mánadagur 4. februar 2019síða 22

Mánadagur 4. februar 2019 · Nr. 14 22 Sosialurin Hugskot og viðmerkingar – send sms til 225000 AMERKANSKUR FÓTBÓLTUR Pætur Albinus Tað byrjaði við einum hvøkki, tá ið fimmfaldaði Super Bowl- vinn­andi quarterbackurin hjá New England Patriots, Tom Brady, fyri fyrstu ferð í sínari playoffs-leið kastaði eitt interception á allarfyrsta kasti­num í Super Bowl LIII í gjár. Rams-cornerbackurin, Cory Littleton, interceptaði, men heldur ikki Los Angeles Rams fingu nakað burturúr sín­um fyrsta drive'i, og hetta skuldi vísa seg at vera rættiliga gjøgnum­gangandi. Tey, sum høvdu væntað ein lívligan og málríkan dyst, vórðu helst vónbrotin. Einans New England Patriots fann vegin til stig í fyrra hálvleiki, nevni­liga við einum field goal frá kickaranum, Stephen Gost­ kowski, sum fyrr í dystinum annars hevði misnýtt eina field goal-roynd, men altso tryggjaði New England Patriots eina 3-0-hálv­leiks­leiðslu við einum 43 yards field goali. Eftir tiltiknu sang­fram­ førsluna í halftime-show, hesa­ ferð frá Maroon 5, helt sama gongd­in fram í triðja triðingi, har ser­liga Los Angeles Rams hevði ilt við at fáa nakað á glið í álops­partinum, einamest vegna gott trýst frá Patriots- miðjuni og ikki minst framúr góðum coverage (uppdekking). Tó so bragdaði so dánt hjá Los Angeles Rams tá ið triði trið­ingur var um at vera av. Tað var kickarin, Greg Zuerlein, sum við einari kanónkúlu úr 53 yards javnaði til 3-3. Seks stig eftir tríggjar fjórðingar var sam­stundis metlágt í Super Bowl-høpi. Avgerðin Í seinasta fjórðinginum ress­ aðist Tom Brady, og eftir eitt gott drive við nøkrum góð­ um køstum legði hann lunn­ar undir dystsins fyrsta touch­ down, sum rookie-runn­ing­ back­urin, Sony Michel, rann inn í endzone, og so var New Eng­land Patriots á odda 10- 3. Los Angeles Rams var tætt við at svara aftur beinanvegin, men heldur endaði tað við at Stephon Gilmore interceptaði bóltin og setti New England Patriots í eina sera góða støðu við færri enn fimm minuttum eftir av dystinum. Seinastu løtuna gjørdi álopið hjá New England Patriots nóg mikið til at fáa tíðina at ganga, og við góðum minutti eftir tók Stephen Gostkowski síðstu vónina frá Los Angeles Rams við aftur at senda bóltin ímill­ um stengurnar. Við hesum field goalinum sum krúna á verki­num vann New England Patriots dystin 13-3, og tá Rams í evstu løtu misnýtti eitt field goal, kundi New England Patriots kalla seg vinnara av Super Bowl LIII. Søga At tað endaði 13-3 og einans komu 16 stig er søga. Hetta vóru nevniliga fæstu stigini í Super Bowl-søguni. Tað júst falna metið var heilt afturi frá Super Bowl VII í 1973, tá Miami Dolphins vann 14-7 á Washing­ ton Redskins. Eisini 41 ára gamli quarter­ backurin hjá New England Patriots, Tom Brady, skrivaði søgu. Hetta var ikki færri enn sættu ferð, at hann vann Super Bowl. Hann er nú tann einasti í NFL-søguni, ið hevur vunnið so nógvar Super Bowls einans sum spælari. Hann og New Eng­land Patriots hava vunnið Super Bowl í 2002, 2004, 2005, 2015, 2017 og nú í 2019. Høvuðsvenjarin hjá Los Angeles Rams, Sean McVay, er einans 33 ára gamal. Hann gjørd­ist yngsti venjarin nakran­tíð í Super Bowl. Kapp­ ingar­neyti hansara og høvuðs­ venjari hjá New England Patriots, Bill Belichick, er júst tvær ferðir so gamal, nevniliga 66 ár, og tey 33 árini ímillum teir báðar er størsti aldursmunurin á tveimum venjarum í Super Bowl-søguni. Super Bowl LIII (53) varð spælt í Mercedes-Benz Stadium í Atlanta, USA, í nátt, har New England Patriots vann 13-3 á Los Angeles Rams. Tom Brady setti met, og tað úrslitið í dystinum eisini Super Bowl: TOM BRADY SKRIVAÐI SØGU