mánadagur 4. mars 2019síða 18

Mánadagur 4. mars 2019 · Nr. 26 18 Sosialurin Hugskot og viðmerkingar – send sms til 225000 FÓTBÓLTUR Tróndur Arge HB er til reiðar til kappingarárið 2019. Eftir at hava vunnið 23. FM-heitið, 23. september í 23. umfari, hevur HB sett met í stigum í landskappingini, vunnið nýggju VFF-Kup hjá Venjarafelagnum og nú eisini vunnið stórsteypadystin. 33 ára gamli Símun Samuel­ sen skoraði einasta málið í dystinum, tá seinni hálvleikur var fýra minuttir gamal. Bjarni Petersen fer skeivur av eini langari sending, sum endar við at hann má tveita seg niður í eina glíðandi takling. Bólturin trillar upp á tvørs av málinum, har høgri bakkurin hjá B36, Jónas Tór Næs, skal sparka vekk. Hann glíður í avgerandi løtuni, og Símun Samuelsen kann lættliga trilla bóltin í málið til 1-0. -Eg veit ikki heilt hvat hendir har, men onkuntíð blíva verjuspælarar spentir tá teir skulu sparka bóltin vekk. Tá hann glíður, so skal eg bara skjóta bóltin í málið, sigur Símun Samuelsen og leggur aftur­at: -Mær dámar væl hesar dyst­ ir­nar, tí tað er byrjanin til eitt nýtt kappingarár. Eg haldi eg havi tapt teir flestu av teimum, so tað er gott at vinna, sigur vágbingurin í HB. HB við fáum broytingum Meistaraliðið er at kenna aftur. Teitur M. Gestsson sendur í mál, meðan verjan er tann sama sum í fjør. Her tóktist Lasse T. Andersen tó hava ávísar trupul­leikar í verjuspælinum og lá eisini eftirá nakrar ferðir. Á miðjuni er nýggj saman­ set­ing, tí Tróndur Jensen er lang­tíðarskaddur. Her kom Høður Askham inn á hansara pláss. Hann er ein meiri verju­ kendur miðvallari eins og Brynjar Hlöðversson. Til tíðir sást, at hetta kann blíva ein avbjóðing og venjarin hjá HB, Heimir Guðjónsson váttar eisini, at felagið leitar eftir einum bóltsterkum miðvallara. -Eg kann siga so mikið sum, at vit leita eftir einum mið­ vallara. Vit hava nøkur nøvn, men í fótbóltsheiminum kanst tú aldrin siga nakað fyri vist, fyrrenn undirskriftin er komin á, sigur Heimir Guðjónsson. Longur frammi á vøllinum var Símun Samuelsen í vinstru og Pætur Petersen í høgru, meðan Dan í Soylu og Ari M. Olsen vóru á fremstu plássunum. Hetta verður helst samansetingin í eina tíð. -Vit leita ikki longur eftir einum áleypara. Sebastian Pingel verður klárur skjótt og eg vænti, at hann kemur at geva okkum tað breiddina, sum vit hava brúk fyri, sigur Heimir Guðjónsson. Venjarin hjá HB er eisini nøgdur við avrikini hjá nýggju monnunum, Hørði Askham og Pæturi Petersen. -Hørður hevur longu spælt á trimum ymsikum plássum, men ynski er at hann spælir einum tí plássinum, har hann er sterkastur. Eg eri eisini nøgdur við avrikið hjá Pæturi, sigur Heimir Guðjónsson. Ársins spælari frá í fjør, Adrian Justinussen, sat á bonkinum, men verður við í 1. umfari í landskappingini, har HB skal spæla móti KÍ í Klaksvík. -Um hetta var ein alt- avgerandi finala, so hevði Adrian spælt í dag, men tað er ein vandi fyri at hann so hevði skula sitið uttanfyri í nakrar vikur. Tí valdu vit at spara hann í dag, men Adrian verður við í Klaksvík, sigur venjarin hjá HB. Jákup ilskast um leikbann Ein avgerandi løta í dystinum var í yvirtíðini, tá B36 fær óbeinleiðis fríspark, eftir at málverjin hjá HB hevur tikið bóltin upp eftir afturlegging. Hetta er ein gyltur møguleiki hjá B36 at javna. HB stillar manngarðin, men Dan í Soylu hevur stilla seg ájavnt við b ó l t i n , men er í besta føri fimm til seks metrar frá bóltinum. Fleiri spælarar hjá B36 gera vart við støðuna, men dómarin letur ikki við seg koma. Tað endar við, at Dan í Soylu megnar at órógva skotið hjá Lukasz Cieslewicz og Alex Mellemgaard blívur í øðini. Hann fær sítt annað gula kort og skal nú sita yvir í 1. umfari. -Fyrst og fremst eri eg argur inn á Alex. Hann skal verða størri enn so, men tað er eisini býtt av dómarinum ikki at verða størri enn so. Vit vísa á, at ein maður setur tríggjar til fimm metrar frá, tá frísparkið verður tikið. Hatta er ein ekstremt góð støða hjá okkum. Hatta er býtt og vánaligt av Alex, men dómarin skal eisini verða størri enn so. Nú hevur A l e x leikbann til fyrsta umfar, sigur Jákup á Borg venjari hjá B36. B36 hevði tríggjar nýggjar spælarar á liðnum. Erling Jacobsen, Árni Frederiksberg og Brian Jakobsen byrjaðu allir inni. Fyrst nevndi spældi bara fyrra hálvleik, meðan Brian Jakobsen fór út aftaná ein tíma. -Teir føldu til okkurt og tí skiftu vit teir út. Eg haldi, at bæði Gilli Samuelsen og Bjarni Petersen koma inn og gera tað gott. Vit halda HB frá tí mesta í dag, men tíverri rakk tað akkurát longri hjá teimum, sigur Jákup á Borg. B36 mundi verða betri í fyrra hálvleiki, men tá HB fyrst kom á odda, so hevði árstalsfelagið trupult við at skapa málmøguleikar móti einum sterkum HB-liði. Fótbóltur Dysturin hesa vikuna... Stórsteypadysturin: MAGNUS TIL B36 B36 kunngjørdi í gjár, at Magnus Holm Jacobsen er aftur í felagnum, eftir eitt hálvt ár í Portugal, har hann hevur spælt við Pacos De Ferreira. - Vit hava brúk fyri honum. Tað vóru onkrar broytingar í felagnum, sum gera at hetta er ein møguleiki. Eg vóni at hava hann kláran til dysytin móti Skála, sigur Jákup á Borg. HB hevur nú vunnið trý steyp upp í slag. FM, VFF-Kup og nú stórsteypadystin. Símun Samuelsen bleiv avgerandi, HB leitar ikki longur eftir áleypara og Jákup á Borg er ikki nøgdur við at hava fingið eitt leikbann í hópin HB HELDUR FRAM AT VINNA