mánadagur 29. apríl 2019síða 22

Mánadagur 29. apríl 2019 · Nr. 48 22 Sosialurin Hugskot og viðmerkingar – send sms til 225000 Pætur Albinus DM-vinnari Føroyska boksifelagið, Tórs­ havn Boxing, hevur um viku­ skiftið luttikið í danska byrjun­ ar­meistaraheitinum í Jyllinge við trimum boksarum. Teir vóru Andreas Dam Poulsen, Teit­ur Jákupsson og Jonathan Malai­kev. Hetta var fyrstuferð, at eitt føroyskt boksifelag luttók í ein­um donskum meistaraheiti, men felagið úr føroyska høvuðs­staðnum gjørdi seg alt annað enn til skammar og kom heimaftur við einum gull­ heiðurs­merki. Tað var Teitur Jákupsson, sum gjørdist danskur byrjun­ ar­meistari í U17-bólkinum í lættari weltervekt, sum svarar til 60-63 kilo. Teitur hitti í finaluni ein boksara frá AK Falken, og eftir eina róliga ferð í fyrsta umfari, setti hann meira ferð á frá øðrum umfari og vísti seg at fáa yvirtakið í dysti­num við sínum beinu og hørðu sløgum, og eftir at hava sent mótstøðumannin í gólvið tríggjar ferðir, valdi dómarin at telja og steðga dystinum við før­oyska Teiti Jákupssyni sum vinnara. Teitur er harvið fyrsti før­ oyski boksimeistarin í Dan­ mark. Nøgdur venjari Eisini Jonathan Malaikev frá Tórshavn Boksing fær eitt heiðurs­merki við sær aftur til Føroya. Hann vann silvur eftir at hann tapti sína finalu ímóti einum stinnum boksara frá felagnum Olympia úr Odense. - Alt í alt kunnu vit ikki vera annað enn nøgd. Vit luttaka fyri fyrstu ferð í einum donskum meistaraheiti, og vit vistu at tað fór at gerast trupult, men vit koma heimaftur við einum gullmerki og einum silvur­ merki, og tað kunnu vit vera errin av. Persónliga eri eg sum venjari sera errin av mínum dreingjum, sigur venjarin í Tórs­havn Boksing, Martin Meng. - Eitt er púra víst, og tað er, at hóast vit bara hava eitt felag í Føroyum og bara hava okkum sjálvar at venja við, so hava vit so avgjørt sligið okkara navn fast í danskari boksing sum eitt felag, ið ikki luttekur fyri at fara tómhent heimaftur, sigur Martin Meng víðari. Næsta stóra kapping hjá føroysku boksarunum verður Faroe Fight Night í høllini á Hálsi leygardagin 25. mai, tá ein rúgva av donskum boksarum eisini koma til Føroya at luttaka í hesari kappingini, har eisini fyrr­verandi heimsmeistarin, Jimmy Bredahl, kemur á vitjan og fer at hava fyrilestur. Føroyskur boksari: TEITUR ER MEISTARI Í DANMARK 15 ára gamli føroyski boksarin, Teitur Jákupsson, vann um vikuskiftið danska byrjunarmeistaraheitið í U17-árganginum F.v.: Teitur Jákupsson og Jonathan Malaikev