týsdagur 12. februar 2019síða 9

9 Mikudagur 22. oktober 2014 · Nr. 120 Sosialurin Hugskot og viðmerkingar – send sms til 225000 Mikudagur 13. februar 2019 · Nr. 18 TÍÐINDI Vinatænasta mundi enda við fongsilsdómi Tveir mans mundu enda í geglinum fyri at gera eina vinatænastu, dømdir fyri at hava smuglað næstan tvey kilo av hassji til Føroya. Danjal av Rana Føroya rættur hevur í gjár og í dag viðgjørt eitt sakarmál móti trimum monnum í 20’un­ um, sum vóru ákærdir fyri at hava smuglað næstan tvey kilo av hassji til Føroya. Ein teirra játtaði seg sekan, meðan hinir báðir noktaðu seg sekar. Ein fjórði er eisini ákærdur í málinum, men kundi ikki møta nú. Málið móti honum verður tí viðgjørt seinni. 3. januar funnu tollararnir í Havn sløk tvey kilo av hassji í einum pakka, sum kom úr Spania. Í samráð við løg­regl­ una bleiv avgjørt, at hassjið skuldi takast úr pakkanum, men at pakkin annars skuldi út­flýggjast sum vanligt. Maðurin, sum pakkin varð adresseraður til, var til skips og kundi tí ikki koma eftir pakk­anum sjálvur. Hetta er mað­urin, sum ikki møtti í dag. Hann ringir til ein 23 ára gamlan vinmann, sum er tann, sum hevur bílagt hassjið. Hann vil ikki fara eftir pakk­ an­um, men teir biðja ein annan vin­mann, miðskeiðis í 20’unum fara eftir pakkanum. Hann játtar fyrst, men biður síðani ein triðja vinmann, ein 29 ára gaml­an, fara eftir pakkanum fyri seg. 11. januar ringir hann, sum eigur pakkan, til flutnings­fe­ lagið og boðar frá, at ein vin­ mað­ur kemur eftir pakkanum fyri seg. Lítla løtu seinni kem­ ur tann 29 ára gamli eftir pakk­ anum. Hann hevur verið hjá TAKS og rinda toll fyri vøruna í pakkanum, sum tí verður út­ flýggjaður. Flutningsfelagið ringir til løg­regluna fyri at boða frá, at pakkin er heintaður. Løgreglan er longu á staðnum, og fylgir bilinum, sum pakkin nú er í. Tveir mans eru í bilinum, tann 29 ára gamli og ein fjórði, sum ongantíð bleiv ákærdur í mál­inum. Teir gera eitt ørindi í FK í Hoyvík, áðrenn leiðin ligg­ ur út á Argir. Har verður pakk­ in avleveraður til tann 23 ára gamla og hin vinmannin í 20’un­um, sum sita har og bíða. Lítla løtu seinni verða allir fýra handtiknir á nýggju brúnni út á Argir. Ein játtar seg sekan Teir tríggir ákærdu, sum hava verið í rættinum, eru altso teir báðir, sum tóku móti pakk­an­ um á Argjum og hann, sum rind­aði fyri pakkan hjá TAKS og heintaði hann hjá flutn­ ings­felagnum. Hin maðurin í bilin­um var skuldsettur, men málið móti honum er seinni slept. Maðurin, sum átti pakk­ an, er tann, sum er til skips og skal møta í rættinum seinni. Ein av teimum trimum, ein 23 ára gamal maður, játtar seg sek­an og sigur seg vera høv­ uðs­mannin aftan fyri alt. Hann sigur, at hann hevur havt ætlanir um at smugla hassj til Føroya fyrr, men nú fekk hann endiliga ein vin­ mann til at hjálpa sær. Hann lov­aði hesum 50.000 krónur aft­urfyri, um hann kundi skriva hansara navn og bústað á pakkan. Ætlanin var, at hesin so skuldi fara eftir pakkanum, men ólukkutíð var hann til skips, tá pakkin kom. Tí var neyð­ugt at fáa onkran annan at fara eftir pakkanum, og tað er her, at hinir báðir ákærdu verða drignir inn í málið. Sjómaðurin fær vinmannin, eisini hann í 20’unum, at fara eftir pakkanum fyri seg. Hesin situr nú eisini á ákæru­beink­in­ um. Honum barst tó undan at fara, og tí bað hann ein annan vinmann, ein 29 ára gamlan, at fara eftir pakkanum. Vildi bara hjálpa vinmanni Og hvør sigur nei til at hjálpa ein­um vinmanni, tá ein onga orsøk hevur at halda, at nakað illgrunasamt er við pakkan­ um? Tann 29 ára gamli fer á TAKS at tollavgreiða pakkan, rind­ar tollin og fer síðani til flutn­ingsfelagið eftir pakk­an­ um. Seinni handar hann vin­ manni sínum og tí 23 ára gamla pakkan úti við AB-vøllin. Hann noktar tó fyri, at hann visti nakað um, at talan var um hassj. Tað sama ger vin­ mað­urin, sum upprunaliga skuldi fara eftir pakkanum. Ákæruvaldið vil hava tann 23 ára gamla fongslaðan í átta mánaðir, tann miðskeiðis í 20’un­um í seks mánaðir og tann 29 ára gamla í fimm mán­ aðir. Ákæruvaldið hevur lagt dent á, at tann 23 ára gamli hev­ur játtað seg sekan, men hon trýr henni ikki, tá hann vil vera við, at hinir báðir ákærdu einki hava við málið at gera. Hon heldur, at tað er ósann­ líkt, at hann skal tora, at blanda so nógv utta­n­fyri­stand­andi upp í málið, uttan at tey skulu hava fingið lovað nakað aft­ur­ fyri. Funnu 20.000 krónur í bilinum Hon vísir eisini á, at í bilinum hjá honum, sum skuldi fara eftir pakkanum, fann løg­ reglan næstan 20.000 krónur í einum Knorr suppuposa. Hon heldur, at frágreiðingin um, hvaðani peningurin kom, er ivasom og ótrúverdig. Ákæruvaldið vísir eisini á, at í málum um rúsevni, er ósketni eisini nokk til at verða dømdur. Tað, at hvørgin teirra, sum bleiv biðin um at heinta pakkan, spurdi meiri um hann, ger, at teir kunnu dømast, eftir hennara tykki. Ákærin heldur eisini, at tað er illgrunavert, at tann 29 ára gamli skal strekkja seg so langt fyri ein mann, sum hann ong­ an­tíð hevur møtt. At hann skal heinta ein pakka og leggja pen­ing út fyri toll fyri ein fremm­andan, er í hesum før­in­ um illgrunasamt, heldur hon. Hon vísir eisini á, at virði á hesum næstan tveimum kilo­ un­um er 480.000 krónur, so teir hava allir eina fíggjarliga orsøk til at fremja lógarbrotið. Ákærin ger vinagerðir revsiverdar Verjarnir eru sum vera man púra ósamdir. Verjin hjá tí 23 ára gamla heitir á dómaran um at lurta eftir sínum klienti, tá hann sigur, at hinir báðir eru ósekir. Sjálvur heldur hann, at seks mánaðir man vera ríkiligt. Tann 23 ára gamli er dømdur fleiri ferðir fyrr fyri brot á lógina um rúsevni og so seint sum í septembur í fjør fyri at smugla rúsevni. Hann manglar enn at sita ein mánað av tí dóm­inum, sum var fimm mán­ að­ir. Hann hevur eisini játtað seg sekan í at hava 0,08 gramm av MDMA og eina joint uppi á sær, tá hann fyrr í vetur er blivin steðgaður av løgregluni í býnum. Verjin hjá honum, sum átti pengarnar, sigur, at ákærin einki ítøkiligt prógv hevur lagt fram fyri, at hann skal hava vitað nakað um hassjið. Alt eru spekulasjónir, sigur hann. - At okkurt er undarligt og virkar ótrúverdigt, er ikki nokk til at døma fólk upp á. Kanska skuldi hann verið meiri varin, men tað er ikki revsivert at hjálpa vinum sínum. At 20.000 krónur liggja í bilinum kemst av, at hann og aðrir royna at samla sær pen­ ing til at keypa onkrar gamlar bilar, sum teir kunnu gera í stand. Hesin játtar seg tó sek­ an í at hava havt 10,25 gramm av hassji uppi á sær, tá hann bleiv handtikin, umframt ym­ iska útgerð við hassjrestum á, og at hava koyrt uttan koyri­ kort. Verjin hjá tí 29 ára gamla átalar hart, at ákærin sigur, at hennara maður hevur nakra fíggjarliga orsøk til at fremja hetta lógarbrotið. Sum tann ein­asti av teimum trimum hev­ur hann eitt fast starv, góð fíggj­arviðurskifti og støðug lívs­forhold annars. - Hansara einasti feilur er, at hann kanska hevur verið ov góðtrúgvin. Hann hevði sett alt upp á spæl, bæði yrkisleið og familjulív, við at vera við í nøkrum slíkum, sigur hon, og vísir á, at ákærin við hesum er í ferð við at gera vanligar ger­ andishendingar, sum at leggja pening út fyri onnur, illgruna­ samar og revsiverdar. Hon sigur, at einki bendir á, at hann hevur vitað nakað um, hvat var í pakkanum. Hon held­ur heldur ikki, at hann kann lastast fyri ósketni, tí hann hevði onga orsøk at halda, at vinmaðurin, sum bað hann heinta pakkan, skuldi verið við í nøkrum ólógligum. Manglandi prógv Dómarin dømdi 23 ára gamla mannin sekan og gav honum seks mánaðir fongsulsrevsing fyri lógarbrotini. Hinir báðir blivu fríkendir fyri royndina at smugla, men tann, sum átti peningin, fekk 7.000 krónur í bót fyri at at koyra uttan koyri­kort og fyri hassji, sum var funnið uppi á honum. Dómarin segði, at burtsæð frá, at 23 ára gamli maðurin hevði játtað seg sekan, so vóru ov fá prógv í málinum, til at hinir báðir kundu dømast. Tann 29 ára gamli hevði onga orsøk til at spyrja nærri um pakkan, tí tað var ein góð­ ur vinur, sum bað hann fara eftir honum fyri seg, segði dóm­arin. Hin við pengunum burdi kanska spurt seg betri fyri, tí tá var talan um fólk, sum ferð­ ast í einum hassjumhvørvi, men dómarin helt, at mangl­ andi prógvini áttu at koma hon­um til góðar. Tann 23 ára gamli fekk tó eina seinastu heilsan frá dóm­ ar­an­um, við tilvísing til, at hetta er fimtu ferð, at hann verð­ur tikin fyri brot á lógina um rúsevni. - Nú mást tú byrja at upp­ føra teg ordiligt, segði hon.