týsdagur 30. november 2004síða 19

Nr. 229 - 30. november 2004 19 Við avgerðini at lækka el-prísin rættir SEV føroysku vinnuni eina hjálpandi ein hond, nú líkt er til at ein ávís niðurgongd er at hóma í føroyska búskapinum. Tað privata húsarhaldið skal gjalda sama prís sum tey hava gjørt seinastu fimm árini VINNULÍV Snorri Brend snorri@sosialurin.fo Hóast spádómar um verri tíðir í føroyskum búskapi, so fer hetta ikki at ávirka el-prísirnar hjá SEV. Teir verða nevniliga teir somu tað komandi árið. Fyri ídnaðin verður talan enntá um eina lækking. Henda avgerðin hjá SEV kemur uttan iva væl við, bæði hjá tí vanliga fólkin- um, men eisini hjá virkis- leiðarum og teimum fyri- tøkum, sum nýta nógvan streym í tí dagliga. Leiðslan í SEV kunnaði fyrrapartin fríggjadagin tíðindatænastuna um hesa avgerðina, áðrenn farið varð á ein størri fund fyri umboðslimunum í hesum stóra felagsskapinum. Hesin umboðsfundurin var ein heldur søguligur fundur, har eisini onnur enn bara umboðsnevndin høvdu møguleika at lata rødd sína hoyrast í orðaskiftinum. Men sum skilst vóru tað kortini fá sum gjørdu brúk av hesum møguleikanum. Ein sosial skipan Hvat hava el-prísirnir hjá SEV og føroyska grinda- drápið við hvørt annað at gera? Ein løgin spurningur, kanska. Men í báðum før- um er talan um eina sera sosiala skipan, sum er til gagns fyri brúkaran. Í grindadrápi so, at øll fáa eins stóran part, og fyri el- prísirnar hjá SEV, at brúk- arin í Sumba og Mykinesi skal gjalda sama prís sum ein brúkari í Havn. Og nú hevur SEV enntá lagt upp til, at prísirnir verða óbroyttir tað komandi árið, hóast tekin eru til eina ávísa niðurgongd í búskap- inum. – Hóast útlitini eru døp- ur, so hava vit avgjørt at til- laga fíggjarætlanina fyri 2005 soleiðis, at prísirnir fyri ta privatu nýtsluna ikki hækka, men standa í stað, varð upplýst á tíðindafund- inum. Prísirnir til teir privatu kundarnar lækkaður sein- astu ferð 1. januar í 2000, og eru tað nú fimta árið á rað at hesir prísir standa í stað. Stórar oljugoymslur Verða prísirnir óbroyttir fyri húskini, so er tað ser- liga ídnaðurin sum fer at fáa fyrimunir frá SEV. El- prísurin til ídnaðin fer nevniliga at lækka úr 67 oyrum fyri hvønn kilowatt- tíma niður í 64 oyru frá ársskiftinum. Tað eru tvær orsøkir til hesa avgerðina hjá SEV. Í fyrstu syftu talan um, at goymslurnar av olju eru rímiliga stórar, og verða tær tí ikki ávirkaðar av skift- andi oljuprísum, eins og hjá fiskiflotanum. Hinvegin so verður tann størsti parturin av teirri termisku fram- leiðsluni framleiddur úr tungolju. Í upprunaliga uppskotin- um til fíggjarætlan fyri komandi ár varð ikki rokn- að við einum vøkstri í søl- uni. Men við teimum útlit- um, ein nú kann síggja í framtíðini, verður ístaðin roknað við eini lækking í nýtsluni uppá 2 % í 2005. Nýtslan minkar Tað eru trý viðurskifti sum sermerkja útreiðslurnar hjá SEV – olja, lønir og tilfar. Higartil í ár hevur oljan verið tann størsti parturin av útreiðslunum. Á inntøkusíðuni eru somuleiðis trý viðurskifti, ið gera seg galdandi – broytingar í el-prísunum, broytingar í el-nýtsluni og forskjótingar millum teir ymisku kundabólkarnar. SEV kann í dag staðfesta, at inntøkan hevur verið vaksandi orsakað av vaks- andi nýtslu. Fyrra hálvár í ár helt hesin vøkstur fram, men síðani í juli mánaði hevur verið eitt fall í nýtsl- uni, um ein metir saman við somu mánaðir í fjør. Um henda gongdin heldur fram henda seinasta mán- aðin av árinum, verður nýtslan tann sama í ár sum í fjør. Samstundis verður mett, at heldur henda gongdin á, verður sølan minni kom- andi ár, kanska eini 2%, metir SEV. Hóast øll hesi viðurskifti so fer SEV altso at hava sama prís á streyminum komandi ár til tey privatu húsarhaldini, meðan el- prísurin til ídnaðin lækkar. SEV lækkar el-prísin til vinnulívið SEV boðaði fríggjadagin frá, at el-prísirnir til ídnaðin fara at lækka komandi árið (Mynd: Jens Kristian Vang)