týsdagur 5. februar 2019síða 8

Mikudagur 6. februar 2019 · Nr. 15 8 Sosialurin Hugskot og viðmerkingar – send sms til 225000 TÍÐINDI Hallur av Rana Hóskvøldið vóru Øss­ ur Berghamar og kon­an Susan sum vant møtt trúføst upp á Sjúk­linga­ hotellinum í Keyp­manna­ havn, har Kristnastova hevur andakt aðra hvørja viku. Meðan sangurin og boðskapurin var tann sami evangeliski boð­ skap­urin um frelsu gjøgn­um Jesus Kristus, ið tey trúliga hava prædikað millum føroyingar í Keyp­ manna­havn í 45 ár, so var tað eitt, ið var øðrvísi hetta vetrarkvøldið í felags­hølunum í Venø­ gade 8. Tá ið andaktin var liðug og fólk høvdu fingið sær ein drekkamunn og møguleikan at práta við hvønn annan, var løtan komin hjá Øssur Berg­hamar at fáa handað heiðursplátuna í samband við, at lesar­ ar­nir hjá Sosialinum í des­em­ber valdu hann til ársins føroying. Harrin eigur æruna Tey sum kenna Øssur Berg­hamar brúka mang­ an orðið eyðmjúkur, tá tey skulu lýsa hann sum persón. Tað kom eisini til sjóndar hetta kvøldið, tá hann tók móti prógvinum upp á viðurkenningina, tí alt fyri eitt hevði hann á orðið hvør heldur átti at fingið viðurkenningina. - Eg takki fyri heiðurin, eg havi fingið. Men um eg kann nevna ein persón, ið hevur betri uppiborið hesa viðurkenning, er tað kona mín Susan, sum er ættað úr Onglandi, men hevur gjørt fólk mítt til fólk sítt, segði høvuðs­persónurin og nýtti høvi at takka konu­ ni fyri hennara trú­skap í tænastuni mill­um før­oy­ ingar í Keyp­manna­havn, áðrenn hann endaði takkar­røðuna við at vísa til Harran. - Vit geva Harranum æru­na, ið hevur givið okk­um náði til at vera við í hesi tænastu í so langa tíð, segði Øssur Berg­ ham­ar. Síðan tað síðst í desember bleiv alment, at Øssur Berghamar bleiv kosin ársins føroyingur hjá lesarunum hjá Sosiali­ num, hava hann og konan fingið nógvar heilsanir frá fólkum, ið fegnast um viður­kenningina saman við teimum. Teimum ynsk­ir hann eisini at bera eina heilsan her. - Í samband við hesa viður­kenningina hava vit fingið nógvar heilsanir frá fólki, ið vit hava lært at kenna gjøgnum árini. Vit ynskja at senda hjarta­ligar heilsanir til øll teirra, sigur Øssur Berg­ hamar. Samstarva í sløk 12 ár Til staðar hetta kvøldið var eisini Niels Pauli Nón­stein, ið saman við konu­ni Dora Nónstein, er fyristøðupar í Kristna­ stovu, og standa tey saman við Øssuri og Susan Berg­hamar í tænastuni mil­lum før­oy­ ingar í Keyp­manna­havn. Teir báðir komu at kenn­ast í árunum 1997 til 2002, tá Niels Pauli Nón­ stein var í Danmark í lestrar­ørindum, men tað var fyrst nøkur ár seinni, at teir byrjaðu at arbeiða saman. - Øssur Berghamar ringdi og spurdi meg og konuna, um vit vildu um­hugsað at vera við í arbeiðinum í Keyp­ man­na­havn. Vit kendu Harran leiða okkum inn í arbeiðið fluttu so niður í 2007. Aftaná eitt ár her spurdi hann okkum, um vit vildu at taka við ábyrgd­ini fyri arbeiðinum í Kristna­stovu og millum før­oy­ingar í býnum. ØSSUR FEKK HANDAÐ HEIÐURIN Á SJÚKLINGAHOTELLINUM - Tað sum eyðkennir Øssur er, at hann er tann sami yvirfyri øllum fólkum. Hann er umhugsin, áhugaður í menniskjum, fullur av orku og hevur ein øgiligan virkismátt fyri ein mann, ið fyllir 77 í næstum. Harumframt hevur hann eisini eitt brennandi ynski at vera nakað fyri føroyingar, og eitt serligt hjarta fyri ungum menniskjum. Hann ynskir at tey trívast og brúka sínar gávur, tá tey eru her í Keypmannahavn, sigur Niels Pauli Nónstein, ið seinastu sløku 12 árini hevur virkað við Øssuri Berghamar millum føroyingar í Keypmannahavn Øssur greiðir her um sanging Av náði Guds Frá vinstru av: Niels Pauli Nónstein, Øssur Berghamar og Susan Berghamar