mánadagur 25. februar 2019síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 25. februar 2019 · Nr. 23 Arbeiðsfólkini fingu møguleikan at flyta við út á Strendur - Vit tóku eina linju niður á virkinum á Eiði og settu hana upp aftur á Strondum, soleiðis at rúm var fyri øllum arbeiðsfólkunum á virkinum á Strondum, sigur Jens Martin Knudsen, virkisleiðari og annar av eigarunum av Vaðhorn Seafood Vilmund Jacobsen Tá leiðslan á Vaðhorn Seafood fyri ársskiftið gjørdi av at selja virkið á Eiði, fluttu tey eina fram­ leiðslulinju av Eiði og út á Strendur, soleiðis at tey kundu bjóða øllum teim­ um 25-30 fólkunum, sum arbeiddu á Eiði, at fylgja við út á Strendur. - Vit settu eina linju aftrat upp á Vaðhorn Sea­food á Strondum, og øll arbeiðsfólkini fingu møgu­leikan at halda fram á virkinum á Strond­um. Longu hin 6. janu­ar stóð linjan klár at taka í brúk á Strondum, og so­leiðis kostaði flyt­ ing­in ikki arbeiðs­fólk­in­ um nakran mistan dag av hesi orsøk. Tað sigur Jens Martin Knud­sen, virkisleiðari og annar av eigar­un­um av Vaðhorn Seafood. Hin eig­arin, Jógvan Greg­er­ sen, er stjóri á virk­inum. Vaðhorn Seafood fram­ leiðir um­leið 4000 tons av lidnum salt­fisa­vør­um um árið, harav nógv tann størsti part­urin er vát­ saltað fløk, sum telja eini 90 prosent av fram­leiðsl­ uni. Tað vátsaltaða verður ikki fryst. Í tíðini, meðan Vað­ horn Seafood átti og rak virkið á Eiði, fingust tey serliga við fullsaltað, men um árs­skiftið gjørdu eig­ ar­arnir av at selja virkið á Eiði, sum nú ætlandi skal brúkast til upp­sjóv­ ar­fisk. Tað eru tey, sum standa aftan fyri Sjógæti, ið hava keypt virkið á Eiði. - Vaðhorn Seafood út­ flytir fyri einar 170-180 miljónir krónur av salt­ fiskavørum um árið, og avlopið seinnu árini hev­ ur ligið um nakrar milj­ ón­ir krónur um árið, sigur Jens Martin Knud­ sen. Vaðhorn Seafood er eitt kent ”brand” úti á ev­ ropeiska saltfiska­markn­ ­aðinum, og tað er einki at taka seg aftur í, at fyri­ tøk­an er í heimsflokki á markn­aðinum fyri vát­ saltað fløk. Stóru markn­aðar­lond­ ini eru Italia og Spania, har Vaðhorn Seafood eru rættiliga dominerandi á italska markn­aðinum. Tað eru ikki minst mat­ stov­ur í hesum báðum lond­um, sum keypa salt­ fiska­vørur av Strondum, umframt at privatkunda­ markn­aðurin er stórur. Á virkinum hjá Vað­ horn Seafood á Strond­ um arbeiða eini 90 fólk, og tað eru fleiri, sum hava starvast fyri felagið í nógv ár. - Saman eru øll hesi gull verd fyri okkara virk­ ­semi, sigur virkis­leið­arin, Jens Martin Knud­sen. Gongd er komin á at nýgera niðara part av Skálavegnum í Vági, har kantar eru stoyptir, frárensl løgd, og vegurin fær lyktapelar og led-ljós. Handilsvinna hittist á heimleiðistiltaki Handilsvinnufelagið hevur í hyggju javnan at skipa fyri heimleiðistiltøkum fyri limunum Vilmund Jacobsen Seinasta mikudag var til­ tak, rópt heimleiðis­tiltak í Handilsvinnufelagnum. Evnini vóru Amazon og ”branding” av handils­ vinnuni í mun til rekr­ut­ ering av lærlingum. Í Vinnuhúsinum vita tey at siga, at fitt av fólki var og lýddi á, tá Rúnar Reistrup og Niels A. Galán høvdu fyrilestrar. - Evnið var ávikavist Amazon, nú risastóra am­erikanska fyritøkan fer at satsa upp á norð­ urlond - og brand­ing­ar­ átakið hjá Handils­vinnu­ felagnum, hvørs enda­mál er at vekja áhug­an hjá teim­um ungu at fara í handils­læru. Vinnuhúsið veit eisini at siga, at Handils­vinnu­ felagið hevur í hyggju javn­an at skipa fyri slík­ um heimleiðistiltøkum fyri limunum. Nú sær betri út við upsa Vilmund Jacobsen Á Fiskamarknaði Føroya vistu tey fríggjadagin at siga, at trý ísfiskalínuskip nýliga eru byrjaði túr, og tí er ivasamt, um nakað av skipunum kemur inn at landa hesa vikuna. - Nú fer streymurin at batna aftur, og veðrið sær heldur betri út fyri framman. Tí vænta vit, at fleiri línuskip fara út aftur í næstum. Skipini fiska mest av toski, hýsu og longu. Útlitini til útróður eru vorðin betri, nú streymurin batnar, og veðrið sær út til at fara at roynast frægari. - Jú, vit rokna við onkrum útróðrardøgum teir næstu dagarnar, siga tey á Fiskamarknaði Føroya. Fríggjadagin vóru allir partrolararnir til fiskiskap, og væntandi koma teir flestu inn at landa, sum henda vikan gongur. - Nú er fiskiskapurin eftir upsa heldur frægari, enn hann hevur verið, verður lagt aftrat. Sum skilst, fáa partrolararnir eisini nakað av toski og longu sum hjáveiði. Fíggjadagin vóru tveir djúpvatnstrolarar nýliga byrjaðir túr. Teir fiska upsa. Restin av djúpvatnstrolarunum lógu við bryggju. Veðrið var meira illsligt í endanum av síðstu viku, og fríggjadagin var ein av teimum smáu trolbátunum til fiskiskap. - Men, bátarnir fara út aftur, tá veðrið batnar. Trý garnaskip fiska svartkalva, men fiskiskapurin er vánalligur. Væntandi koma øll garnaskipini inn at landa hesa vikuna, eru vónirnar, sum tey á Fiskamarknaði Føroya hava um hesa vikuna. NATA: Nú er aftur møguleiki at søkja um stuðul frá NATA, sum kann veita stuðul til verkætlanir innan ferðavinnumenning, marknaðarføring og um ferðastuðul. Umsóknarfreistin er mikudagin 27. februar 2019.  - Okkara dugnaligu starvsfólk eru gull verd fyri okkara virksemi, sigur Jens Martin Knudsen, virkisleiðari, sum eigur Vaðhorn Seafood saman við Jógvani Gregersen