týsdagur 26. mars 2019síða 30

Mikudagur 27. mars 2019 · Nr. 36 30 Sosialurin Hugskot og viðmerkingar – send sms til 225000 NORÐOYGGJAR BEINTA ER ÍMYNDIN AV UNG­ DÓMS­HÚSINUM Í KLAKSVÍK - Eg tími framvegis børnini og tey ungu ógvuliga væl. Tað er stuttligt og gevandi at vera saman við teimum. Vit læra tey ymiskt, og tey læra eisini okkum, sum starvast her, ymiskt. Mær dámar væl at vera við til at fáa tingini at koyra, sigur Beinta Árnadóttir Gregersen Vilmund Jacobsen Beinta Árnadóttir Gregersen, sum er í einum eitt ára verk­ ætlanarstarvi sum leiðari í Húsinum í Klaksvík og Atl­ant­ is Bio, var eisini leiðari, tá ung­ dómshúsið læt upp á fyrsta sinni í februar í 2006. Verkætlanarstarvið í ung­ dóms­húsinum hesaferð byrj­ aði hin 1. apríl í 2018 og í Atlant­ is Bio hin 1. mai í 2018. Men, alt byrjaði í hølunum, har Norðoya Banki áður helt til, og longu undan byrjanini gekk hon á odda við innrætting og uppbygging av virk­sem­in­ um, sum skuldi vera í ung­ dóms­húsinum. Skjótt gjørdist ungdóms­ húsið í Klaksvík eitt væl­um­ tókt og avhildið stað hjá teim­ um ungu at vera. Beinta Árnadóttir Greg­er­ sen fór úr hesum starvi aftur sum leiðari í 2011, men hevur altíð havt tokka til ungdóms­ húsið í Klaksvík. Pínuleyst sum tilber Tá virksemið hjá ungdóms­ hús­inum í fjør vár skuldi flyt­ ast úr hølunum í Norðoya Banka, har framúr góðar um­ støður vóru skaptar og í At­ lant­is, varð hon fyri einum ári síð­an sett í eitt verkætl­an­ar­ starv, sum nú gongur út hin 1. mai, tá væntandi verður lýst eftir nýggjum leiðara. Uppgávan hevur í fyrsta lagi verið at byggja upp karm­ arnar um nýggja ung­dóms­ húsið í Atlantis Bio, og sjálv sig­ur leiðarin, at hennara lutur í verkætlanarstarvinum ikki minst hevur verið at gera flyt­ ing­ina úr Norðoya Banka og í At­lantis so pínuleysa sum til ber. Tað er soleiðis, at ung­dóms­ húsið í Atlantis verður rikið komm­unalt, meðan bio­graf­ur­ in í Atlantis Bio verður rikin av sjálvsognarstovni, og báðar hes­ar uppgávur hevur verið ábyrgd­in hjá verkætl­anar­leið­ ar­anum, síðan hon átók sær hes­ar uppgávur. Bert á loftshæddini - Ætlanin var, at vit skuldu fáa ovastu hædd og kjallara­hædd­ ina í Atlantis til ungdómshúsið, men hølini í kjallaranum eru ongantíð vorðin klár til brúks. Á loftinum er bara tað eina stóra rúmið, har biografurin, sum er í miðhæddini, partvís sting­ur upp í loftshæddina. Tað kostar pengar at gera kjall­ ara­hæddina brúkiliga, og sum er kann kjallarin ikki brúkast sum partur av ungdóm­hús­in­ um. Beinta Árnadóttir Greger­ sen dylur ikki fyri, at tey eldru, sum eru úr 13 árum og upp til 18 ára aldur, sakna góðu um­ støðurnar, sum vóru í Norðoya Banka. Her vóru fleiri rúm, og tískil bar til at skilja virksemið sundur í ymiskar partar – alt eftir, hvørji áhugamál ung­ dóm­urin hevur. - Hesin møguleiki er ikki í At­lantis við tað, at øll lofts­ hædd­in er eitt rúm, har køkur­ in eisini er partur av stóra rúm­inum. Tað er jú stórur ald­ urs­munur á teimum 13 og ávika­vist 18 ára gomlu, og tí eru áhugamálini eisini ymisk, sig­ur verkætlanarleiðarin. Flytingin og umskipingin av ungdómshúsinum hevði leingi verið eitt ynski millum bý­ráðs­ lim­ir í Klaksvík, og her varð eitt nú hugsað um at fáa børn og ung nærri skúlanum, frí­tíð­ ar­skúlanum og ymisku frítíð­ ar­tilboðunum í býnum annars. Beinta Árnadóttir Greg­er­ sen vísir á, at við tað, at kjall­ ara­hæddin í Atlantis ongantíð er vorðin liðug, hava um­støð­ ur­nar í ungdómshúsinum eis­ ini verið avmarkaðar. Nógvar góðar løtur - Eg tími framvegis børnini og tey ungu ógvuliga væl. Tað er stuttligt og gevandi at vera saman við teimum. Vit læra tey ymiskt, og tey læra eisini okk­um, sum starvast her, ym­ iskt. Mær dámar væl at vera við til at fáa tingini at koyra, og eg haldi, at gerandisdagurin nú koyrir so nøkulunda í ung­ dóms­húsinum. Tað merkir tó ikki, at tingini ikki kunnu koyra enn betur, enn tey gera. Verk­ætlanarleiðarin dylur ikki fyri, at ungdómshúsið er hennara hjartabarn. Hon eigur nógvar og góðar løtur saman við børnunum, teimum ungu og góðu starvfólkunum, sum saman við henni hava skapt eitt stuttligt, forvitnisligt og gev­andi umhvørvi. - Her sleppa børn og ung at royna seg og menna seg, og her verða vinarbond knýtt tvørtur um ymisk áhugamál, sigur hon. Tekur nógva tíð Beinta Árnadóttir Gregersen vísir á, at nú hon hevur ábyrgd bæði av ungdómshúsinum og biografinum, hava dagarnir líka sum ikki rokkið til, tó at hon í báðum førum hevur góð fólk aftrat sær. - Sambært setanaravtaluni havi eg 30 tímar í ung­dóms­ hús­inum og 10 tímar í Atlantis Bio, men eg haldi, at hetta er ov lítið í báðum førum, um tú vilt nakað nakað veruligt við virk­seminum. Hon sigur, at biografurin veru­liga hevur tikið dik á seg, síðan Atlantis Bio eisini fekk loyvi at hava primierufilmar á skránni. - Tað er ikki nakað gullnám at reka biograf, tó at talið av fólki, sum nú koma til ymiskar film­ar, er nógv vaksið. Eg haldi, at vit hava havt eini 5.000 vitjandi fleiri enn annars hetta seinasta árið, og kortini hong­ur biografurin bara so nøku­lunda saman fíggjarliga. Beinta Árnadóttir Greg­er­ sen vísir á, at fleiri ung hjálpa til í ungdómshúsinum og fleiri hjálpa eisini til í biografinum. Tørva meira pláss - Tað er kanska eitt sindur hart at siga tað, men eg haldi, at tað var ein katastrofa, at børn og ung mistu frálíku hølini í Norðoya Banka. Hetta vóru teirra høli, og Klaksvíkar komm­una átti hølini. Her høvdu vit átta rúm á loftinum, og her vóru møguleikar til mangt ymiskt, sum børn og ung høvdu hug at fáast við. Hon vísir á, at í dag kunnu tey fegnast um, at børn og ung hava eitt stað at fara til í býnum, men hon dylur ikki fyri, at ungdómshúsinum tørv­ar meira pláss. - Við meira plássi ber eisini til at røkka ungdóminum við enn fleiri tiltøkum og soleiðis gera ungdómshúsið til eitt enn betri og áhugaverdari stað fyri børn og ung, sigur Beinta Árna­dóttir Gregersen. Sum skilst, arbeiðir Klaks­ vík­ar kommuna við at útvega Hús­inum, sum ungdómshúsið verð­ur rópt, betri hølis­viður­ skifti, og her er nú samtykt í Klaksvíkar býráði, at tey størru børnini fara at flyta í Dávavirkið. - Eg eigi nógvar og góðar løtur saman við børnunum, teimum ungu og góðu starvfólkunum. Saman hava vit skapt eitt stuttligt, forvitnisligt og gevandi umhvørvi, sigur Beinta Árnadóttir Gregersen