mánadagur 25. februar 2019síða 23

23 Mánadagur 6. januar 2014 · Nr. 2 Sosialurin Mánadagur 25. februar 2019 · Nr. 23 Hugskot og viðmerkingar – send sms til 225000 Oddbjørn Joensen var fríggjadagin gestur í Fótbóltspanelinum, sum er sending á útvarpsstøðini FM1. Hann var biðið um at meta um Betri deildina hjá monnum 2019. Fyrilit skal sjálvandi takast fyri, at enn kunnu feløgini leggja afturat hópinum. Klaksvíkingurin, sum hevur vunnið FM sum bæði spælari og venjari í HB, tippar HB at vinna FM. –Tað verður ikki eins stórur munur á, sum í fjør, men eg havi HB sum favoritt, sigur Oddbjørn Joensen. Hann væntar eisini, at EB/ Streym­ur og TB fáa eitt torført ár. – EB/Streymur hevur ikki nógvar royndir eftir í hópinum, meðan hópurin hjá TB er tunnur. Tað er eitt langt kappingarár, so tað kann blíva avgerandi, sigur Oddbjørn Joen­sen. Fótbóltspanelið er á FM1 hvønn fríggjadag frá klokkan 16 til 17. Komandi fríggjadag verður dómar­ in, Petur Reinert, gestur. Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð KLUMMAN Tróndur sigur sína hugsan... Høllin dumpaði aftur Tað er einki eg ynski meir, enn at føroyskur ítróttur og tey rundanum hava góðar umstøður. Eg unni øllum teimum, sum hava fingið ágóðan av útbyggingini av høllini á Hálsi. Ein heilan vøll at venja á afturat, góðar umstøður viðvíkjandi skiftirúmum og tiltøkum meðan dystur er, og eina hædd til boksing, judo og borðtennis. Við hasum fyrilitinum fari eg enn eina ferð at staðfesta, at stórhøllin á Hálsi dumpaði til “showpiece”dystirnar leygardagin. Tey flestu hava skilt, at eg haldi lítið um útbyggingina, sjálvt um eg skilji ávísar lutir, sum eg eisini havi víst á í innganginum. Eitt er at okkara lítla, men drúgva, útvarpsstøð endaði á einum palli, har hegni skuldi til, fyri at klatra upp í einum stiga, sum ikki stóð serliga tryggur – sum so eisini gjørdi tað ógjørlit hjá frásøgufólkinum at fara á gólvið eftir dystin. Eitt annað er, at hinumegin stóð útgerð fyri fleiri milliónir og filmaði dystin, men fekk bara ein part av vøllinum við, tí upptøkutólini standa so tætt at vøllinum, at tað ber ikki til at filma vengurnar, ið spæla nærmast við. Hartil er kameravinkulin beint yvir á 3-4 rekkjur av áskoðarum, men annars bara ein vegg – og um tú tímdi at hyggja væl – á pallin hjá FM1. Mær dámar væl drive’ið hjá Hondbóltssambandinum í løtuni. Í torførum umstøðum stríðast tey við at fáa landsliðshondbólt upp á beinini, men her er ongin hjálp at heinta frá altjóða sambandinum. Nakað sum fótbólturin fær í stóran mun frá FIFA og UEFA. Tó mugu vit ásanna, at trupulleikarnir við bæði klokkuni í høllini og ikki minst vøllinum ikki mugu koma fyri í eini finalu. Hetta er ein nøs til tey, sum hava vøllin og lýsingarnar á vøllinum um hendi. Tað var eisini lítið hugaligt at síggja so nógv tóm setur til eina steypafinalu. Serliga til finaluna hjá kvinnum manglaði eitt sindur av stemningi. Alt var betri fyrr, verður onkuntíð sagt, tá onkur gremur seg um okkurt nýtt. Eg haldi ikki at alt var betri fyrr, tá áskoðarar ikki sloppu inn, meðan aðrir stóðu á øl-kassum. Men eg haldi, at hondbólturin hevur uppiborið eina høll/arena, sum vit øll kunnu gleðast um. Spælarar, venjarar, áskoðarar, fyriskiparar, miðlar og hyggjarar. trondur@sosialurin.fo Víkingur vinnari í Klaksvík 1: HB 2: B36 3: NSÍ 4: KÍ 5: Víkingur 6: Skála 7: AB 8: ÍF 9: EB/Streym 10: TB Oddbjørn Joensen tippar: Klaksvíkskappingin hevur verið um vikuskiftið. Í gjár var finalan millum Víking og NSÍ. Her vann Víkingur 2-0. Norðlýsið skrivar, at Gunnar Vatnhamar skoraði bæði mál­ini fyri vinnandi liðið. Fyrr um dagin vann KÍ heili 8-2 á B36, sum í leygardagin eisini tapti 5-1 móti Víkingi. Sum skilst, so var talan um ein ungt B36-lið, har meginparturin spælir við næst­ besta liðnum. HB hevur ikki luttikið í Klaks­ víks­kappingini, hóast liðið vann FM í fjør. HB er í løtuni í Turkalandi á venjingarlegu. Sunnukvøldið verður Stórsteypadysturin á Tórs­ vølli, har meistararnir úr HB spæla móti steypavinnarunum úr B36. FM1 sigur frá dystinum. trondur@sosialurin.fo Oddbjørn tippar HB at vinna