hósdagur 21. februar 2019síða 31

FRÍGGJADAGUR 22. FEBRUAR 2019 SOSIALURIN 22 31 leikarum og hetta er oftast gott tá ið dystirnir gerast javnir, held­ ur venjarin, ið eisini greiðir frá at liðið hevur góðar royndir av at vinna teprar dystir móti júst Kyndli. -Vit vóna at minnini frá steypa­finaluni í fjør kunnu leggja eitt trýst á Kyndil, men eg veit eisini at tær eru uppsettar til at hevna alt sum hendi í fjør, sigur Ingi Olsen, og leggur aftur­ at at tað hevði hann eisini verið um støðan var umvend. -Vit leggja tó dentin á okkum sjálvi, sigur VÍF-venjarin, og greið­ir frá at liðið hevur nakrar av­bjóð­ingar. -Vit hava nokkso nógv ting, sum ikki hava koyrt líka væl í ár, og tað skulu vit royna at fáa at eydnast leygardagin, sig­ur venjarin og greiðir frá at lið­ið hevur ikki funnið somu góðu rútmuna sum tað hevði undan­ farna kappingarár. Kanska er VÍF kortini um at finna rætta stevið, tí hálvfinalurnar móti H71 vóru góðar. -Vit hava havt nógvar trupul­ leikar við H71 í ár, og tað at vit so vinna tær nokkso sannførandi bendir á, at vit eru á rættari leið, sigur Ingi Olsen. Kyndil er kanska eitt enn betri lið enn H71, og VÍF-venjarin vísir eisini á at har eru nógvir góðir leikarar á fleiri plássum. Hann nevnir millum annað Súnu Kross­teig Hansen sum ein sera góðan gjøgnumbrotsspælara og Mari­annu Geirsdóttir Eystberg, sum spælir væl betri í ár og gevur eina hóttan uttanifrá sum er væl størri enn í fjør, sambært Inga Olsen. Harafturat nevnir hann at Kyndil er sera sterkt á vinstra vongi og í málinum. -Tað ger at vit skulu vera nær­ lagdar og vilja tað minst líka nógv sum hinar sigur Ingi Olsen av­gjørdur. Styrkirnar hjá Kyndli eru heldur ikki ólíkar teimum hjá VÍF, ið eisini er sera kent fyri gjøgnumbrot á miðjuni og hóttan uttanifrá á vinstra bakki. Hann staðfestir eisini at tað er torført at taka dagar ímillum hvør hevur betri leikararnar. Tað snýr seg um hvør kemur at spæla betri leygardagin. Ein mun­ur er tó at VÍF hevur ein láman skjútta á høgra bakki, og hetta kann gera mun, heldur Ingi Olsen -Tað er hips sum haps á næstan øllum plássum, sigur venjarin. Tá í styrkin á liðunum er so jøvn, so kann tað sálarliga fáa fyrimun, og Ingi Olsen vísir á, at tað ræður um at raka rætta spenningsstøðið til finaluna. Summir leikarar kunnu gerast yvir­tendraðar, meðan aðrar stór­trívast í slíkum umstøðum, og so­vorðnar leikarar hava bæði VÍF og Kyndil, so lagt er upp til eina sera góða finalu. Martin Lellek – Kyndil menn -Eg gleði meg ótrúliga nógv. Fyrstu ferð eg var í Føroyum var til steypafinalurnar í fjør, meðan eg samráddist við Kyndil. Tá eg sá umstøðurnar í finaluni var eg seldur, og hugsaði at hetta kundi eg væl hugsað mær at roynt, sigur Martin Lellek, kyndils­venjari. Kyndil spældi seg í finaluna eftir at teir vunnu á H71, eftir eitt framúr avrik í fyrru hálvfinaluni. -Eg hevði ikki væntað at vit vunnu á H71 eftir tveir dystir. Eg helt at tað var tað torførasta mót­støðuliðið vit kundu hitta, og at vit vunnu á teimum vísir hvussu sterkir okkara spælarar eru, og hvussu góðir teir eru tá ið teir raka toppstøðið, heldur venjarin fyri. Onkursvegna gjørdist ven­ jarin bilsin um hvussu væl lið­ið hjá honum kom frá byrjan móti H71, men hann hevði eisini eina góða kenslu áðrenn dystin. -Eg helt at vit høvdu ein sera góða taktiska venjing dagin fyri fyrru hálvfinaluna, har eg kendi á mær at leikararnir vóru sera fokuseraðir, so eg hevði eina góða kenslu undan dystinum, sig­ur Martin Lellek, ið tó ikki hevði væntað eina so góða byrjan sum talan gjørdist um. -Eg hevði verið glaður um vit vunnu við einum ella tveimum málum, men at vit so vístu okk­ um at spæla so væl, tað kundi eg bert ynskja mær. H71 hótti við at minka rætti­ liga nógv um munin í fyrra dysti­num, eins og tað eina løtu var líkt til at hoyvíkingar fóru at taka savnaðu leiðsluna aftur, men í báðum førum megnaði Kyndil at taka tamarhaldið aftur á dystinum. Tað var fyrst og fremst leikarunum at takka, sigur venjarin. Teir vístu stóra sálar­liga styrki og stríðsvilja, og teir stóðu saman tá ið tað sá trupult út, greiðir venjarin frá. Nú stendur Kyndil so í steypafinaluni eftir eitt skift­ andi kappingarár, har liðið nú loksins sær út til tryggja sær fjórða plássi í landskappingini. Men seinastu tíðina hevur liðið tykist alsamt sterkari, og Martin Lellek heldur eisini at liðið í dag er eitt heilt annað lið enn tað, ið byrjaði kappingarárið. -At byrja við høvdu vit eina verju sum helst vildi standa niðri á seks metrum og taka ímóti, men í dag hava vit fingið nógv meira hædd á verjuna, og tað krevur eisini dirvi. Hetta eyd­naðist eisini sera væl móti H71 við trimum verjuleikarum høgt á vøllinum, greiðir Martin Lellek frá og staðfestir: -Eg haldi vit spæla sera góðan hondbólt í løtuni. Gaman í tapti Kyndil fyri Neista­num í bólkaspælinum, men hetta skulu fólk ikki leggja so nógv í, sigur kyndilsvenjarin. Hann vísir á at dysturin hevði ikki so nógv at siga, og at tað verður eitt heilt annað trýst at spæla undir í finaluni. Og trýstið kann gerast av­ ger­andi. Nakrir leikarar trívast væl undir trýsti, meðan nakrir lata seg órógva ov nógv, heldur Martin Lellek, ið tó væntar at leikar­arnir hjá sær fara at trívast. -Eg haldi teir vístu í Hoyvík at teir duga at spæla undir stórum trýsti, sigur venjarin og sipar til hvussu høllin larmaði tá ið H71 var um at taka leiðsluna í seinnu hálvfinaluni. Tað ber ikki til at siga hvønn veg finalan fer at koppa heldur venjarin. -Tað liðið, ið rakar dagin, ger fæst villur og avgreiðir sínar møgu­leikar best fer at vinna, og tað vóni eg at vit gera, sigur Martin Lellek at enda. Jeppe Borch – Neistin menn Neistin rakk FM-finalunum sein­asta kappingarár, har tað gjørd­ist til silvurheiðursmerki. Nú stendur Neistin aftur í eini finalu, og liðið er svangt eftir at smakka gull. Jeppe Borch, neistavenjari, kennir eisini at liðið hjá sær er í sera góðum hýri, allir leikarar eru til reiðar og gleða seg at spæla finaluna. Eins og venjarin hjá mót­ støðu­liðinum, so hevur neista­ venj­arin trupult við at síggja nakað lið hava fyrimun, og hann vísir á, at higartil hava liðini vunn­ið ein tættan dyst í part um­framt at tey hava spælt ein javn­leik. Neistamenn eru ósigraðir í steypakappingini í ár, og í sein­ nu hálvfinaluni settu teir veru­ liga KÍF upp á pláss. -Tað er eingin ivi um, at vit vóru sera nøgdir við seinasta dyst, og vit fara sjálvsagt at royna at raka eitt eins høgt støði aftur. Nú fara vit at vita um vit ikki fáa lagt nøkur prosent afturat undan finaluni, sigur Jeppe Borch. Seinast Neistin vann steypa­ kapp­ingini, var tað móti júst Kyndli í finaluni, og neista­ venj­arin heldur eisini at ein granna­upp­gerð við Kyndli gevur finaluni eyka spenning. -At spæla móti Kyndli ger tað enn stuttligari, bæði fyri leikararnar og áskoðararnar. Eg kenni at tað er ein góður kapp­ ingar­andi millum feløgini, og tað vænti eg eisini kemur til sjóndar leygar­dagin. Hvørgan liðið fer at leggja seg niður av fríum vilja, ger Jeppe Borch greitt, og leggur afturat at Neistin kortini ikki hugsar so nógv um hetta í fyri­ reik­ingunum. -Vit fyrireika okkum til dystin eins og altíð: Við virðing fyri mótstøðuni og við trúgv á okkara egnu evnir, sigur neista­ venjarin. Hann væntar eisini ein sera tættan dyst. -Liðini kenna hvønn annan so væl, so eg vænti at teir heilt smáu smá­lut­irnir gerast avgerandi. Tað vera teir lítlu tvídystirnir í dystinum, sum til dømis dyst­ ur­in millum málverjarnar, sum fara at koppa dystin annan veg­ in. Tá ið saman um kemur, so vænti eg at tað liðið, ið megnar at halda høvdið kaldast tá ið ting­ini skulu avgerast, fer at vinna dystin, sigur Jeppe Borch at enda. SJURDUR@SOSIALURIN.FO V enjararnir gera allir nógv burtur úr se­ rligu kørmunum í steypafinaluni, og hetta sleppa nógvir ungir leikar­ar eisini at uppliva í viku­skiftinum. Aftur í ár spæla tær yngru deildirnar sínar steypafinalur undir somu umstøðum sum tey vaks­nu. Tær verða leiktar soleiðis: Ársins hæddarpunkt fyri tey yngru LEYGARDAGIN 23. FEBRUAR Kl. 18.00 G18: Neistin – Kyndil Kl. 19.30 D18: Neistin – StÍF SUNNUDAGIN 24. FEBRUAR Kl. 12.50 G10: VÍF – H71 Kl. 13.30 D10: Neistin – H71 Kl. 14.10 G12: VÍF – Kyndil Kl. 15.00 D12: H71 – Kyndil Kl. 15.50 G14: H71 – Neistin Kl. 16.50 D14: VÍF – H71 Kl. 17.50 G16: H71 – Neistin Kl. 19.25 D16: H71 – StÍF -Steypafinalan í fjør sannførdi meg um at eg skuldi koma til Føroya, sigur Martin Lellek Jeppe Borch hevur fingið góð úrslit við Neistanum, men enn vanta fyrstu gullheiðursmerkini FINALURNAR Í FAXE KONDI-KAPPINGINI LEYGARDAGIN 23. FEBRUAR Klokkan 13.30: VÍF – Kyndil (kvinnur) Klokkan 16.00: Neistin – Kyndil (menn)