týsdagur 2. apríl 2019síða 22

Mikudagur 3. apríl 2019 · Nr. 39 22 Sosialurin Hugskot og viðmerkingar – send sms til 225000 Pætur Albinus Føroyski súkklarin, Torkil Veyhe, hevur seinastu vikuna súkklað við í stóru fronsku súkklukappingini, Tour de Normandie, har hann saman við fimm liðfeløgum í Riwal Readynez í stóran mun var við til at mynda kappingina. Torkil skifti fyrst í hesum árinum til Riwal Readynez, ið er sterkasta lið í Danmark og súkklar á næsthægsta stigi í Evropa, á sokallaða Europe Tour, við møguleika at fáa wildcards til World Tour-kapp­ ingar so sum Tour de France. Higartil er tað blivið til nakrar smærri kappingar, og frá mánadegnum í síðstu viku og fram til í gjár súkklaði Torkil Veyhe so sína aðru kapping við liðnum. Framúr byrjan Riwal Readynez fekk eina fram­úr byrjan upp á kapp­ ingina. Kvikasti maðurin á liðnum, Nicolai Brøchner, kom fyrstur á mál á fyrsta teininum, og hann slapp harvið at súkkla í gulu føraratroyggjuni á 2. teininum. Á øðrum teini gekst tó ikki eins væl hjá danska liðnum, tí italski Alberto Dainese frá SEG Academy Racing gjørdist fremstur og vann troyggjuna frá Nicolai Brøchner. Eftir stórt arbeiði frá Riwal Readynez vann Nicolai Brøchner gulu troyggjuna aftur á triðja teininum, men so var kvotan við hepni eftir øllum at døma uppbrúkt hjá danska liðnum, sum rann seg inn í stóra mótgongd. Á fjórða teininum fekk Nicolai Brøchner nevniliga ein skaða í knæið, sum hevði við sær, at hann mátti taka seg úr kapp­ingini. Hetta vendi fullkomiliga upp og niður upp á kappingina hjá Riwal Readynez. - Vit vistu, at tá hann mátti gevast við knæskaða, fór tað at gerast trupult hjá okkum at broyta ætlan. Vit høvdu brúkt nógva orku upp á at halda hann til, greiðir Torkil Veyhe frá. - Vit eru væl nøgdir við byrjan­ina á kappingini, og at vit megnaðu at halda Nicolai Brøch­ner til. Vit halda eisini, at vit kundu gjørt arbeiðið liðugt. Altso, at vit kundu vunnið við honum samanlagt, metir Torkil. - So alt í alt eru vit nøgdir við hvussu vit hava koyrt hesa vikuna, men vit eru vónbrotnir av at vit ikki fingu meira burtur­úr til endans, leggur hann afturat. Bæði Torkil Veyhe og aðrir hjá Riwal Readynez royndu seg við útbrotum seinastu tein­ar­nar, men teir máttu bara stað­festa, at feltið ongan áhuga hevði í at lata nakran sleppa av­stað, og at orkan á liðnum ikki var tann sama eftir góðu byrjanina upp á kappingina. Trívist væl Persónliga er Torkil Veyhe væl SÚKKLING Súkkling: TORKIL TRÍVIST VÆL Í RIWAL Eftir eina framúr byrjan í Tour de Normandie vóru Torkil Veyhe og teir í Riwal Readynez óhepnir og mistu oddamannin vegna skaða, men samanumtikið er Torkil Veyhe væl nøgdur við byrjanina á liðnum og gleðir seg til spennandi uppgávu um tríggjar vikur Torkil Veyhe sæst her ytst til høgru draga feltið aftaná sær í Tour de Normandie