týsdagur 26. februar 2019síða 41

9 Mikudagur 27. februar 2019 Sosialurin LESTRARBLAÐIÐ Úr Hoydølum til USA Aftaná at hava arbeitt og fjakka eitt ár aftaná lokið studentsprógv frá studentaskúlanum í Hoydølum valdi Bjarni Rasmussen at fara av landinum at lesa. Tað er ikki óvanligt millum føroysk ung, men har hann skilti seg frá tí stóra skaranum var, at hann vildi sleppa burt­ur úr ríkinum. - Síðan 1.s í Hoydølum var eg avgjørdur um, at eg ynskti útum danska kongaríkið at lesa handilsskap, minnist hann aftur á. Av tí sama søkti hann á skúlar ymsa staðni kring heimin, og gjørdi seg til reiðar at fara á ein handilsskúla í norðuritalska býn­ um Milano, tá hann brádliga ein dagin fekk boð um, at hann var sloppin inn á dreyma­ útbúgv­ingina. Langt av landi skotin Men hóast tað eru yvir 5.000 kilometrar millum Philadelpia og Føroyar, so er ein onn­ur mentan og langa fjarstøðan frá heim­ landinum ikki ein stórvegis trupulleiki, vísir hann á. - Tað eru ikki serliga nógvar avbjóðingar við at lesa so langt burturi frá Føroyum. Tíðarmunurin er ikki so øgiligur, so møgu­ leikar eru altíð fyri at ringja heim til familju og vinfólk. Flogseðlar til Danmarkar eru í dýrara lagi, men nú flogseðlarnir til Føroyar ikki eru so dýrir longur, megni at eg koma heim einar tríggjar ferðir um árið, sigur hann. Tvørturímóti metir ungi argjamaðurin, at fyrimunurin eru munandi fleiri enn vans­ arnir. - Fyrst og fremst er tann amerikanska “college” skipanin heilt serlig. Fólk lesa, eta, sova, ballast, arbeiða og so framvegis á kampus. Lívið hjá øllum næmingum er á kampus, og skapar tað eitt heilt serligt lestr­ ar­um­hvørvi. Skúli og heim gerast harvið eitt og tað sama. Tað, at øll búgva so tætt sam­ an, ger eisini, at fólk bara renna ímillum hjá hvørjum øðrum. Eitt sindur sum tættir grann­ar gera har heima í Føroyum, greiðir hann frá. Gerandisdagurin Tó at skúlin krevur nógv av sínum næming­ um, so letur stóra lívið runt lestrinum eisini upp fyri fleiri møguleikum at brúka ta lítlu frítíð, ið næmingarnar hava, til alt hugsandi virksemi. - Hóast Ivy Legue og Wharton leggja eitt hart akademiskt trýst á næmingar, duga vit ótrúliga væl at hava ein “work hard, play hard” hugburð. Endaleysir tímar verða nýttir á bókasøvnum, men vit duga so sanniliga eis­ini at at hava tað stuttligt. Viðvíkjandi tí sosiala partinum eru nógv fólk partur av áhugabólkum, professionellum feløgum og øðrum. Hvønn dag eru eisini møguleikar fyri at stuðla skúlanum í ymsum ítróttargreinum, og um kvøldi eru tað serliga studentafeløg, ið fylla nógv, sigur hann. Um hugt verður eftir einum vanligum gerandisdegi hjá Bjarna Rasmussen, er tað kortini tað bókliga, ið fyllir nógv mest. - Ein stórur partur av tíðini her á Wharton fer til lesnað. Vit hava royndir næstan hvørja viku, umframt at vit hvørt semestur hava einar tríggjar stórar royndir í hvørjum faki. Eg havi millum fýra og átta tímar av undirvísing um dagin. Men til morgunmat, døgurða og nátturða møtist eg vanliga við ymsum vinfólk í ymsum kantinum til prát og ein bita, sigur hann. Ein heilt serligur próvtøkuháttur er eisini við til at leggja trýst á næmingarnar, so at teir halda fokus á lestrinum, meðan teir eru á skúlanum. - Ístaðin fyri at hava t.d. ein skala frá 1-100, har allir næmingar kunnu fáa 100, um teir klára seg væl, er Wharton kent fyri at hava ein heilt serligan hátt at geva próvttal. Við byrjan av árinum verður avgjørt, at t.d. 30% av flokkinum fáa A, 40% fáa B, 20% fáa C og so fær restin t.d. D og F. Hetta ger, at næmingar eru í beinleiðis kapping móti hvørjum øðrum. Og tá tú kappast móti nøkrum av gløggastu handilshøvdunum í heiminum er sjálvsagt, at man altíð noyðist at hava tunguna mitt í munninum, sigur Bjarni Rasmussen. Yvirlivingartúrur Tað, sum er av frítíð, verður síðan brúkt upp á ymiskan aktivitet, ið er á kampus, og har er tað serliga nevaleikur, ið ungi føroyingur brúkar sína tíð uppá. - Eg eri limur í Boxing Club her í Wharton. Vit venja einar tríggjar til fýra ferðir um vikuna. Harafturat eri eg eisini partur av ymsum klubbum og øðrum, har eg brúki ein­ ar átta-tíggju tímar tilsamans um vikuna, sigur hann. Millum teir klubbar, ið ungi føroyingurin er partur av, er ein ið hevur til endamáls at menna leiðarar á ein øðrvísi hátt. - At vera partur av hesum felagsskapi inni­ ber millum annað, at vit tvær ferðir um árið skulu ígjøgnum ein yvirlivingar- og leiðslu­ menningartúr úti í náttúruni. Hetta skal fyrireika okkum til at leiða túrar til millum annað Suðurpólin, oyðimørkina í Utah ella hæddina í Patagonia, har næmingar frá Whart­on kunnu melda seg til at koma á ein 8-14 dagar yvirlivingartúr. At vera partur av hes­um felagsskapi hevur longu lært meg nøk­ur umráðandi ting, og eg eri vísur í, at har er nógv afturat at læra tey næstu trý og eitt hálvt árini, sigur Bjarni Rasmussen. Endastøð Føroyar Hóast eitt endaligt prógv er ítøkiliga málið í øllum lærustovnum, so vónar ungi før­oy­ ing­urin, at tíðin á Ivy League skúlanum fer at geva honum nøkur tól at eydnast seinni í lívinum. Bjarni mynd: Bjarni Rasmussen byrjaði at lesa á Wharton í summar - Óbeinleiðis hava menn sum Warren Buffett og Elon Musk stóra ávirkan. Sum risar innan hvør sína handilsgrein, tøkni og fíggjarbúskap, eru vit sum næmingar ótrúliga stoltir av at ganga á sama skúla sum teir gjørdu. - Hóast Ivy Legue og Wharton leggja eitt hart akademiskt trýst á næmingar, duga vit ótrúliga væl at hava ein “work hard, play hard” hugburð. Endaleysir tímar verða nýttir á bókasøvnum, men vit duga so sanniliga eisini at at hava tað stuttligt. Framhald á síðu 10