týsdagur 23. apríl 2019síða 4

Mikudagur 24. apríl 2019 · Nr. 46 4 Sosialurin Hugskot og viðmerkingar – send sms til 225000 TÍÐINDI Vannvird av býráðnum – Annika Olsen hevði boðað frá, at hon ikki vildi taka móti teimum gott 2000 mótmælisundirskriftunum frá okkum. Men nú hevur hon hálsað um og er komin til fornuft. Tað eri eg glaður fyri, sigur Høgni Lützen, ið mótmælir staðsetingina av tjóðleikhúsi á Skálatrøð Frants Jensen frants@sosialurin.fo Skjótt eftir at ætlanirnar komu fram um at staðseta tjóð­leikhúsið á Skálatrøð, tók Høgni Lützen stig til at savna inn undirskriftir at mótmæla ætlanini. Og nú táttar tað í 2.100 mótmælisundirskriftir. Borgarstjórin vildi ikki móttaka Men borgarstjorin í Havn vildi ikki taka ímóti undir­skrift­un­ um. – Tað, at Annika Olsen, sum skrivliga, hvassligt hevur boðað mær frá, at hon ikki vil mót­taka hesar undirskriftir frá mær, tá eg komi niðan í bý­ ráðs­húsið við teimum, og Gun­ vør Balle, sum vegna Høgna Hoy­dal, fastheldur at fáa tjóð­ leikhús á Skálatrøð fyri ein­ hvønn prís, velja at yvirsíggja henda stóra bólk av fólki, ið staðiliga mótmæla hesa stað­ seting. Tað sigur meira um tær enn nakað annað, skrivaði Høgni Lützen í lesarabrævi á in.fo. Og hann skrivaði víðari: – Hetta mál hevur stóran týdning fyri meg, og eg veit, at eg havi stóran stuðul frá fólki at halda á við hesum stríði til meirilutin í Tórshavnar Býráð skilur álvaran og flytur stað­ setingina av tjóðleikhúsi, sigur Høgni. Skuffaður av borgarstjóranum – Eg eri sera skuffaður av Tórs­ havnar býráð. Virðingin hevur verið undir alt lágmark, sigur Høgni. Nú Annika hevur broytt støðu og vil taka ímóti mót­ mælisundirskriftunum, so ætlar Høgni at fara til býráðið við undirskriftunum. –  Eg hevði ætlað at farið kortini. Eg kundi jú altíð tikið ein lásasmið við mær, so høvdu vit sloppið inn við und­ ir­skriftunum, sjálvt um vit vórðu óynskt. Eg vænti tó, at eg vil bíða eina ella tvær vikur, tí undirskriftirnar streyma enn inn, og so ynski eg at hava eitt ítøkiligt uppskot við mær, hvussu vit kunnu loysa park­ eringstrupulleikan. Veruleikafjart og vanvirðisligt Hann vísir á, forarbeiðið til upp­skotið er alt ov illa gjørt. – Grannahoyringar hava ikki verið, málið er ov illa lýst og óneyvt, og so er eingin loysn komin upp á tey 200 park­ eringsplássini, sum vera burt­ ur, um ætlanin við tjóð­leik­húsi á Skálatrøð verður veru­leiki. Tað er ein stórur park­erings­ trupulleiki í dag í Havn, og um hetta verður veruleiki, so verð­ ur fullkomin ruðuleiki. Hetta er veruleikafjart, sigur Høgni. – Eg haldi at tað er van­ virðisligt, at nakrir fáir polit­ik­ ararnir royna at trýsta nakað ígjøgnum fyri at fáa ein varða eftir seg, men at teir ikki lurta eftir øllum hesum mongu mót­ mælunum, sigur Høgni. Vil Havnini og mentanini væl Síðani hann fór at savna mót­ mælisundirskriftir inn ímóti at byggja nýtt tjóðleikhús á Skálatrøð, er hann lagdur und­ ir at vera mentanarhatari og ikki at vilja Havnini væl. Men hes­um afturvísir hann. – Eg eri havnamaður, og eg elski mentan. Og eg vil Havnini væl. Tað er ætlaða staðsetingin á Skálatrøð, sum eg og fleiri við mær mótmæla harðliga. Skálatrøð er ikki rættað staðið til eitt tjóðleikhús, sigur Høgni. Hann afturvísir eisini, at or­ søkin til mótmælini er, at hans­ara handilsfyritøka fer at missa inntøkur, um eitt tjóð­ leikhúshús verður bygt beint frammanfyri handilsdyrnar hjá honum. – Nei, tað er einki við tað at gera. Parkeringsplássini, sum hoyra til handilsfyritøkuna, fáa tey einki gjørt við. Tey eiga vit. Eg vil Havnini, Skálatrøð og einum tjóðleikhúsi væl. Og eg haldi avgjørt ikki, at rætta staðið er Skálatrøð, sigur hann. Ketan loypur av Hann vísir eisini á, at nærm­ asta busssteðgistaðið er í Steina­ túni, og tað er alt ov langt burtur frá ætlaða tjóðleik­hús­ inum. Hann vísir eisini á, at um bussruturnar verða broytt­ ar, so eru vegirnir í Vágsbotni sera trongir, og illa ber til hjá bussum og stórum bilum at kom til og frá. Hann vísir eisini á, at tann ætlanin, ið er løgd fram um tjóðleikhús á Skálatrøð setir krav um minst 136 parkerings­ pláss, men tað er ikki loyst í verandi ætlan og tekningum. – Tosað hevur verið um, at fáa eitt umleið 6.000 fermetrar stórt parkeringshús. Men tað tekur bara 119 bilar, og longu her loypur ketan av. Tosað verður eisini um at fáa park­ eringspláss undir jørð. Eg havi tosað við fólk, ið kenna til hetta, og tey siga, at tað fer at kosta nógvar, nógvar hundrað­ tals milliónir, um tað verður gjørt. Tað er ørskapur, sigur Høgni. – Tað er altíð kapping um tey 200 parkeringsplássini, sum eru á Skálatrøð í dag. Og tá ið jarðarferðir eru frá Havn­ ar kirkju ella Ebenezer, so er ein ruðuleiki við parkering. Loysa parkeringstrupulleikan Høgni hevur gjørt sær nakrar tankar um, hvussu parker­ings­ trupulleikin í Havn kann vera loystur. – Eg haldi ikki, at Skálatrøð er so vakurt í dag við eini bilpark. Eg meini tað var Gunn­ar Hoydal, sum einaferð kom við einum uppskoti, at broyta linjurnar við parkering á Skálatrøð. So høvdu eini 80 parkeringspláss komið afturat. Eg hugsi eisini at tað hevði borið til at gjørt eitt snøgt parkeringshús niðan móti berg­inum. Eitt snøgt sum pass­aði inn í landslagið. So skuldi kanska eisini verið plantað eitt sindur, eitt lítið spæli­pláss verið gjørt, sum skapti hugna. Við hesum kundu vit kanska loyst park­er­ ings­trupulleikan í Havnini, sig­ur Høgni Lützen. – Øll eru vælkomin at mótmæla Í fyrsta umfari noktaði Annika Olsen at taka móti gott 2.000 mótmælis­ undir­skriftum. Men nú sigur hon, at sjálvandi eru øll vælkomin at mótmæla. Frants Jensen frants@sosialurin.fo – Sjálvandi vil eg taka ímóti. Øll skulu altíð vera vælkomin at siga sína hugsan, sigur Ann­ika Olsen. Men hví fekk Høgni Lützen so onnur boð frá henni. – Tað var ein serlig støða, har eg var sera skuffað av hon­um, tí hann legði onnur orð í mín munn, sum eg als ikki eg hevði sagt. Eg havi ikki sagt nakað um, at kommunan ikki fór at útvega onnur park­ eringspláss, sigur Annika. Parkeringstunnil Hon vísir á, at kommunan arbeiðir við at finna loysnir upp á parkeringstrupulleikan. – Vit arbeiða við einum upp­skot til parkeringstunnili. Ymiskar forkanningar mugu gerast av fakfólki, og tí ber ikki ikki til at staðseta enn, hvar hann verður. Vit síggja tað í øðrum býum úti í heimi, at ferðslutrupulleikar verða loyst­ir undir jørð, og tað mugu vit eisini kanna í Før­oy­ um, sigur Annika. – Parkeringstrupulleikin í Havn má loysast fyrst, áðrenn vit møguliga fara at taka fleiri av teimum parkering­pláss­un­ um, ið eru, sigur Annika Ol­ sen. Staðsetingin tætt við sjógvin Viðvíkjandi staðsetingini av tjóðleikhúsinum, heldur Ann­ ika, at tað skal standa tætt við sjógv­in. – Tá ið vit hyggja eftir øðr­ um londum, so síggja vit at líkn­andi bygningar verða stað­settir tætt við sjógvin. Gamla býráðið kom við upp­ skot­inum til staðsetingina á Skála­trøð í 2014. Og tað er bara arbeitt víðari út frá tí. – Vit mugu hugsa 50 ár fram í tíðina, og ikki stara okk­um blind í ein park­er­ings­ trupul­leika her og nú, sigur Ann­ika Olsen. Tað er ætlaða staðsetingin á Skálatrøð, sum eg og fleiri við mær mótmæla harðliga, sigur Høgni Lützen