hósdagur 21. mars 2019síða 25

FRÍGGJADAGUR 22. MARS 2019 SOSIALURIN 34 25 Komandi partur Seinni partur av frásøgnini um skaðadagin í Hesti kemur um tvær vikur. Komandi partur verður um bretskan hermann, sum fekk føroyska konu, sum verður 100 ár. Eftir í bygdini vóru bara nakrir fáir eldri menn, einkjur og børn. Tó var ein ungur maður eftir, Hans Frederik Joensen, sum til­ vild­arliga ikki var heima henda dag­in. Vit vóru konfirmeraðir saman. Teir næstu mánaðirnar kom eg ofta út í Hest í samband við tey mongu skiftini, sum vóru eft­ir teir farnu. Eg kendi meg í nógv ár knýttan til menniskjuni í Hesti. Vinkonan hjá mammu kall­aðist Herdis f. Hentze. Hon var vist trímenningur mammu, og tað var úr Dalsgarði í Skálavík. Herdis átti nógv børn. Tað elsta var tá umleið 12 ára gamalt. Hetta var Jóan Petur Joensen, sum fyrst gjørdist lærari í Ålborg, og seinni gjørd­ist hann fyrsti skúlaráðgevi í Før­oyum. Herdis helt fram at taka sær av garðinum og vitanum í Hesti.“ Teir, sum fórust Tað vóru jú tvær manningar, sum fórust. Ingibjørg var kelda til lýsingina av monnunum. Í fyrra bátinum vóru hesir: 1. Esmar Poulsen f. 1873, ætt­ aður úr Kollafirði, men vaks upp á Bakka úti í Hesti. Hann fór ungur til skips við Jensi í Dali og eisini við Pola í Dali. Hann førdi skip hjá Pola, men eisini skip, sum teir áttu í felag. Honum gekk væl at fáa fisk. 1907 var seinasta árið, hann var burtur. Aftan á tað hevði hann handil og róði út. Esmar var giftur við Elisabeth Helenu f. Jacobsen f. 1867 av Selatrað. Hon hevði verið á Føroya Læraraskúla í 1887, sum var fyrsta árið, kvinnur fingu læraraprógv. Hon var lærarinna í Hesti frá 1897-1900, sama ár, sum tey giftust í Kirkjubø. Tey áttu eingi børn. Elisabeth Helena doyði í 1916 av tuberklum. Tey bæði vóru limir í teirri lítlu brøðrasamkomuni, sum var í Hesti um hesa tíðina, men sum seinni fánaði burtur aftur. Ingi­ bjørg mintist, at teir í brøðra­sam­ kom­uni í Havn komu út í Hest at halda møti. 2. og 3. Hans Poulsen í Sakra­ stovu, 46 ár, og eldri sonurin Jo­ hannes Pauli, 17 ár. Har vóru einkja, Maria, og trý børn eftir, sum vóru 14, 11 og 3 ára gomul. Hans var formaðurin á bát­ in­um og var systkinabarn pápa Ingi­bjørg. 4. Daniel Danielsen, 46 ár. Pápi Ingi­bjørg. Á seinna bátinum fórust hesir: • Jóan Jakku Zachariassen, 37 ár, var giftur við Sissal, dótt­ ur Trónd á Trøð í Skála­vík. Tey áttu ein drong, Mart­ in, sum var 4 ára gamal. Hon flutti úr Hesti aftur og setti seg niður í Skopun. Sum tann konan, Malena, mamma Jóan Jakku, gekk nógv ígjøgnum. Hon misti mannin og sonin í Bakk­anum í 1905. Hon misti aft­ur ein son við „Oliviu“ í 1912. Nú misti hon so aftur ein son, Jóan Jakku, í 1919. Hon misti tískil mann og tríggjar synir í van­lukk­um. • Jógvan Joensen, Uppi í Stovu, var 53 ár. Hann passaði eis­ini vitan í Hesti. Konan, Herd­is, og trý børn sótu eftir hann. Tey vóru 18, 13 og 8 ár. Son­urin Johannes Martin giftist við Sannu av Velbastað, dóttur Theu Malenu og Óla Olsen. Hon var sjálv bara 9 ára gom­ul, tá ið hon misti mamm­ una. Sanna var eitt álitisfólk og skilafólk. Hjá henni helt prest­ur til, tá ið hann kom út í Hest. Sanna gjørdist 94 ára gomul. Her fylgdi eisini óeydna. Abbasonur Jógvan, Jógv­an Joensen, sonur Sannu, datt oman í Hesti og doyði fyri nøkrum árum síðani. Sanna var mamma Theu, sum giftist við Carl Johansen, ser­liga kendur frá Havnar Arvbeiðsmannafelag. • Hjalgrim Hentze, keypmaður, var 33 ár. Hann var giftur við Charlottu, dóttur Zacharis Zach­ariassen, sum datt oman í 1905. Hjalgrim og Charlotta áttu eina gentu, Marta, sum var eitt ár eldri enn Ingibjørg, og ein son, Hjalgrim, sum var hálv­t­annað ár. Hann fekk navnið hjá pápanum, eftir tað, at hann var deyður. Hjalgrim giftist við Nancy, dóttur Wensil Petersen, og hann gjørdist eisini leiðari í hesi fyritøku. Her er eisini tann serliga søgan, at Hjalgrim bjóðaði sær at fara við bátinum fyri systursonin Hans Poulsen, sum annars skuldi við. Hans var bara 18 ár. Hann var komin í bátin, og Hjalgrim segði við hann: „Far tú upp aftur og lat meg fara við”. • Frants Danielsen var 19 ára gamal. Hann var sonur Onnu Sofíu og Hans Danielsen. Har vóru fleiri onnur systkin. • Sámal, sonur Klæmint Jo­ hanne­sen Norðan fyri Vegg. Hann var 17 ár. Har vóru fleiri systkin. Sámal var mammu­beiggi Jens Paula Heine­sen. • Antines Kolbjørnsen var giftur eini einkju, Kristinu. Hon hevði verið gift við Johannesi, beiggja Jóan Kristian Poulsen, hann doyði av tuberklum. Hon átti tvey børn, Hans og Fridu, við honum. Hon var tá fyri kortum gift uppaftur við Antinesi, so nú misti hon seinna mannin eisini, men Hans, sonurin, varð bjargaður av mammubeiggjanum. • Jógvan Frederik Joensen var mammubeiggi Ingibjørg. Hann var ógiftur. Hetta hevur verið ein vanlukka fyri hesa lítlu bygd, sum eingin kann ímynda sær. Ingibjørg Hansen er høvuðskelda til hesa frásøgn. Hon misti pápan skaðadagin. Hesir fórust við tí seinna bátinum Minnisvarðin í Hesti Antines Kolbjørnsen Jógvan Joensen Hjalgrim Hentze Sámal Johannesen Frants Danielsen Jóan Jakku Zachariassen Jógvan Frederik Joensen Meira kæraleika hevur eingin enn tann, at hann letur lív fyri vinir sínar. Johannes evangelium 15,13