hósdagur 11. apríl 2019síða 8

FRÍGGJADAGUR 12. APRÍL 2019 SOSIALURIN 43 8 PÆTUR HJALMAR EVENSSON 85 ára gamla Vígdis Sig­munds­ dóttir er roynd og viðurkend lista­kvinna í Føroyum. Hon er fødd og uppvaksin á Tvøroyri, men flutti til Havnar sum fimm ára gomul. Síðan hon var smá­ genta hevur hon teknað og málað, og tað kreativa hevur altíð ligið henni nær. Hon hevur í sínum vaksna lívi fingist við akvarellir, olju og pastellir. Men tey síðstu nógvu árini hevur hon gjørt pappírklipp burturav, har hon fær íblástur frá føroysku náttúruni og kvæðaheiminum. Vígdis Sigmundsdóttir er út­ búgvin sjúkrasystur og hevur búð í Danmark í nógv ár, har hon starvaðist sum sjúkrasystur í Randers. Hennara hugur til tað kreativa fekk hana nøkur ár seinni at nema sær útbúgving sum innanduraarkitektur í Keyp­mannahavn, og lærdómin og royndirnar herfrá hevur hon gagnnýt nógv í sínari list. Vígdis flutti heim til Føroya í 1983, tá hon gjørdist einkja, og tá fór hon at arbeiða á Lands­ sjúkrahúsinum. Í dag býr hon aftur á Tvøroyri, har hon hevur úr at gera við at for­djúpa seg í sínum litríku pappír­klippum, tá hon ikki dansar føroyskan dans ella hevur onkra aðra verkætlan á skrá. Vígdis dugir at fáa tað besta burturúr hvørjari løtu og keðir seg í øllum førum ikki. Men keðsemi er hon heldur ikki von við, tí hon hevur havt eitt spenn­andi og hendingaríkt lív. Ormurin Langi byrjaði í SMS Vígdis Sigmundsdóttir minnist við einum smíli aftur á, tá hon einaferð bleiv bjóðað til Noregs at hava framsýning. Tað var í sam­bandi við hesa fram­sýn­ ingina, at hon av fyrstan tíð fór undir at brúka kvæðaheimin sum motiv fyri síni pappírklipp. Tað byrjaði í roynd og veru í SMS. Har stóð norska lista­ kvinn­an Berit Fidjestøl og greiddi kassadamuni frá, at hon mál­aði akvarell, og tí ætlaði hon at keypa onkrar bakkar, sum hon kundi brúka til at blanda litirnar í. - Kassadaman sá út sum eitt stórt spurnartekin. Tá tey høvdu staðið har eina løtu, prik­ aði eg hana á ryggin og segði, at eg eisini málaði akvarell. Eg for­taldi henni, at eg bara brúkti ístern­inga­bakkar at blanda í. Vit fullu í prát, og tað endaði við, at eg vísti henni runt í Kirkju­bø, Listaskálanum og vísti henni alt tað mentanarliga, sum nú einaferð var at síggja her um leiðir, greiðir Vígdis Sig­munds­ dóttir frá. Tær báðar blivu so øgiliga væl. Tá Berit Fidjestøl so skuldi hava fram­sýning í Smiðjuni í Lítluvík, spurdi norska listakvinnan, um Vígdis ikki hevði hug at sýna fram við sær. Tað var gaman í, og tað gekk stak væl. - Hon spurdi, um eg tímdi við henni til Noregs at hava fram­sýning. Eg hugsaði við mær sjálvari, hvat eg skuldi gera í Noregi, men so kom eg í tankar um, at eg kundi gera eina myndaseriu av Orminum Langa, tí tað jú er eitt norskt drama, fortelur Vígdis, sum setti sær fyri at gera 12 klipp av hæddar­ punkt­unum í eyðkendu kvæða­ søguni. - Eg segði við Berit, at fram­ sýningin mátti bíða til um tvey ella trý ár, tí tað fór at taka langa tíð at gera hesi pappírklippini av Orminum Langa. So fór Vígdis til Noregs Tá Vígdis kom undir land við verk­unum av Orminum Langa, bílegði norska listakvinnan langt um leingi eitt høli í norska mentan­arbýnum Førde í 2006. Tá fór Vígdis úr Føroyum við øll­um myndunum av Orminum Langa við Norrønu, sum tá sigldi til Bergen, sum er nærindis vakra býin Førde, har tær skuldu sýna fram. - Tá eg kom uppá pláss, varð sagt við meg, at “ordstyreren” skuldi lata framsýningina upp. Eg ánaði ikki hvør “orðstýrarin” var. Men tað var eftir øllum at døma borgarstjórin í Førde. Hann bjóðaði vælkomin og hevði gjørt eina yrking til mín, tí eg var komin so langt burturi frá, flennir fryntliga Vígdis, sum eisini fekk eitt stórt blómutyssi frá borgarstjóranum. Ormurin Langiumsettur til norskt Vígdis Sigmundsdóttir hevði fram­sýning í trimum støðum í Noregi hendan túrin. Til síðstu fram­sýningina minnist hon serliga: - Fyrireikararnir høvdu fingið ein norðmann at kvøða tey fyrstu 10 ørindini av Orminum Langa á norskum. Hann hevði eftir øllum at døma verið nógv saman við føroyskum student­um í Keypmannahavn, sum kvøddu Ormin Langa. Tá hann hoyrdi um handlingina í kvæðnum, fór hann undir at um­ seta kvæðið til føroyskt. So hann kvað á norskum fyri okkum, og har vóru eisini komnir nakrir føroyingar úr Danmark at PERSÓNSSØGA: Vígdis Sigmundsdóttir Ein aktiv kvinna: TÁ VÍGDIS SÝNDI FRAM Í NOREGI OG ÍSLANDI - Eg veit ikki, hvar eg fái orkuna frá. Eg livi eitt sunt lív, sigur 85 ára gamla listakvinnan Vígdis Sigmundsdóttir