týsdagur 9. apríl 2019síða 33

33 Sosialurin Hugskot og viðmerkingar – send sms til 225000 Mikudagur 10. apríl 2019 · Nr. 42 EIN ARBEIÐSVIKA KANN GERAST TIL 100 TÍMAR Vilmund Jacobsen Hans Olaf Johannesen eigur og rekur Bakaríið hjá Hans Olaf á Tvøroyri. Henda fríggja­morgun­ in, Sosialurin var og vitjaði, hevði hann staðið síðan tíðiga náttina fyri. Makk­arin hjá honum, sum eisini er bakari, var farin til Danmarkar, og tískil var hann einsa­ mallur á bakarínum. Men, lagið var gott, tá vit trinu inn á gólvið, og bakarin var bæði blíður og týður. Klárt til næsta bakstur Hesa løtu stóð Hans Olaf Johannesen og gjørdi klárt til næsta bakstur. Ein partur av at vera bakari, er eisini at gera klárt til næsta dag, sum verður næstu nátt og tíð­ liga næsta morgun. - Eg eri liðugur at baka til dagin í dag, og nú geri eg klárt til næstu nátt. Vit baka breyð, ymiskar bollar og wiernarbreyð til alla Suðuroynna. Køkur gera vit ikki longur, tí stundir eru ikki til tess. Køkur­ nar lata vit hin bakar­an í grannalagnum um. Hans Olaf Johannesen sigur, at tað, sum hann nú stendur og ger klárt, fer inn í kuldarúmið, har alt verður kølt niður, og síðan stendur deiggið niður­kølt til á midnátt í kvøld. - Um midnáttarleitið verður skipað so fyri, at hitin veksur spakuliga aftur, til hann at enda er kom­in upp á 30 stig, og tá er klokkan umleið 04. Bakarin sigur, at tað eru bara drýlarnir, sum verða eltir og fara beint í ovnin. Á stóra stálborðinum, tá vit vitjaðu, hevði Hans Olaf Johannesen eitt nú deiggj til sjokulátubollar, rosinubollar, og her var eisini deiggj til kanel­ breyð. Byrjaði í Porkeri Hans Olaf Johannesen lærdi til bakara og kon­ ditt­ara í Vági, og hann varð liðugur at læra í 1994. Eftir at hava arbeitt sum bakari í Danmark í nøkur ár, byrjaði hann fyri seg sjálvum í Porkeri í 1999. Í 2005 keypti hann eisini bakaríið hjá Odduri Dimon á Tvøroyri, og ár­ ini 1999 til 2012 hevði hann bakarí bæði í Pork­ eri og Tvøroyri. - Í 2012 gjørdi eg av at steingja í Porkeri og byggja uppí á Tvøroyri, og tá fekk eg eisini fryst­ arí og nýggjar ovnar. Eftir­spurningurin eftir bakstri var vorðin so mik­ ið stórur, at eg kundi ikki lata aftur í Porkeri, fyrr enn eg hevði vaksið um kapasitetin á Tvøroyri. Hans Olaf Johannesen sigur, at tað hevur gingið væl við bakarínum síðan byrjan – undantikið eini tvey ár í fíggjarkreppuni, sum rakti, men tá vóru eisini fýra bakarí í Suðuroynni. Long arbeiðsvika At vera bakari er ikki ein arbeiðsdagur frá klokk­ an 08 til 16, sum hjá so mongum øðrum, ið ar­ beiða vanligan dag uppi á landi. - Tá tú rekur bakarí, noyðist tú at arbeiða flestu dagar í árinum. Tað eru bara einir fimm dagar um árið, har ikki verður bak­að. Dagarnir eru langi fríggjadagur, páskadagur, ólavsøkudagur, jóladagur og nýggjársdagur. Allar hinar dagarnar í árinum verður bakað. Hans Olaf Johannesen sigur, at hann í nakrar mán­aðir hevur arbeitt 13 dagar út í eitt, og síðan hevur hann havt ein frí­ dag. Makkarin hjá hon­ um, sum henda dagin, vit vitjaðu, var í Danmark, ar­beiðir 10 dagar út í eitt, og síðan hevur hann fýra frí­dagar. - Makkarin hevur sjálv­ ur valt eina slíka skipan, leggur hann aftrat. Fryntligi bakarin á Tvør­oyri sigur, at soleiðis, sum hann arbeiðir beint í løtuni, kann ein arbeiðs­ vika skjótt gerast til 100 tímar. - Mær dámar væl at arbeiða sum bakari, og tí skal eg heldur ikki klaga, sigur Hans Olaf Johanne­ sen. - Tað hevur gingið væl við bakarínum síðan byrjan – undantikið eini tvey ár í fíggjarkreppuni, sum rakti, sigur Hans Olaf Johannesen SUÐUROY - Soleiðis, sum eg arbeiði beint í løtuni, kann ein arbeiðsvika skjótt gerast til 100 tímar, sigur Hans Olaf Johannesen