hósdagur 25. apríl 2019síða 22

VINNUBLAÐIÐ HJÁ MIÐLAHÚSINUM 14 apríl 2019 26 Frants Jensen SEV hevur av nýggjum lýst framtíðartørvin fyri elorku í Føroyum. Suðuroyggin og alt Føroyar skulu vera grønar – Tað er vorðið okkum greitt, at neyðugt er við sjókaðali til Suðuroynna fyri at at Føroyar skal gerast 100 prosent grønt. Í fjør var 49 prosent av elframleiðsluni í Føroyum grøn. Suðuroyggin er tó nakað væl svartari enn restin av Føroyum, sigur John Zachariasen, nevndarformaður í SEV. Fyri at náa hesum málinum, so vísa kanningar, millum annað tí at orkutørvurin veksur støðugt, og tí at Bakkafrost skal nýta nógv meira elorku í framtíðini í Suðuroy, so er kaðalin neyðugur. Pumpuskipan avgerandi Nakrar loysnir eru lýstar, og tær fara at kosta millum 2,59 milliardir krónur og 2,66 milliardir krónur tilsamans, tengt av hvør loysn verður vald. Tað eru serliga tvær av loysnunum, ið eru áhugaverdar. Í øllum hesum loysnunum er tað ein fyritreyt, at elframleiðslan í øllum landinum verður bundin saman. – Tað er ein avgerandi fyritreyt, at vit fáa meira vind inn á elnetið fram til 2030, og at vit fáa eina pumpuskipan í Vestmanna, sum kann taka ímóti, tá ið vit hava ov nógva vindorku, og sum kann geva frá sær, tá ið vit hava ov lítið av grønari orku á skipanini, sigur John. Kannast nærri Munurin á tveimum teimum mest áhugaverdu loysnunum, sambært John Zachariasen, er, at í aðrari loysnini er ein pumpuskipan í Botni í Suðuroy við og í hinari ikki. – Fíggjarliga vísir tað seg ikki at vera tann øgiligi stórur munurin á, um ein pumpuskipan í Suðuroynni er við ella ikki. Alt hetta skal kannast nærri av serkønum fólki hjá SEV og serkunnleikanum hjá myndugleikunum Orku, áðrenn vit kunnu taka nakra avgerð, sigur John Zachariasen. Tann grøna elorkan verður í framtíðini grundað bæði á vatn, vindmyllur, pumpuskipan, men møguliga eisini á sól og aðra orku. Olja sum trygd – Vit skulu framvegis hava Sundsverkið standandi tókt, tí at tað er ein lógarásett skylda, sum SEV hevur. Tað skal vera sum ein trygd aftanfyri, at vit altíð kunnu hava nóg mikið av elorku á netinum. John Zachariasen, nevndarformaður í SEV Sjókaðal til Suðuroynna SEV SKAL GERA STÓRA ÚTBYGGINGAR FYRI AT RØKKA MÁLINUM, AT FØROYAR SKULU VERA 100 PROSENT GRØNAR Á LANDI Í 2030. AVBJÓÐINGIN ER SERLIGA STÓR AT FÁA SUÐUROYNNA GRØNA FARA AT BJÓÐA Í HOYVÍKSHAGANUM – PRÍSURIN MÁ VERA AVGERANDI. VIT ERU IKKI BANGNIR FYRI KAPPING, SIGUR JOHN ZACHARIASEN, NEVNDARFORMAÐUR Í SEV Hann sigur at SEV hevur havt onkran fund um møguligt samstarv við Vindrøkt, men tað er ikki komið víðari. – Eg haldi tað er týdningarmikið, at vit hava fleiri leikarar við í kappingini, soleiðis at vit fáa ein so lágan elprís sum møguligt til brúkaran, vinnuna og samfelagið sum heild, sigur John Zachariasen. Hann vísir tó á, at fyritreytirnar fyri aktuella vindmyllutilboðnum við Gellingarkletti í Hoyvíkshaganum eru sera óhepnar, tá ið allir partar ikki hava somu treytir fyri at bjóða. – Vit fara at lata tilboð inn, so almenningurin eisini kann síggja, hvat prísurin kann vera, sigur John. Hann sigur seg eisini vita, at teir ikki fara at vinna tilboðið. ORKUNÝTSLAN NÆSTAN TVÍFALDAÐ ORKUNÝTSLAN VERÐUR NÆSTAN TVÍFALDAÐ Í 2030 Í MUN TIL STØÐIÐ Í DAG. HETTA KREVUR SERAR STÓRA ÚTBYGGINGAR HJÁ SEV Terji Nielsen, menningarleiðari hjá SEV, er ein av teimum, ið kanna tørvin og framtíðarútbygging av elorkuni í Føroyum. Hann vísir á, at um vøksturin á elorku fer at halda fram, sum hann hevur gjørt seinnu árini, so er neyðugt við stórum útbyggingum. Orkunýtslan fer upp frá umleið 345 GWh í 2017 til næstan 600 GWh í 2030. Harumfram vita teir eisini um nakrar veitar, ið fara at hava sera stóran tørv á orkunýtslu komandi árini. – Við allari hesari vitanini, eru vit noydd at endurmeta útbyggingina av orkunýtsluni í Føroyum. Tað er tað, vit eru í gong við nú, sigur Terji. Fleiri kanningar skulu gerast, og so er tað ein politiskur spurningur, hvør loysn verður vald. Terji Nielsen, menningarleiðari hjá SEV