mánadagur 18. mars 2019síða 22

Mánadagur 18. mars 2019 · Nr. 32 22 Sosialurin Hugskot og viðmerkingar – send sms til 225000 Sjúrður Hildarson Hoydal Sunnudagin var seinasta umfar í Okkaradeildini leikt. Hetta var sam­stundis seinasta umfar av fyrsta grundspælinum undir nýggja kappingarleistinum, men áhugin var ikki so stór­ur sum stigatalvan hevði uppi­ borið. Trý lið lóðu innanfyri tvey stig av fremsta plássinum, og hevði hetta verið støðan eftir 17 dystir undir einum øðr­ um kappingarleisti, høvdu fólk avgjørt leitað sær innar í Høllina á Hálsi hóast sólin bak­ aði á fótbóltsvøllunum uttan­ fyri. Hvar var spenningurin? Fólk fingu rætt í, at H71 fór ikki at fáa trupulleikar av Team Klaksvík, so tað var dysturin á Hálsi millum Neistan og VÍF, ið var lykladysturin. Hann skuldi avgera um tað gjørdist Neistin ella H71, ið fekk fremsta plássið, og møguleikan – ella skylduna – at velja sær eitt mótstøðulið til finaluna. Vann Neistin dystin, so átti Neistin oddasessin og VÍF fekk triðja plássið. Vann VÍF, so var H71 sent evst upp á talvuna, meðan VÍF endaði á øðrum plássi. Hetta orsakað av innanhýsis rokniskapinum millum liðini, ið øll fóru at enda á 25 stigum. Tí hevði Neistin onkurs­ vegna meira at spæla fyri enn VÍF, men bláu havnarmenninir hava havt tað trupult við vest­ menningum í ár, og tað var eisini VÍF, ið hevði hug at vera á odda. Dysturin var kortini javnur fyrstu 40 minuttirnar ella so, men so vísti VÍF seg frá síni bestu síðu. VÍF-verjan legði lunnar undir fleiri skjótálop, og eftir lítlari løtu hevði VÍF økt úr 19-20 upp í 20-26. Hesum kom Neistin ongantíð aftur frá, og satt at siga so løgdu teir bláu ikki so nógv fyri í royndini. Har var ikki stóri fjálturin at hóma, hóast liðið var um at verða varpað av fremsta niður á triðja plássið í kappingini. Hetta bar boð um, at nýggi kapp­ingarleisturin tekur brodd­in av spenninginum millum tey fremstu liðini í grund­spælinum. Alt snýr seg um at enda millum tey fýra fremstu, og hetta hava øll hesi trý feløgini leingi verið vís í, at tey fóru at gera. TÍ valdi H71 VÍF Endin var, at VÍF vann greiðan sigur. Úrslitið gjørdist 23-30, og at H71 tí vann grundspælið frammanfyri VÍF á øðrum plássið. Og vestmenningar kundu neyvan fegnast um hetta, tí sera lítil ivi var um, at H71 fór at velja sær VÍF sum mótstøðulið, og har hevur gongdin í ár sanni­liga ikki verið gul. Tríggjar ferðir í lands­kapp­ ingini hava H71 og VÍF hitst og tríggjar ferðir hava hoyvíkingar verið við yvirlutan. Tekin um hetta sóust longu í fyrsta innan­hýsis dystinum hin 25. novem­ber. Tá vann H71 heili 17-29 í Vestmanna. Hinir báðir dystirnir eru endaðir 34-30 og 33-29 til H71. Var tað ikki nóg mikið, so vann H71 eisini dystin móti VÍF í steypakappingini við úrslitinum 30-27. Tí var ikki torført hjá H71 at velja. Móti bæði Neistanum og Kyndli hava úrslitini verið minni góð og sera tepur. Móti Neistanum hevði H71 tveir javn­leikir og ein ósigur at vísa á, meðan tað móti Kyndli vóru tveir teprir sigrar og ein ósigur – umframt savnaða ósigurin í steypahálvfinalunum. Neistin eitt vet betri innanhýsis enn Kyndil Væntaði Neistin at H71 fór at velja VÍF, er væl skilligt at neista­menn ikki vóru vón­ brotnari enn so at enda á triðja plássið. Tí skuldi Neistin velja, so var upplagda valið Kyndil. Hjá Neistanum snúði tað seg bert um at sleppa undan VÍF, ið sunnudagin vann triðja sigurin av trimum møguligum móti Neista­num. Í landskappingini hevði Neist­in bestu úrslitini móti H71, við tveimum javnleikum og einum sigri. Úrslitini móti Kyndli vóru ein sigur, ein javnleikur og ein ósigur. Aftur­ at hesum vann Neistin so báðar sínar dystir móti Kyndli í steypa­kappingini. Men hetta vóru so teprir sigrar, og tað kanska kennist sum ein lætti hjá Neistanum at sleppa undan at velja sær mótstøðuliðið sjálvt. Nú verður tað stuttligt Yvirhøvur ein sera torskild og margháttlig støða, í hesum fyrsta kappingarárinum við nýggja kappingarleistinum. Lætt er at iðra seg um at spenn­ingurin ikki var størri í einum grundspælið har trý tey fremstu liðini endaðu jøvn í stigum, men nú kemur tann spenn­ingurin, ið vit hava bíðað eftir. Í hálvfinalunum kann alt henda. Spælt verður best av trim­um dystum, og allir dyst­ir­ nir skulu avgerast. Tað verður longd leiktíð um ein dysturin endar javnur, og væntandi vera høllirnar fullar av áskoðarum, tá ið vit fáa fýra, fimm ella vónandi seks minniligar dystir við stuttum millumbilum. Fyrstu hálvfinalurnar verða leiktar mikudagin, men undan prenting er ikki greitt nær og hvar. Miðlahúsið kunnger leikskránna á In.fo tá ið hon er greið – Hetta verður vænt­andi mána­dag seinnapart. Ítrottar­ sosialurin fer kortini at heita á fólk um, at vera til reiðar at hyggja eftir hondbólti klokkan 20.00 mikukvøldið. sjurdur@sosialurin.fo Eftir at tað leingi hevur verið greitt hvørji lið fóru at røkka hálvfinalunum í mansdeildini, eru liðini fallin á endaligu plássini, so at vinnarin av grundspælinum kundi velja sær sítt yndismótstøðulið. H71 valdi VÍF – Ein skilagóð avgerð eftir hagtølunum SMS-deildin: SMS-deildin: støðan NR LIÐ DYSTIR V.M. T.M. MUNUR STIG 1 VÍF 16 466 360 106 27 2 Neistin 16 374 333 41 20 3 Kyndil 15 374 361 13 19 4 H71 16 415 400 15 18 5 Stjørnan 15 344 371 -27 9 6 StÍF 16 310 458 -148 1 Okkaradeildin: SMS-deildin: støðan NR LIÐ DYSTIR V.M. T.M. MUNUR STIG 1 H71 18 467 401 66 25 2 Neistin 18 479 419 60 25 3 VÍF 18 509 462 47 25 4 Kyndil 18 473 419 54 21 5 KÍF 18 452 444 8 18 6 StÍF 18 408 500 -92 10 7 Team Klaksvík 18 422 565 -143 2 Neistin – VÍF 23-30 (14-15) Neistin: Rasmus Søby 7, Høgni Zachariassen 7, Tróndur Kragesteen 3, Rune Olsen 2, Pætur Mikkjalsson 2, Dánjal Ragnarsson 1, Tróndur Mikkelsen 1 VÍF: Filip Jojic 7, Sjúrður Olsen 6, Magnus Müller 4, Bjarti Hansen 3, Jákup Andreas Joensen 3, Andrias Eriksen 3, Julian Olsen 1, Johan í Garðastovu 1, Heini á Heygum 1, Hallur Arason 1 H71 – Team Klaksvík 33-14 (16-6) H71: Vilhelm Poulsen 6, Pætur Thomsen 5, Brandur Halgirsson 4, Poul Símun í Garði 3, Sigmundur H. Dahl 3, Niklas H. Hanusarson 3, Djóni G. Joensen 2, Peter Krogh 2, Bergur Ákason 2, Andrias G. Fríðuson 1, Leivur Mortensen 1, Rúni V. Højgaard 1, Team Klaksvík: Sámal á Tjaldrafløtti 5, Christoffer Madsen 3, Finnur Hansson 3, Vilhelm Vilhelmsen 1, Jan Eli Ragnarsson 1, Petur Martin Eliasen 1 Kyndil – StíF 33-18 (13-10) Kyndil: Rógvi Dal Christiansen 7, David Edvardsen 5, Tróndur Wardum 4, Rói H. Lamhauge 3, Hjalti M. Jacobsen 3, Ólavur av F. Mittún 2, Bartal K. Olsen 2, John í Innistovu 2, Tummas P. Hanusarson 2, Borgar Sveinsson 2, Jákup Jørgensen 1 StÍF: Pætur Johansen 8, Jógvan G. Joensen 2, Martin Danielsen 2, Dávid Danielsen 2, Rani A. Højgaard 1, Pætur Ó. Barclay 1, Teitur V. Nilssen 1 Neistin – VÌF 24-24 (11-17) Neistin: Fríða á Dunga 8, Stina Madsen 5, Rakul Magnussen 3, Drós Ragnarsdóttir 2, Ingunn K. Persson 2, Hjørdis Viðstein 2, Sólbjørt Høj, Sofie Søberg 1 VÍF: Durita C. Jojic 9, Liljan Djurhuus 5, Randi Virgarsdóttir 3, Ingibjørg Olsen 2, Daniella Joensen 2, Lív Ingdórsdóttir 1, Ró Nielsen 1, Heidi Maria Akselsen 1 H71 – Stjørnan 28-26 (13-14) H71: Eva Barba Arge 11, Guðrið á Borg 6, Marita Mortensen 4, Durita Toftum 4, Maria H. Weyhe 2, Silja Sámalsdóttir 1. Stjørnan: Tóra Eliasen 11, Mina L. Sirdal 5, Sonja L. Sirdal 3, Katrin Bertholdsen 2, Anna Jakobsen 2, Óluva A. Joensen 2, Annika M. Arge 1 Kyndil – StÍF 35-20 (17-10 Kyndil: Marianna Geirsdóttir 13, Turið Arge Samuelsen 7, Bára Krossteig Hansen 6, Ásleyg Súnadóttir 3, Gudrun R. Olsen 2, Anja Eliasen 2, Beinta Bárðardóttir 1, Bjørt Krossteig 1, StÍF: Karina B. Høgnesen 11, Erla J. Petersen 3, Paula D. Berg 2, Emmy Kass 1, Simona á Fríðriksmørk 1, Sunfríð B. Johansen 1, Rebekka Zachariassen 1 HONDBÓLTUR Endiliga: HÁLVFINALURNAR BYRJA MIKUDAGIN