týsdagur 23. apríl 2019síða 38

Mikudagur 24. apríl 2019 · Nr. 46 38 Sosialurin Hugskot og viðmerkingar – send sms til 225000 Sjúrður Hildarson Hoydal Tað var øgiligur rómur í Høllini á Hálsi annan páskadag und­an fjórðu FM-finaluni hjá monn­ um. Serliga neistafólk vóru møtt væl og tíðliga fyri at stuðla liði sínum, ið kundi vinna fyrsta Føroyameistaraheitið síðani 2011 um tað skuldi eydn­ast at fáa ein sigur hetta kvøld­ið. H71 ætlaði sær av øllum alvi at spilla hesa ætlan, og har kom eisini stórur stuðul frá hoy­víkingum. Hetta skapti fantast­iskar karmar fyri enn einari FM-finalu, ímillum hesi bæði liðini, ið hava verið tey sterkastu í føroyskum mans­ hond­bólti seinastu tvey kapp­ ingar­árini. Flótandi neistaspæl í fyrra hálvleiki Eftir ein lítlan hvøkk, har H71 legði seg á odda 1-3, fótaði Neist­ in sær og tók leiðsluna. Spæl­ið fleyt sera væl hjá Neista­num í fyrra hálvleiki, har serliga góðar spælingar inn til Runa Olsen á strikuni ørkyml­aði H71-verjuna. Neistin økti um leiðsluna upp í 11-8 eftir góðar tjúgu minuttir, og nú tóktist fyrsti fjálturin at koma á H71. H71 hevði trupult við at finna møguleikarnar ímóti einari neistaverju, ið setti fulla mans­verju á Peter Krogh. Peter Krogh spældi bert fyrstu løtuna, áðrenn ábyrgdin var løgd á herðarnar hjá hinum bakk­unum hjá H71. Eftir at H71 kom afturum við trimum málum, var avgjørt at seta leikferðina upp. Hetta vildi Neistin eisini, og úrslitið av hesum var, at málini fóru at floyma inn móti endanum av hálvleikinum. Eitt sindur fleiri hjá H71, ið javnaði við støðuni 14-14 og aftur við 15-15, ið gjørdist hálvleiksstøðan. Teir ungu leikararnir gera um seg Sostatt var púra javnt undan seinna hálvleiki, har Neistin aftur legði seg á odda. Tað var Tróndur Mikkelsen, ið skeyt eitt gott hoppiskot inn frá vinstra bakki. Ungi neista­ bakkurin hevði eisini fingið fleiri góð mál í fyrra hálv­ leiki, har hann kortini sat á bonki­num ímóti endanum. Ungi H71-bakkurin, Brandur Halgirs­son svaraði aftur við rimmar skotið áðrenn Dánjal Ragnars­son hjá Neistanum og Leivur Mortensen hjá H71 skutu mál fyrstu løtuna av sein­na hálvleiki. Alt blaðungir leikar­ar, ið dugdu at seta sín dám á dystin. Útvísingar kosta Neistanum dýrt Men so fór H71 brádliga at renna undan. Ein útvísing til Neistan kostaði dýrt, H71 gjørdi skjótt av, og økti upp í 17-20 tíðliga í seinna hálvleiki. Hetta var ikki seinasta útvís­ingin í dystinum. Eftir at Neistin hevði minkað um munin niður í eitt mál, mistu neista­menn tveir leikarar og mist H71 ein innanfyri tveir minutt­ir. Hetta skuldi vísa seg at vera rættiliga avgerandi. Tveir bóltar endaðu í tóma neista­málinum hesa løtuna og mun­urin øktist upp í fýra mál til H71. H71-verjan avger dystin Neistin royndi meginpartin av seinna hálvleiki at mansverja Hilmar Leon Jakobsen, meðan Peter Krogh var á bonkinum. Við góðum tíggju minuttum eftir av dystinum, svaraði H71 við at seta Peter Krogh inn aftur, og Neistin svaraði við at mans­verja báðar bakkarnar. H71 svaraði við at seta sjey mans í álopið. Hetta førdi til eitt sindur óskipað spæl, og H71 fekk ikki mál í einar fimm minuttir. Men H71 var fram­vegis á odda við trimum, og Neistin fekk heldur ikki minkað meira um munin í hesar fimm minuttirnar. Eftir enn eina útvísing til Neistan loysn­aði í H71-álopinum og tá ið Hilmar Leon Jakobsen økti upp í 24-28 mál við góðum fýra minuttum eftir mundi vera av­ gjørt. Tað var tað eisini. Tíðin bara gekk ímóti H71-sigrinum, meðan Neistin framvegis hevði ov trupult at skjóta mál. Neist­ in fór langt út á vøllin í eini ráða­leysari roynd at trýsta H71 til mistøk, men til fánýtis. At enda hevði H71 vunnið 25-30 og syrgt fyri at Føroya­ meistara­heitið verður avgjørt leygar­dagin klokkan 20.00 í Hoyvíks­høllini í fimtu finaluni ímillum liðini. Kvinnurnar sleppa upp í part aftur Hesin leygardagurin verður ein stórur finaludagur, eins og vit hava sæð sein­astu ár­ini. Tí meðan alt upp­merk­sem­ið hevur ligið á drúgvu mans­finalunum, er kvinnu­kapp­ingin komin til avgerandi dystirnir. Leingi var greitt, at VÍF skuldi spæla FM-finalu, og fyri viku síðani varð mót­støðu­liðið funnið. Við sigri á Neista­ num syrgdi Kyndil fyri at FM- finalurnar hjá kvinnum aftur í ár verða ímillum VÍF og Kyndil. Eins og hjá monnum er talan um eina endurtøku av finalu­ num frá í fjør. Hesi liðini hava hitst bæði í steypafinaluni og FM-finalunum seinastu tvey kappingarárini. Í fjør vann VÍF báðar finalurnar, meðan Kyndil vann steypafinaluna fyrr í ár. Og tað gjørdu kyndilskvinnur við stórari sannføring. So stórari, at Kyndil møguliga má taka favorittleiklutin á seg. Kyndils­kvinnur hava havt eitt kapp­ingar­ár, har tær, eftir at hava fingið nakrar styrkir, eru vorðnar betri og betri sum kapp­ingarárið hevur liðið. VÍF hevur hinvegin havt nøkur sveiggj í spælinum. Summar dyst­ir hava Føroyameistararnir spælt á sera høgum støði, men aðrar dystir hevur okkurt tyk­ist at vanta í spælinum. Tað gjørdi tað millum annað í steypa­finaluni, har liðið leitaði leingi eftir rætta neyv­leika­ num. Í fjør skuldu tríggjar finalur spælast áðrenn VÍF gjørdist Føroyameistari, og tað er als ikki óhugsandi at tað verður neyðugt við eini triðju finalu í ár. Byrjaði verður við tí fyrstu miku­kvøldið klokkan 20.00 í Høll­ini á Hálsi. HONDBÓLTUR Hondbóltur: Neistin hevði møguleikan at gerast Føroyameistari hjá monnum annan páskadag, men tað eydnaðist ikki at basa H71 í Høllini á Hálsi. Nú verður alt avgjørt leygardagin á einum stórum hondbóltsdegi við bæði mans- og kvinnufinalu H71 SPILTI NEISTAVEITSLUNA