týsdagur 26. februar 2019síða 40

Mikudagur 27. februar 2019 8 Sosialurin LESTRARBLAÐIÐ Á slóðini hjá Buffett og Musk - Frá tí eg gekk fyrsta árið í Hoydølum og byrjaði at hyggja eftir skúlum kring heimin, hevur Wharton School of Business verið ein fjarur dreymur hjá mær. Við fyrimyndum sum Elon Musk og Warren Buffett millum fyrrverandi næmingar, topp skoðsmál á øllum listum yvir handilsskúlum ár eftir ár, og heitið sum elsti handilsskúli á bachelor-stigi í heiminum, hevur Wharton altíð verið ómetaliga bergtakandi í mínum huga, sigur Bjarni Rasmussen, ið lesur í amerikanska statinum Pennsylvania Hallur av Rana hallur@sosialurin.fo T að var í landnyrðingshorninum av USA, at grundarlagið bleiv lagt fyri tí tjóðini, ið bara nøkur hundrað ár seinni skuldi gerast bú­skaparliga, politiskt og hernaðarliga førandi millum heimsins tjóðir. Tað var her, at politisku stovnar sóu dags­ ins ljós, frælsisyvirlýsingar blivu orðað­ar, klók høvd grundaðu yvir nýmótans stýris­ skip­anir og valdsbýtir og universitet sett á stovn, ið yvir tvær øldir hava framleitt fleiri av heims­ins leiðarum. Fleiri av hesum universitetum eru í dag kend undir heitinum Ivy League, og sipar tað til átta privat universitet í land­nyrð­ings­ horninum í USA. Tey eru Brown Uni­versity, Col­umbia University, Cornell Uni­versity, Dart­mouth College, Harvard Uni­versity, the University of Pennsylvania, Prince­ton University og Yale University. Upprunaliga er Ivy League heitið á eina ítróttarkapping millum universitetini, men er á mannamunni vorðið eitt góðskustempul fyri akademiskari dygdargóðsku og sum skúlar fyri tann vælhavandi klassan. Føroyingur í Ivy League Tað er á einum av hesum í USA háttvirdu, goml­um universitetum, at 21 ára gamli argja­ mað­urin Bjarni Rasmussen hevur sína dag­ ligu gongd. Síðan í summar hevur hann verið ein av teimum 500 lesandi á Wharton School, ið er búskaparskúlin á the University of Penn­ sylvania, har hann lesur handils- og fíggj­ar­ bú­skap við eini undirgrein í marknaðarførslu og sálarfrøði. Skúlin bleiv settur á stovn av Joseph Warton í 1881 og er millum annað kendur fyri at vera tann skúlin, ið hevur framleitt flest milliard­ingar í USA. Millum fyrrverandi les­ andi á skúlanum eru mætir persónar sum ígongd­setarin Elon Musk, ið er stjóri og upp­ finnari av Tesla, SpaceX, PayPal, Neuralink og verður hann av Forbes mettur, við einum virði á 22,8 milliardum dollarum, at vera 54. ríkasti maður í verðini, íleggjarin Warren Buff­ett, sum við sínum 84,9 milliardum doll­arum verður av Forbes mettur at vera 3. ríkasti maður í heiminum, Sundar Pichai, stjóri í Google, og Donald J. Trump, 45. for­ set­in í USA. Millum professararnar á universitetinum eru eisini kend nøvn at síggja, harímillum Joe Biden, ið best man vera kendur frá hansara tíð sum varaforseti hjá Barack Obama, og Jeb Bush, beiggi George W. Bush, ið var mill­ um valevnini, ið taptu republikansku til­ nevningina til forseta móti Donald J. Trump. Á slóðini hjá fyrimyndum Og tað var júst møguleikin at fylgja slóðina hjá nøkrum av sínum fyrimyndum, ið var ein av orsøkunum til, at 21 ára gamli argja­ maðurin valdi at royna at koma inn á skúlan í Philadelphia. At byrjan við var talan tó um ein dreym, ið tóktist nærum ómøguligur fyri ungan mannin, ið sat í Hoydølum og leitaði eftir skúlum. - Frá tí eg gekk fyrsta árið í Hoydølum og byrjaði at hyggja eftir skúlum kring heimin, hevur Wharton School of Business verið ein fjarur dreymur hjá mær. Við fyrimyndum sum Elon Musk og Warren Buffett millum fyrr­verandi næmingar, topp skoðsmál á øllum listum yvir handilsskúlum ár eftir ár, og heitið sum elsti handilsskúli á bachelor- stigi í heiminum, hevur Wharton altíð verið ómeta­liga bergtakandi í mínum huga, greiðir hann frá, tá hann skal lýsa hví valið fall á júst Wharton School of Business. Við sínari støðu sum ein Ivy League skúli er Wharton School of Business ein av teim­ um universitetum, ið mangir næmingar kring allan heimin droyma um at ganga á og Bjarni Rasmussen var eisini full greiður yvir, at hann ikki var einsamallur í hesi tráan eftir at telj­ast millum næmingarnar á Wharton School of Business. - Skúlin tekur einans umleið 500 næming­ ar árliga, so eg havi altíð verið reellur við mínum vónum og hugt at øðrum møgu­leik­ um. Men tá eg so fekk boð um, at eg varð slopp­in inn var eingin ivi. Hetta var ein ov gylt­ur møguleiki at siga nei til, sigur Bjarni Ras­mussen. Gera lítið burturúr Hóast universitetið kann breggja sær av at vera klekingardepil fyri eina ørgrynnu av leið­arum innan handilsskap, vinnulív og polit­ikk, so er tað ikki nakað, ið tey gera nakað serligt burturúr, vísir hann á. - Eg eri faktisk ovfarin yvir, hvussu lítið tað verður gjørt burturúr á Wharton, at Elon Musk og Warren Buffett, umframt núverandi for­setin í USA, hava gingið á Wharton. Eingin plakat, eingin standmynd, faktiskt einki, sigur Bjarni Rasmussen. Tó at eingin fysisk staðfesting er av hvørji stór­menn áður hava búleikast og lisið á uni­ versit­etinum, so metir Bjarni Rasmussen, at tað kortini hevur eina óbeinleiðis ávirk­an á ger­andis­dagin á skúlanum og í huga­heim­in­ um hjá teimum lesandi. - Óbeinleiðis hava menn sum Warren Buff­ ett og Elon Musk stóra ávirkan. Sum risar innan hvør sína handilsgrein, tøkni og fíggj­ ar­búskap, eru vit sum næmingar ótrúliga stolt­ir av at ganga á sama skúla sum teir gjørdu. Eg haldi eisini, at tað at hava tveir so væl­eydnaðar handilsmenn sum fyrrverandi næm­ingar, ger tað, at vit sum næmingar veru­liga tora at hava ítøkiligar dreymar, um at gera okkurt heilt stórt. Tað gevur næm­ ing­unum eina kenslu av dirvi, sigur hann og nevnir ítøkiliga dømi. - “Elon Musk managed to do it” og “If Warr­ en Buffett can make $85 billion, I should at least be able to make $1 billion” og líknandi eru setningar, sum eg mangan hoyri. - Skúlin tekur einans umleið 500 næmingar árliga, so eg havi altíð verið reellur við mínum vónum og hugt at øðrum møguleikum. Men tá eg so fekk boð um, at eg varð sloppin inn var eingin ivi. Hetta var ein ov gyltur møguleiki at siga nei til