týsdagur 26. februar 2019síða 6

Mikudagur 27. februar 2019 · Nr. 24 6 Sosialurin Hugskot og viðmerkingar – send sms til 225000 TÍÐINDI Hugskot og viðmerkingar – send sms til 225000 Ein slóð­brót­ andi ferja í Føroyum Tænastan fer at verða betri Nýggja ferjan, sum Strand­ferðslan nú fær, er slóðbrótandi í Før­ oyum, tí talan er um fyrsta skip av sínum slagi í Føroyum. Ferjan er gjørd úr kol­trevjum, sum er lætt, men sterkt tilfar og hon er bygt eftir áset­ingunum um skjótt­gang­andi ferjur. Hetta er framtíðin, tí koltrevjaskip eru nógv lættari enn stálskip, og tað merkir samstundis, at tað brúkar nógv ferð­ir minni orku, sigur Hilmar Eliasen, stjóri á Strand­ferðsluni. Hann vísir á, at al­ tjóða krøv, sum eru sett í gildi til skip, og sum eru í ferð við at sett í gildi, seta so hørð krøv til skip, at tað ber ikki til at lúka tey við stál­skipum. Eitt skip úr kol­ trevjum er nógv lættari enn eitt stál­ skip, og sostatt brúkar tað eisini nógv minni orku, og tað er ein stór sparing í rakstrinum. Samstundis hevur nýggja ferjan battarí, sum ger, at hon kann part­vís sigla við elorku. Tað er áður upplýst, at skipið kann sigla í tveir tímar upp á battarí. Tað merkir so eisini, at hon kann sigla púra ljóðleyst, bæði oman­ sjóvar og undir­sjóvar, og sostatt kann hon sigla undir fugla­ bjørg­um, og annars undir landi við ser­liga viðkvomum fugla­lív­ið, uttan at órógva fugla­ lívið tað allar­minsta. Tað verður um eitt gott ár, ella tann 1. mai næsta ár, at Strand­ ferðslan fær sína fyrstu nýggju ferju, síðani Smyril kom í 2005. L e y g a r d a g i n skrivaði Hilmar Elia­ sen, stjóri á Strand­ ferðsluni, undir sátt­ mála við norsku skipa­smiðjuna, GS Marine Produksion, um at byggja ferjuna, sum tekur 96 ferðafólk og tríggjar persónbilar, ella ein stóran bil. Ferjan siglur heili 20 míl við ferðafólki og hon kostar 33,7 millión­ ir. Hilmar Eliasen sigur, at nú Strand­ ferðslan fær hendan bátin afturat, fer Strand­ferðslan at vera før fyri at veita eina betri tænastu, bæði við­víkjandi túratali, trygd, umstøðum hjá ferða­fólki, og  grønum rakstri. Ein eykaferja hevur staðið ovast á ynski­ lista­num hjá Strand­ ferðsluni í nógv ár, og hendan nýggja ferjan kann røkja allar rutur­nar hjá Strand­ ferðsluni, uttan suður­ oyar­siglingina. Tað fer at gera Strand­ferðsluni heilt aðrar møguleikar, tá ið tað er neyðugt at taka skip úr sigling, og tá ið skip skulu til eftirlit. Sam­stundis siglur hann so skjótt, at tað er bara ein løta at flyta tað úr einum parti í landi­num í ein annan. – Eg eri púra sannførdur um, at hetta verður eitt frá­líkt skip, sum øll fara at vera glað fyri. Tað sigur Hilmar Eliasen, stjóri á Strand­ ferðsluni, nú hann hevur skrivað undir sátt­mála við eina norska skipa­ smiðju um at byggja eitt nýtt skip til Strand­ ferðsluna. Talan er um eina tríkilju, sum er góðar 26 metr­ar long, og tað skerst ikki burtur, at tað hava verið harðar atfinningar ímóti skipinum. Tað skerst ikki burtur, at atfinningar hava verið ímóti hesum skipinum, tí stað­kend fólk hava ført fram, at hann kann ikki brúkast á brimplássum á útoyggj. Eitt nú hava Amalia í Frammistovu, borgar­ stjóri í Fugloy, og Símun Gul­laksen, vara­borgar­ stjóri, sagt, at tey vænta ikki at síggja skipið í Fugl­oy meiri enn tvær ella tríggjar ferðir um árið, tí tað verður bara tá ið veðrið, streymur og sjóvar­fall eru 100 prosent til vildar, at tað kann leggja at. Vilja ikki av við tað aftur Hilmar Eliasen vísir at­ finn­ing­um aftur og sjálvur ivast hann ikki í, at talan er um eitt frálíkt skip. Men hann ásannar, at talan er um eitt nýtt slag av skipi, sum fólk ikki kenna so nógv til. Hann heldur ikki, at tað er nakað løgið í, at fólk ikki eru trygg við tað ókenda og hann ivast heldur ikki í, at atfinningarnar botna í ókunnleika til skipið. Í eini roynd at sissa tey, sum stúra fyri skipinum, fer Strandferðslan tískil í næstum at gera meiri burt­ur úr at lýsa bátin, og at greiða frá, hvat hetta í roynd og veru er fyri ein ferja.  Her kann leggjast aftur­at, at tey, sum eru kom­in eitt sindur til árs, minnast, hvussu støð­ an var, tá ið Smyril varð keyptur í 1975. Tá vóru tað mong, sum ikki ivaðist í, at hann fór koppa í sigl­ing ímillum oyggj­ar­ nar í Føroyum, tí hann var flatbotnaður og var bara bygdur til at sigla á deyða­vatni í Danmark. Men síðani eru nokk øll samd um, at tað var eitt skip, sum royndist av­bera væl. Summir nólsoyingar vóru heldur ikki fegnir, tá ið tey fingu Ternuna, og norðanfyri vóru tey ikki álvu­lig við at fáa Rituna, men nú er støðan broytt. Og Hilmar Eliasen ivast onga løtu í, at tað verður sama støðan við nýggja skipinum. Hann sigur, at talan er um eitt skip, sum er gjørd við fyrimynd í bátum, sum sigla í ringum veðri og stórari aldu í Norð­ sjónum, eitt nú til vind­ myllur. –  Tað er heilt serlig tøkni, sum verður brúkt til tað, og til at kopla í vind­myllurnar, ella eitt havnarlag, og til at halda skipi­num stilt ímeðan fólk og farmur fer í land, og kemur umborð, sigur Hilmar Eliasen. – Tá ið hon hevur siglt nakrar túrar, eri eg vísur í, at fólk fara at siga, at tey vilja ikki av aftur við tað, leggur hann afturat. HETTA ER EITT SKIP SUM ØLL FARA AT VERÐA GLAÐ FYRI AVLOYSARASKIP Hóast fólk hava verið atfinningarsom, ivast stjórin á Strandferðsluni ikki í, at nýggja skipið, tey nú fáa, verður eitt frálíkt skip, sum eingin vil missa aftur Lagt til rættis: Áki Bertholdsen SLÓÐBRÓTANDI Nýggja ferjan hjá Strandferðsluni er slóðbrótandi, og hóast atfinningar, ivast stjórin á Strandferðsluni ikki í, at hon fer at roynast avbera væl