týsdagur 12. mars 2019síða 10

Mikudagur 13. mars 2019 · Nr. 30 10 Sosialurin Hugskot og viðmerkingar – send sms til 225000 TÍÐINDI Primusmotorurin í Stráluni minnist aftur á gamlar dagar - Í løtuni byggir Strálan neyst í trimum hæddum, sum er komið væl áleiðis, sigur Anfinn Gærdum, sum øll árini hevur verið formaður í felagnum, ið nú hevur 30 ár á baki Vilmund Jacobsen Anfinn Gærdum hevur verið ímyndin av Stráluni í Sjóvar kommunu heilt síðan byrjan, og hin 24. mars í ár hevur fel­ agið 30 ár á baki. - Tað var hin 24. mars í 1989, at felagið varð stovnað. Vit fingu Engelbreth Hansen at smíða okkum eitt 6-mannafar 1991, og kappróðrarbáturin fekk navnið Strálan. Anfinn Gærdum sigur, at tað eydnaðist at fáa bátin mannaðan, bæði við gentum og dreingjum. - Hetta gekk væl, og dreing­ irnir vunnu FM bæði í 1991, 1992, 2000 og í 2001. Leggjast kann aftrat, at dreingirnir eisini vunnu ólavsøkuróðurin í 2000 og 2001 – og genturnar vunnu ólavsøkuróðurin 1992, sigur hann. Nýtt seksmannafar Anfinn Gærdum sigur, at seinni fekk Strálan Sámal Han­sen at smíða felagnum nýtt 6-mannfar, sum róði fyrstu ferð 2004. Tá fekk hin gamli báturin navnið Stjørnan. - Navnakapping varð út­ skrivað, og vit tóku navnið Stjørn­an, tí tað hevði gingið so væl við kappróðrinum. Hann sigur, at árið eftir – í 2005 – fekk Strálan nýtt 5-manna­far, sum fekk navnið Stríp­an. Dart og badminton Anfinn Gærdum sigur, at tey eisini spældu nógv dart í felagn­um tey fyrstu árini, og felagið hevði fleiri lið við í kapp­ingum. - Áhugin var stórur, og vit fingu góð úrslit. Dart fánaði burtur síðst í nítiárunum, men hevur tikið seg upp aftur nú. Hann heldur fyri, at vón­ andi kann felagið koma í gongd aftur. Anfinn Gærdum sigur, at í felagn­um varð eisini nógv bad­ minton spælt, og í fimm ár hevði Strálan føroyameistaran fyri kvinnur. - Vit hava høli í kjallaranum í Bygdahúsinum, har ymiskt er til tey ungu. Venjingarhølið er eisini í Bygdahúsinum. Byggja neyst Í løtuni byggir Strálan neyst í trim­um hæddum, sum er komið væl áleiðis. Anfinn Gærdum sigur, at nú skal so 30 ára føðingardagurin haldast, og tað verður leyg­ar­ kvøldið hin 23. mars. - Fólk eru vælkomin at tekna seg til borðhaldið við trý rættaðari matarskrá og undir­ hald við John Andersen og Jonhardi Hansen. Formaðurin í Stráluni øll árini sigur, at síðst á veitslu­ kvøldinum verður dansur við Rox við Signari í Homrum. - Sigast skal, at dansurin er al­mennur og øll somul fáa suppu og kaffi um náttina, sig­ ur Anfinn Gærdum. Hann leggur aftrat, at freist­ in at tekna seg til borðhaldið hjá Stráluni er sett til 19. mars. - Nú skal 30 ára føðingardagurin haldast, og tað verður leygarkvøldið hin 23. mars, sigur Anfinn Gærdum