mánadagur 11. mars 2019síða 20

Mánadagur 11. mars 2019 · Nr. 29 20 Sosialurin Hugskot og viðmerkingar – send sms til 225000 FÓTBÓLTUR Tróndur Arge Landskappingin hjá monnum er farin á rull og nú eru fyrstu ábendingarnar komnar. HB líkist sær sjálvum, men tað er saknur í Tróndi Jensen. KÍ er í nýggju hami, men nýggju spælararnir tykjast at fella væl til. Í fjør vann KÍ 3-0 í fyrsta um­ fari móti HB, men tapti báðar dystirnar í Klaksvík. Tí kunnu bæði KÍ og HB siga, at tey hava staðið seg eitt betri enn í fjør, men samstundis siga at tey mangla tvey stig í. Afturgangandi fyri klassik­ ar­an í Klaksvík í gjár er, at bæði lið­ini eru dugnalig til at verja, meðan tað restar eitt sindur í álopspartinum. Nýtt KÍ-lið Tað eru fleiri broytingar á KÍ- lið­num, tá spælararnir renna út á vøllin við Djúpumýru í Klaks­ vík. Hóast tað hevur kavað náttina fyri, so er vøllurin grøn­ur og fótbóltslagið gott. Mein­hard Joensen er í máli­ num, meðan danski mið­verjin, Jesper Brinck, er nýggjur í verjuni. Deni Pavlovic er leik­ bannaður, so venjarin hjá KÍ hevur valt at seta Ísak Simon­ sen í miðvejruna, meðan ungi Óli Ey. Poulsen er á vinstra bakki. Mest óvæntaða navnið á liðnum hjá KÍ er 17 ára gamli Jonn Johannesen, ið byrjar á vinstra vongi. Hetta er hansara fyrsti dystur frá byrjan. Jesper Brinck, norski mið­ vall­arin Simen Sandmæl og Patrik Johannesen komu allir væl frá uppgávuni, meðan nýggi liðskiparin – Jákup B. Andrea­sen – mundi verða mill­ um bestu spælararnir á vølli­ num. KÍ legði stórt trýst á verjuna hjá HB, sum næstan ongantíð megn­aði at spæla upp frá verjuni. Sum heild var talan um eitt gott avrik í verjustøðu frá KÍ, sum tóktist væl skipað og hevði eina greiða ætlan fyri steðga HB. -Nú fari eg ikki at avdúka allan taktikkin, men hann rigg­ aði. HB kom ikki til nakað og vit arbeiða hart. Vit vóru væl fyri­reikaðir í dag, sigur Patrik Johanne­sen, ið annars lat væl at fyrstu royndini í eini KÍ- troyggju. HB manglar okkurt Fyri HB var Hørður Askham nýggjur á miðjuni, meðan Pæt­ur Petersen byrjaði inni á vinstra vongi fyri Símun Samuel­sen. -Eg gjørdi ein feil við Símuni í Stórsteypadystinum. Eg lat hann spæla ov leingi, so hann ikki kundi byrja inni í dag, sigur Heimir Guðjónsson, venjari hjá HB. Hann iðraði seg um, at HB ikki spældi við nóg nógvari ferð, men er annars nøgdur við eina stigið í Klaksvík. E i n avbjóðing í løtuni er, at HB hevur tveir eins mið­vallarar, ið hava størstu styrk­ ina í verjustøðu. Bæði Hørður Ask­ham og Brynjar Hlöðvers­son spæla væl í verjustøðu, men tað sást greitt at dynamikkurin broyttist, tá nýggi norski mið­ vallarin – Andreas Breimyr – kom á vøllin. Hann er keyptur inn at avloysa Trónd Jenssen, sum framvegis er skaddur. Hartil sæst, at samanseting av Pæturi Petersen, Adrian Justinussen, Dan í Soylu og Ari M. Olsen er í yngra lagi. Tað gekk strilti at fáa nakað álops­ spæl í lag, men tað einu ferðina tað riggaði, so skuldi Dan í Soylu eisini havt skorað. -Næstu ferð, so skorar Dan upp á hatta. Hann er enn ein ung­ur spælari, sigur Heimir Guðjónsson. Tvey sterk lið Um ein niðurstøða skal gerast út frá fyrsta dystinum í ár, so er tað at bæði HB og KÍ verða tor­før at vinna á. HB hevur at kalla sama liðið, men manglar møguliga ein áleypara í besta a l d r i , sum kann avgera dystir einsa­mallur. Í verjupartinum er ikki nógv at fílast á. Málverjin og verjan er tann sama, meðan kanska týdningarmiklasti brikk­urin er íslendski stríðs­maðurin, Brynjar Hlöðvers­son. Bæði í gjár og í Stór­steypa­dysti­ num spældi hann væl í verju­ støðu, har hann er sterkur í tvídystunum og serliga í luft­ spælinum. Tað er torført at gera eina meting um KÍ, tí fleiri spælarar eru uttanfyri, meðan aðrir eru nýggir. Jesper Brinck kundi verið svarið hjá KÍ upp á Lasse Andersen. Danski miðverjin er kom­in úr Brabrand og tóktist skila­góður í verjustøðu og við bóltinum. Saman við Deni Pavlovic, so kann hetta blíva ein góð miðverja, men tað skal eisini sigast, at Ísak Simonsen stóð seg væl. Simen Sandmæl royndist væl í miðverjuni, meðan Patrik Johannesen saman við Jóan­ nesi Bjartalíð nokk skulu fáa nøkur mál. Góðkend byrjan Helst hava áskoðararnir við Djúpu­mýru ikki fingið besta fót­bólts­upplivilsið í nýggjari tíð, men bæði KÍ- og HB-við­ halds­fólkini kunnu helst siga, at liðini hjá teimum hava fyri­ reikað seg væl til hetta kapp­ ingar­árið. Tað var nógv ferð á dysti­num og spælararnir eru væl fyri. Kanska hálaðu bæði liðini eitt sindur í hondbremsuna við álopsspælinum, og tí standa tey eftir við einum málleysum javn­leiki. trondur@sosialurin.fo Fótbóltur Dysturin hesa vikuna... Stórsteypadysturin: JONN FRÁ BYRJAN Tað var eitt óvæntað navn á listanum hjá KÍ til klassikaran. 17 ára gamli Jonn Johannesen kom í fjør inn tríggjar ferðir, men í gjár var fyrstu ferð, at hann spældi frá byrjan. Vinstri vongurin kom nú bara væl frá uppgávuni, sjálvt um hann bleiv útskiftur í hálvleikinum. Tað kom einki mál í Klaksvík í klassikaranum millum KÍ og HB. Niðurstøðan er, at bæði liðini eru sterk í verjupartinum, men hava avbjóðingar í álopspartinum. HB líkist sær sjálvum, meðan KÍ er í nýggju hami VERJUSTERKUR KLASSIKARI