hósdagur 11. apríl 2019síða 7

FRÍGGJADAGUR 12. APRÍL 2019 SOSIALURIN 43 7 Umhugsin Nærverandi Ítøkiligur MIÐFLOKKURIN SJÁLVANDI hvørt vikuskifti í Sosialinum www.midflokkurin.fo MIÐFLOKKURIN KARSTEN HANSEN, Klaksvík Landsstýrismaður í fíggjarmálum 1998 – 2004 og 2008 Landsstýrismaður í heilsumálum 2011 – 2015 Løgtingsmaður 2004 – 2011 Frá ungum árum havi eg verið virkin í Tjóðveldisflokkinum. At føroy­ ing ar ráða í egnum landi og taka avgerðir um øll viðurskiftir, sum hava við okkum sjálvi at gera, er fyri mær sjálvsagt. At taka ábyrgd fyri egn­ um lívi og fyri egnum landi er eisini ein sannføring, sum kemur við míni kristnu trúgv. Tí frá barnaárum havi eg lært, at eg sjálvur standi til ábyrgd fyri mínum Guði. Í 2006 var tað eisini mín kristna sannføring, sum gjørdi, at eg mátti skifta flokk og fara í Miðflokkin. Tíverri eru kristnu virðini, sum eru so týð andi fyri okkara samfelag, undir trýsti frá fleiri síðum. Og í 2006 fór kavabólturin veruliga á rull við broytingini í § 266b í revsilógini. Síðani tá er ein lógarbroyting fyri og onnur eftir samtykt, sum í mínum eyg­ um eru í beinleiðis stríð við Skriftina. Í roynd og veru fer eitt siðaskifti fram, har okkara samfelag við rúkandi ferð flytir seg frá kristna grundvøllinum, sum fyri mær at síggja er besta og einasta trygga grundarlagið undir okkara nútíð og framtíð. Vit eru sera bláoygd, um vit halda, at broytingarnar í hjúnabandslógini, lóg um løgfrøðisligt kynsskifti og mangar aðrar líknandi lógir ikki fara at hava avleiðingar fyri okkara samfelag. Vraka vit tey felags virðir og tær felags samtyktir, sum hava verið galdandi, fara vit samstundis at vraka teir felags ágóðar, hesi virði og samtyktir hava givið okkum. Okkara vælferðarsamfelag hevur í roynd og veru sín uppruna í kristna lívs­ og menniskjasýninum. Vælferðarsamfelagið byggir á samhaldsfasta hugsan, har tey sterku lyfta tey veiku, sum er ein meginregla í kristnu læruni. Skúgva vit kristna grundarlagið til viks, fer samhaldsfestið eis­ ini at víkja og svíkja. Úrslitið er ein heimur, har hvør sættar sær og har EG­hugburðurin vinnur á HINI­hugburðinum. Og júst EG­hugburðurin er frammalaga í dagsins samfelagi, har smáir minnilutabólkar seta krøv til alt samfelagið og lóggávumyndugleikan fyri at møta teirra per són­ ligu ynskjum. Komandi val fer at hava stóran týdning, um tað skal bera til at venda skeivu gongdini. Vangamynd Trolbátarnir hava rokfiskað vestanfyri - Vit høvdu vónir um, at i-kassin fór at roynast í ár, og tí hava eisini fimm mans – í staðin fyri fýra – verið umborð á Skálafossi hesa seinastu tíðina, sigur Dánjal í Skálum, reiðari á Skálafossi, sum fegnast um góðu gongdina hjá teimum smáu trolbátunum VILMUND JACOBSEN T að hevur gingið óføra væl hjá teim­um smáu trolbátunum, síð­ an sonevndi i-kassin læt upp vest­an fyri Mykines hin 2. apríl í ár. Ein av trolbátunum, sum hevur gjørt tað rættiliga væl hesar seinastu dagarnar, er Skálafossur úr Vestmanna. Dánjal í Skálum er reiðari, og tað er son­ urin, Bjarni í Skálum, sum er skipari á flestu túrum. Hesar seinastu tíggju dagarnar hava teir nevniliga fiskað heili 186.000 pund, sum er besta veiðan hjá trolbátinum nakrantíð. Góðir túrar - Jú, tað hevur gingið óføra væl hesar sein­ astu dagarnar, og Skálafossur hevur higartil gjørt tríggjar góðar túrar í i-kassanum, sig­ ur reiðarin, Dánjal í Skálum.  Hann vísir á, at hin fyrsti túrurin, har teir fiskaðu í einar 20 tímar, gav umleið 55.000 pund og hin næsti, har teir fiskaðu í um­leið eitt samdøgur, gav 61.000 pund. Hesin triði og seinasti túrurin higartil gjørdist tó hin besti í nøgd, tó at teir júst henda túrin drógust við ymiskar trupul­ leikar, har eitt nú lemmur slitnaði úr weir­ in­um. Reiðarin sigur, at Skálafossur hendan sein­asta túrin av trimum var á fiskileið í hálvt fjórða samdøgur, og veiðan vá 70.000 pund. Teir fóru nýggjan túr aftur miku­ morg­unin, og enn einaferð eru teir farnir vest­ur í i-kassan. Fleiri vánalig ár Árini 2017 og 2018 royndust rímiliga væl hjá trolbátunum, men tey umleið 10 árini frammanundan vóru vánalig. - Vit skulu heilt aftur til árið 2006, sum eisini royndist væl. Síðan broyttist gongdin aftur fyri umleið tveimum árum síðan. Dánjal í Skálum sigur, at toskurin, sum Skálafossur hevur fingið í i-kassanum hig­ ar­til, hevur verið væl størri enn toskurin, teir fingu í kassanum undanfarnu tvey árini. - Vit høvdu vónir um, at i-kassin fór at roynast í ár, og tí hava eisini fimm mans – í staðin fyri fýra – verið umborð á Skála­fossi hesa seinastu tíðina, sigur reiðarin í Vest­ manna, sum fegnast um góðu gongdina hjá teim­um smáu trolbátunum í løtuni.