týsdagur 19. mars 2019síða 21

21 Sosialurin Hugskot og viðmerkingar – send sms til 225000 Mikudagur 20. mars 2019 · Nr. 33 Tróndur Arge – Malta Ferðin til Malta og fyrsta lands­ dystin í EM 2020 undan­kapp­ ingini er byrjað. Lars Olsen, landsliðsvenjari, hevur úttikið 20 spælarar til dystirnar móti Malta og Rumenia. Tað er ein broyting í mun til upprunaliga hópin. Sonni Ragnar Nattestad, sum nú spælir í FC Fredericia í næst­ bestu deildini í Danmark, er skaddur. Í hansara stað er komin Bartal Wardum, sum er úttikin til landsliðið á fyrsta sinni, saman við mál­verja­num Karstini Hansen. Teir hava báðir spælt við U21-lands­ lið­num, men eru farnir um aldurs­markið fyri at spæla U-landsliðsfótbólt. Fyrsta venjingin gav ábendingar Í gjár, týsdagin, hevði lands­ liðið sína fyrstu venjing á Malta. Vant var á vøllinum sum Hibernians hevur sum heima­vøll. Eitt nú spældi B36 á hesum vøllinum, tá teir spældu móti Valletta fyri nøkrum árum síðani. Venjingin gav ábendingar um, at Lars Olsen ætlar at halda fast í somu spælskipan sum seinasta dyst móti Malta, sum var í november 2018. Sonni Ragnar Nattestad hevur givið av­boð og í hansara stað kemur helst Odmar Færø. Síðani sær tað út til, at Rógvi Baldvinsson verður á verju­ kenda miðvøllinum saman við Brandi Hendriksson, meðan Hallur Hansson verður meiri framrættaður. Á vengrunum verða tað Sølvi Vatnhamar í høgri og René Shaki Joensen í vinstru. Fremsti maður verður óiva Jóan Símun Edmundsson. -Eg havi sent ein part av lið­num, men enn kann nógv henda. Eg haldi vit kunnu siga, at eg havi lagt meg eftir at spæla 4-4-1-1. Vit skapa ov lítið móti teimum, tá vit spældu sein­ast og tað samanumkom, so vóru teir vandamiklari móti enda­num. Tað skal ikki henda aftur. Vit mugu verða vanda­ miklari á bóltinum, sigur Lars Olsen Annars er at leggja afturat, at veðrið á Malta er gott. Hartil letur Lars Olsen væl at venj­ ingar­umstøunum, men tað verður sagt frá regni og verri veðrið seinni í vikuni. Støðast væl á Malta Tað eru bara fýra mánaðir síðani, at føroyska landsliðið sein­ast spældi móti Malta á úti­vølli. Tað var november, har liðini spældi javnleik 1-1 í Nations League. Tí kemur einki óvart á føroyska ferðalagið, tá tað lendur á Malta mánadagin. Í Fótbóltssambandinum er tey so væl nøgd við um­støður­ nar, at ferðalagið verður ver­ andi dagin eftir dystin, áðrenn leiðin gongur víðar til Rumenia, har Føroyar spæla týs­kvøldið. Orsøkin er, at Fót­bólts­ sambandið letur væl at um­ støðunum og vektar tað hægri, enn at koma til Rumenia tveir undan dystinu. - Umstøðurnar á Malta er góðar og tað gevur eisini spælar­unum møguleika at renna av dagin eftir. Vit hava roynt tað onkuntíð fyrr og tað hevur riggað væl, sigur Kristin Dam Ziska, varaaðalskrivari hjá Fótbóltssambandinum. Ferðin byrjaði mánadagin úr Føroyum, meðan útisetarnir komu við úr Keypmannahavn, har flogið bleiv við rutuflúgvara til Malta seinnapartin. Landsdysturin móti Malta verður leygardagin, so lands­ liðið hevur góða tíð at fyrireika seg. Hitin liggur 15 til 20 stig hesa tíðina á árinum. trondur@sosialurin.fo FÓTBÓLTUR EM 2020: Vit gita: LARS HELDUR FAST Í TEIMUM SOMU Føroyska A-landsliðið hevur havt sína fyrstu venjing á Malta. Greiðar ábendingar eru um liðið, sum Lars Olsen ætlar skal takast við Malta leygardagin. Allir spælararnir eru komnir og vandu við í gjár, men Hallur Hansson og Heini Vatnsdal vandu fyriliti Karstin Hansen og Bartal Wardum eru nýggir í lands­ liðs­hópinum. Karstin Han­ sen er málverji hjá Skála, meðan Bartal Wardum er mið­verji hjá HB. Fyrrnevndi svav leingi mánamorgunin, tá hann fekk góðu boðini. -Venjarin hjá mær, Eyðun Klak­stein, skrivaði og ynskti mær til lukku við úttøkuni. Eg trúði tí ikki heilt at byrja við, sigur Karstin Hansen. Lars Olsen heldur fyri, at hetta er ein góður møgu­ leiki hjá honum og Emeka Andersen, mál­mans­venjara­ num, at hyggja nærri at unga málverjanum. Eitt sindur øðrvísi var hjá Bartali Wardum. Hann var upp­runaliga ikki úttikin, men sunnudagin eftir 1-1 javn­leikin móti NSÍ, fekk hann boð um, at hann skuldi avloysa Sonna Ragnar Natte­ stad. -Vit sótu nakrir í skifti­ rúmi­num, tá tað verður rópt á meg. Eg helt eg skuldi gera samrøðu, men bar meg undan. Fekk so at vita, at eg var úttikin til landsliðið, sigur Bartal Wardum, um løtuna, tá hann fekk boðini. Lars Olsen sigur, at tað var natúrligt at taka Bartal Ward­um við. Hann vandi við landsliðnum í november og hevur spælt við U21-lands­ liðnum. trondur@sosialurin.fo Tveir nýggir mans Gunnar Nielsen Gilli Rólantsson Sølvi Vatnhamar Odmar Færø Brandur Hendriksson Hallur Hansson Jóan Símun Edmundsson Atli Gregersen Rógvi Baldvinsson Viljormur Davidsen René Shaki Joensen