og ábyrgdina sum stjóri í Bygma Balslev. - Í politikki eri eg ærligur, og øll vita akkurát, hvar tey hava meg. Arbeiðsorkan í politikki og Balslev er tann sama. Eg eri ikki populist, men vil hava ting at henda. Í politikki lærir mann, hvussu tingini fyriganga hinumegin, so politisku royndirnar eru heilt sikkurt ein góð barlast at hava, sigur Sjúrður Olsen. Trivnaðurin er altavgerandi Í Bygma Balslev ganga tey sera høgt upp í starvsfólkatrivnað. Nógv av teimum, sum arbeiða har, hava arbeitt har í nógv ár eftir hondini, og mann kann næstan samanbera tað við eina stóra familju. - Vit hava altíð lagt stóran dent á at fara út eftir teimum røttu starvsfólkunum. Vit geva okkara starvsfólkum ábyrgd, tí við at geva teimum ábyrgd, so taka tey ábyrgd. Arbeiðsmoralurin er góður her uppi, og tað eru ongantíð nakrar ósemjur millum starvsfólkini. Tað ræður heldur um at loysa trupulleikarnar, áðrenn tað kemur har til, fortelur Sjúrður Olsen. Bygma Balslev liggur á Vegnum Langa í Hoyvík, og har hevur fyritøkan eitt stórt øki til alt sítt virksemi. Økið er eyðkent av nógvum aktiviteti. - Vit hava tilvitað lagt okkum eftir at gera hetta til eitt handverkaraumhvørvi. Tað ger, at mann følir seg væl at koma niðan her og onkursvegna følir seg heima. Kreftirnar samlaðar á einum stað Um mann hyggur eftir roknskapinum hjá Bygma Balslev, so síggja tølini góð út. Fyritøkan hevur seinastu árini ment seg til at í dag kunna kalla seg størstu byggibúð í Føroyum. Men hvat er tað, sum Balslev hevur gjørt rætt? - Vit hava altíð havt fokus á at menna virkið, vit eru fíggjarliga væl fyri og hava heldur einki lán. Vit liggja bara á einum staði, so vit samla kreftirnar her á staðnum. Tað eru ikki meir enn 45 minuttir at koyra runt í Føroyum í dag, so tað loysir seg væl bara at vera her í Hoyvík. Harumframt er tað er ein stór styrki at hava so stórt lagur, sum vit hava, sigur Sjúrður Olsen og leggur aftrat at logistikkurin er góður. At vera ein so stór fyritøka hevur eisini ábyrgd við sær. - Vit eru tann fremsti í Føroyum, og tí hvílir ein sera stór ábyrgd á okkum. Tað er ikki altíð lætt at vera tann førandi. Hugsa um framtíðina Sjúrður Olsen sær ljóst uppá framtíðina hjá Bygma Balslev. Hann sær ein fyrimun í, at Eysturoyartunnilin letur upp fyri ferðslu í 2020. Tá verður tað skjótari hjá Bygma Balslev at koyra norður eftir við vøru, samstundis sum fleiri kundar hava møguleika at koma skjótari til Havnar at vitja Balslev. Fyri tíðina leverar fyritøkan til nógv av teimum størstu byggjaríinum í Føroyum; hetta veri seg eitt nú til Musikkskúlan, Skúlan á Fløtum, Glasir, nýggju hotellini og Landssjúkrahúsið, og hetta er avgerðandi fyri góðu sølutølini hjá Bygma Balslev. - Men tíðirnar fara ikki at blíva ikki við at vera so góðar, og sølan fer ivaleyst at minka, tá øll hesi arbeiðini verða liðug. Tað er umráðandi hjá okkum at vita, at tað er serliga nógv specialvøra, sum vit selja nú. So er spurningurin, hvussu sølan fer at síggja út, tá stóru byggjaríini verða liðug. Vit mugu duga at vera í alduni í uppgangstíðum. Tí hava vit stórt fokus á ta vanligu vøruna til tann vanliga borgaran, sigur Sjúrður Olsen. - Men tíðirnar fara ikki at blíva ikki við at vera so góðar, og sølan fer ivaleyst at minka, tá øll hesi arbeiðini verða liðug. Tað er umráðandi hjá okkum at vita, at tað er serliga nógv specialvøra, sum vit selja nú