mánadagur 8. apríl 2019síða 6

6 Sosialurin Hugskot og viðmerkingar – send sms til 225000 Mánadagur 8. apríl 2019 · Nr. 41 TÍÐINDI Á páskum fara 24 føroyingar á trúboðaraferð til Mull, næst størstu oynna í innaru Hebridunum í Skotlandi. Tað er felagsskapurin Atlantic Mission, sum Svenning á Lofti, Jógvan Páll Sevdal og Páll á Lakjuni stovnaðu, sum skipar fyri túrinum. Danjal av Rana Trúboðarabáturin Juvél 2 verð­ur karmur um ferðina. Bát­ur­in fer úr Føroyum sunnu­dagin 14. apríl og verður á Mull týsdagin 16. apríl. Hetta er níggjunda ferðin hjá trúboðarafelagsskapinum Atlantic Mission. Fyrsti túr­ur­ in var í 2011, tá farið var til Ler­ wick í Hetlandi. Síðani tá hev­ ur Juvél 2 vitjað fleiri ferðir í Het­landi, Orknoyggjum og Hebr­idunum og fer so í ár til Mull í Innaru Hebridunum. Tað kanska mest sermerkta við túrinum í ár er, at fleiri heilt ung eru við í ferðalagnum. Tíggju ung millum 16 og 20 ár fara í ár at brúka páskafrítíð sína at boða skotum boðskapin um Jesus. Sosialurin hitti nøk­ ur teirra úti í Hebron í Argjum, har tey vandu eitt drama, sum tey fara at framføra á túrinum. Margretha Eilersdóttir Ras­ mussen, Vár Elin Norðberg, Dagny Norðberg, Karstin Jacob­ sen, Dánjal Ósa, Benja­min Bjarna­son Fríðberg og Magni Stein­tún eru sjey av teim­um ungu, sum fara við Atl­antic Mission á túrinum til Mull. Tey sigla tó ikki við Juvél 2 suður til Skotlands, men fara við flogfarið. Á hendan hátt kunnu tey eisini gera seinastu fyri­reikingarnar og taka ímóti bát­inum, tá hann kemur til Tob­ermory. Á túrinum fara tey at halda møti, at ganga frá hurð til hurð og bjóða inn til møti, at býta traktatir út, tað eru stuttir bókl­ingar við kristna boðskap­ in­um og at práta við fólk ann­ ars, sum tey hitta, um Jesus. Tað búgva um 3.000 fólk á Mull, sum er sum Streym­oygg­ in, Eysturoy og Vágar til­sam­ ans til støddar. Størsti býurin er Tobermory, har eisini 1.500 fólk búgva. Tey hava merkt eina stóra ungdómsfráflyting, tí øll tey ungu søkja inn á meg­ in­landið at ganga í skúla og fá teirra venda heimaftur eftir lokn­an lesnað. Tískil eru sera fá ung á oynni og lutfalsliga nógv gomul. - Har eru sera, sera fá trúgv­ andi á oynni. Kanska um eini 60, sum ganga á møti í ymisku frí­kirkjunum, sigur Ruth Gaard­lykke, sum situr í nevnd­ ini í Atlantic Mission og verður við á túrinum. - Vit hava sett okkum fyri, at øll á oynni skulu fáa eina inn­bjóðing til okkara tiltøk, sigur hon. Í Hebron venja teir sjey ung­dómarnir eitt drama, ein stutt­an sjónleik, sum tey ætlað at vísa í Mull. Sjónleikurin vís­ ir kristna boðskapin, um at menn­iskjan er fallin í synd, men at Jesus tók syndina á seg og gav teimum, sum trúgva, æv­igt lív. Tey ungu siga, at tað er hes­ in boðskapurin, sum fær tey at brúka páskaferiuna til trú­boð­ an. - Seinastu boðini hjá Jesusi vóru, at vit skuldu fara út í all­ an heim og prædika evangeliið, sig­ur Margretha Eilersdóttir Ras­mussen, og fær stuðul frá fleiri av hinum. - Um vit sjálvi trúgva boð­ skap­inum, so er tað bæði rætt og gott av okkum at bera hann víðari, sigur Dánjal Ósá. Hjá flestu teirra er talan um fyrsta túrin í misjón, tó onkur hevur verið onkran stuttan túr fyrr. Higartil halda tey, at tað hevur verið læruríkt og menn­ andi, men tey gleða seg eisini at sleppa avstað. - Eg ivist ikki í, at hetta verð­ ur avbjóðandi. Tað er ikki víst, at fólk vita so nógv um Bíbli­ una og Gud, har eru so sera fá trúgv­andi á oynni, sigur Benja­ min Bjarnason Fríðberg. Sjálvi eru tey øll uppvoksin í føroysku samkomunum, flestu í Hebron á Argjum, men onk­ur í Vitninum í Hvalba. Tey halda tað vera løgið at ímynda sær, at Hebron, har stívliga 100 fólk savnast á møti sunnu­ morg­un, hevði verið nógv tann størsta samkoman á oynni. - Í onkrum av bygdunum har niðri eru bara tvey fólk, sum kalla seg trúgvandi, sigur Vár Elin Norðberg. - Vit vóna, at tá vit fara av­ stað aftur, eru tað fleiri trúgv­ andi enn tá vit komu, og gjarna fleiri ung trúgvandi, sigur Magni Steintún. Hann heldur, at tað kann vera gott hjá ung­ um at síggja, at onnur ung trúgva boðskapinum um Jes­ SKULU BANKA Á ALLAR DYR Í MULL