mánadagur 15. apríl 2019síða 8

8 Sosialurin Hugskot og viðmerkingar – send sms til 225000 Mánadagur 15. apríl 2019 · Nr. 44 Seinasta hósdag hevði Sunda kommuna vitjan av Jakob Færch frá Lokale-og Anlægsfonden - eisini nevndur LOA-grunnurin. Petur Mohr Dam reistur á várdøgum í Skopun Á várdøgum, sum verða í Skopun í næstum, verða fleiri forvitnislig tiltøk, og millum hesi verður avdúkingin av nýggjari standmynd Vilmund Jacobsen Várdagar verða í Skopun viku­ skiftið, 26. apríl til og við 28. apríl, og her verður nógv ym­ iskt og forvitnisligt á skrá. Til­ tøk­ini byrja seinnapartin fríggja­dagin klokkan 16, tá Før­oya Grótvirki fer at hava opið og fer at bjóða kaffi og ný­bakaðar vaflur. Á Føroya Grótvirki verður opið til klokkan 19, tá haldið byrj­ar í Skopunar skúla við eitt nú tiltakinum “Syngið við” og fyrilestrum, sum Jens Mari­ us Hentze, Kathrina Joensen og Fríðhild Winther fara at halda. Tað verður borgarstjórin, Ger­hard Lognberg, sum fer at bjóða vælkomin, og her verður eisini matur í kantinuni, sum Óluvá Jensen fer at taka sær av. Tiltakið í Skopunar skúla varar heilt til klokkan 23. Leygardagin klokkan 10 verð­ ur bjóðað til morgunmat í Vón, og klokkan 11 lata ymisk støð í bygdini upp, har eisini verð­ur høvi at fáa ein kaffimunn. Millum tey støð, sum verða opin frá klokkan 11 leygar­morg­ unin, verða Ludda hús, Alex­ and­ursa hús, Gamla dansi­stov­ an, Ítrivslonin, Undir­húsið og skrivstovan hjá komm­ununi. Avdúka standmynd Klokkan 14 leygardagin verður standmyndin av Peturi Mohr Dam avdúkað, og tá letur eisini Neystið upp. Tað verður Fríð­ hild Winther, sum fer at bjóða væl­komin, og Gerhard Logn­ berg, borgarstjóri og Rigmor Dam, løgtingskvinna, fara at halda røður við høvið. Leygardagin klokkan 15 let­ ur økið við Skopunar skúla upp, og her verða hoppiborgir, spøl, grillaðar pylsur – og Bubu. Búfólk á Skerinum fara at skipa fyri loppumarknaði, og á økinum við heimið verður eis­ ini ponyríðing. Í tímunum frá klokkan 16 til 19 leygardagin verður for­ vitnis­ligt tiltak á Føroya Grót­ virki, har slaktarin hjá FK í Hoy­vík fer at grilla ræst lambs-og neytakjøt. Leygarkvøldið verður veitsla í Samljóði, har ymisk verð­ur á skrá, og eitt nú fer Bill Just­in­ us­sen at undirhalda. Skráin fyri leygarkvøldið end­ar við dansi, sum byrjar á mid­nátt, og her fara Georg Eyst­aná og onnur at spæla, og her verður væntandi hildið á til langt út á náttina. Várdagar í Skopun enda sunnu­dagin við sangmøti í Missións­húsinum klokkan 18. - Øll eru hjartaliga væl­kom­ in til várdagar, og alt er ókeyp­ is, siga tey í Skopunar komm­ unu. Vártiltak og bátar á Toftum Vilmund Jacobsen Bátafestivalurin á Toftum, sum nú hevur fleiri ár á baki, hevur verið hildin fyrsta vikuskifti í mai, og soleiðis verður aftur ár. Várdagarnir, sum eru teir sættu í røðini í Nes kommunu, verða eisini í ár í vikuni undan báta­festi­ val­inum, nevniliga í døg­ un­um 27. apríl til 4. mai. Ársins fyrsti báta­festi­ val­ur, sum tann á Toftum er, verður hin 15. í røðini, og hann verður leygardagin 4. mai. - Várdagar og bátafesti­ val­ur eru fólkslig tiltøk fyri øll, og øll eru hjartaliga væl­komin, siga tey í Nes komm­unu. FÓLKATAL: Fólkatalið í Fuglafjarðar kommunu, sum umframt Fuglafjørð eisini fevnir um Kambsdal og Hellurnar, er nú komið upp á 1.565. So høgt hevur fólkatalið ikki verið seinastu 12 árini. 85 metrar í Rókina Nú er bara ein góður hálvur kilometur eftir at bora og spreingja í Eysturoyartunlinum tilsamans Vilmund Jacobsen Í síðstu viku løgdu tunnils­lið­ ini hjá NCC tilsamans 137 metr­ar aftur um seg í Eyst­ur­ oy­artunlinum. Tað merkir, at nú eru bert 85 metrar eftir, til tað ”brýtur” fyri nev í Rókini í Saltnesi, og millum boriliðini undir Tanga­firði eru nú bert 445 metr­ar eftir, til liðini kunnu taka í hondina á hvørjum øðr­um. Samlaða metratalið, sum er eftir at bora og spreingja í allari tunnilsverkætlanini, er 530 – ella stívliga ein hálvur kilometur.