týsdagur 9. apríl 2019síða 34

Mikudagur 10. apríl 2019 · Nr. 42 34 Sosialurin Hugskot og viðmerkingar – send sms til 225000 Vilmund Jacobsen Sp/f BKE er entre­prenør­ fyri­tøka í Suðuroy, sum hevur maskinur og last­ bilar, og tað eru Magnus Kristensen og Bjarni Bech, sum eiga og reka fyri­tøkuna. - Vit átaka okkum allar entre­prenøruppgávur, bæði stórar og smáar, og vit plaga at siga, at einki er ov stórt og einki ov lítið, tá ræður um grevst­ ur og koyring. Tað sigur Magnus Kristen­sen. BKE arbeiðir um alt land­ið, og fyritøkan hevur eisini gjørt upp­ gávur norðanfjørðs. - Men, yvir eina longri tíð hevur so mikið nógv verið at gjørt í Suðuroy, at bæði maskinur og bilar hjá fyritøkuni hava arbeitt her suðuri, sigur leggur hann aftrat. Ymisk arbeiði Níggju mans starvast hjá BKE, og arbeitt verður fyri kommunur í Suðuroy, SEV, Føroya Tele og fyri privatkundar. - Vit arbeiða í løtuni fyri SEV á bryggjuni á Tvør­oyri, og vit arbeiða eisini aðrastaðni á Tvør­ oyri fyri el-veitaran. Magnus Kristensen sigur, at BKE eisini hevur gjørt arbeiðsvegin í Hvalba til nýggja Hvalbiar­tunnilin. - Vit stoypa bara, tá onkur minni stoyping gerst partur av onkrum arbeiði, sum vit sjálvir gera. Vit hava ikki for­ skallingar, men lána ella leiga, um vit ikki gera stoypi­formarnar sjálvir, sigur hann. Roynist væl Fyri hálvum øðrum ári síða keypti BKE eina spildur­nýggja 24 tons stóra beltamaskinu, sum var hin fyrsta av hesum merkinum í Føroyum. Maskinan er framleidd í Turka­landi, sum Føroyar júst tá høvdu gjørt handils­sáttmála við. - Nýggja maskinan, sum er av merkinum Hidro­mek, hevur riggað óføra væl. Í maskinuni er sim-kort, soleiðis at um­boðsfyritøkan, sum er í Danmark, kann logga seg inn á maskinuna og tryggja sær, at alt riggar, sum tað skal. Magnus Kristensen sigur, at um maskinan eitt nú meldar ein elektroniskan feil, so sær um­boðs­maðurin, hvat er galið. - Vit eru sera væl nøgdir við beltamaskinuna, sum tó ikki er hin størsta hjá okkum. Vit hava eisini eina aðra beltamaskinu á 25 tons, leggur hann aftrat. Útlitini eru góð Tað hevur verið nógv virksemi í Føroyum seinnu árini, og Magnus Kristen­sen heldur, at út­lit­ini frameftir eru góð. BKE hevur eisini ein sátt­mála við IRF um tyrvingar­arbeiði. - Jú, eg haldi, at tað sær bara væl út. Vit hava væl at gera fyri framman, og tað er meira bevíst, at vit bara hava hildið okkum her suðuri í longri tíð. Tað er dýrari at flyta am­ boðini norður um fjørð­in, men eru fyri­spurn­ingar um upp­gávur, hyggja vit sjálv­sagt upp á tær. Magnus Kristensen vísir á, at um privatfólk, feløg, stovnar ella kom­ mun­ur hava eitt hvørt, sum skal gravast ella koyrast, er hann at hitta á tlf. 239820. vilmund@sosialurin.fo Úr Týsklandi og Danmark á føroyskan ítróttaháskúla BKE ÚR AT GERA Í SUÐUROY - Føroyingar siga ofta at tað gongur nokk, siga Elsa og Anna, sum ganga á Ítróttaháskúlanum í Suðuroynni. Tær fegnast um møguleikan at uppliva Føroyar, og at menna seg, og bjóða sær sjálvum av Dagfinn Olsen Elsa Tell er úr Týsk­landi, og Anna Wulff er úr Danmark. Tær eru næm­ ing­ar á Ítrótta­há­skúla­ num í Suður­oynni, og báðar eru hálv­før­oyskar. -Vit hava báðar før­ oyskar mammur, siga tær báðar á góðum før­ oyskum, tí tær duga væl málið, og viðganga, at tað er ikki vorðið verri, nú tær veruliga fáa roynt seg millum føroyingar. Tveir aðrir næmingar eru eisini komnir lang­ vegis, har tann eini er úr Portugal og hin er úr Danmark. Á WC og endaði í Føroyum Hóast tær hava ættar­ bond til Føroya, og hava vitjað nokkso javnan, so er forvitnisligt at frætta, hvussu tað ber til, at tær eru komnar til Føroya á ítróttaháskúla. -Eg hevði hugsað um at fara til Føroya í eitt ár. So hoyrdi eg familjuna tosa um Ítróttaháskúlan. Eg helt tað ljóðaði for­vitnis­ ligt, og hetta er eisini sera gott, sigur Elsa. Hjá Onnu er søgan eitt sindur øðrvísi. -Eg var til eina kon­ firma­tión í familjuni. Eg fór á WC, og tá eg skuldi inn aftur, helt pápi mín røðu, so eg valdi at bíða í hurðini. Har stóð ein kona, og vit fullu í prát. Hon nevndi hendan skúl­an, og eg fór seinni at kanna, hvat hetta var fyri nakað, sigur Anna, sum eisini trívist væl á skúla­num. Elsa og Anna eru samdar um, at tað tær høvdu væntað, er nøku­ lunda tað, ið tær hava upplivað á skúla­num. - Men enn er skeiðið ikki liðugt, so enn er ymiskt eftir at uppliva, siga tær báðar. Tær hava javnan vitjað í Føroyum um jóltíðir ella á summri. - Men hetta er øðrvísi, enn at vitja ommur, abbar og familju. Tað er gott, men nú uppliva vit Føroyar á ein annan hátt, og aðrar árstíðir, siga tær báðar, sum t.d. longu hava sær fyrstu smá­ lomb­ini. - At koma í hugnaligu smátt­urnar á kvøldi er so hugnaligt. Vit práta og spæla spøl, og saman­ haldið er gott, siga Elsa og Anna, sum ætla sær heim aftur at arbeiða, kanska at fjakka, og síðani at lesa eitthvørt. Tað gongur nokk Tær báðar viðganaga, at tað er øðrvísi at ferðast í føroysku náttúrini, í mun til tað, tær eru vanar við heima. - Ferðin niðan á Borgar­knapp í vindi og kava stendur eftir í minni­num, sigur Anna, ið til tíðir kendi hetta sera av­bjóð­andi, men sum við­gongur, at hetta er stutt­ligt at minnast á nú, og at hetta er ein partur av ætlanini við at koma til Føroya; hetta at bjóða sær sjálvum av. - Í Føroyum er alt so friða­ligt og róligt. Tað er øðrvísi, og eisini gott. Og ofta spontant. Og ofta verður sagt, at tað gongur nokk!, sigur Elsa, ið hevur lagt hetta fyribrigdið til merkis í føroysku mentan­ini. Elsa og Anna siga, at tær viðmæla øðrum at royna Ítróttaháskúlan í Suður­oynni. - Tað er gott at bjóða sær sjálvum av, og tó at ein onkutíð kann gerast eitt sindur bangin, so er ein glaður aftaná. Og enn hava vit ikki roynt alt, siga tær báðar. Vit hava t.d. enn ikki roynt tað, ið verður nevnt 15 tíma race, og vit gleða okkum at vita, hvussu vit tá fara at klára ymsu støðurnar, so hvørt sum tímar­nir ganga, siga Elsa Tell og Anna Wulff. dagfinn@sosialurin.fo - Tað sær bara væl út frameftir. Vit hava væl at gera, og tað er meira bevíst, at vit bara hava hildið okkum her suðuri í longri tíð, sigur Magnus Kristensen SUÐUROY Elsa Tell úr Týsklandi og Anna Wulff úr Danmark trívast væl á Ítróttaháskúlanum í Suðuroynni. Elsa og Anna hava føroyskar mammur. Á hesum skeiðinum eru 4 útlendingar Hetta er 24 tons stóra beltamaskinan, sum Sp/f BKE keypti fyri hálvum øðrum ári síðan