mánadagur 29. apríl 2019síða 23

23 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 29. apríl 2019 · Nr. 48 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð KLUMMAN Tróndur sigur sína hugsan... Fantastiskar hond­bólts­ finalur Hetta vikuskiftið hevur bjóðað upp á nógvan ítrótt, har tað eru funnir fleiri føroyameistarar. Eitt langt hondbóltskappingarár er komið at enda, 16 FM-vinnarar blivu funnir til Kontrast-FM og FM í dart hevur eisini verið. Umframt tað, so var eisini fótbóltur og svimjing á skránni. Sjálvur var eg til tvær av FM- finalunum í hondbólti leygardagin. Fyrst í høllini í Vestmann og síðani í Hoyvík. Felags fyri báðar finalurnar var, at tað var ein ótrúligur stemningur. Høllin í Vestmanna var gul fyri ein stóran part, men innast í høllini høvdu kyndilsfólk eisini góðar umstøður at stuðla sínum liðið. Eftir dystin í Vestmanna fór eg til Hoyvíkar at hyggja eftir fimtu og avgerandi finaluni hjá monnum. Fyrst og fremst tí tað bar til. Kvinnufinalan bleiv flutt ein tíma, so tað eydnaðist at møta í góðari tíð. Hetta er vert hjá Hondbóltssambandinum at hava í huga, so áskoðarar kunnu hyggja, og vit miðlarnir fáa dekkað so avgerandi dystir. Eg fekk ein lítlan skelk, tá eg ein lítlan tíma undan dystarbyrjan kom inn í høllina. Tað var stúgvandi fult og stemningurin var avbera góður. Hann bleiv ikki minni sum dysturin leið og tað skulu áskoðararnir fáa rós fyri. Serliga var ein bólkur av H71- áskoðarum, sum skaptu ein stemning, sum eg næstan ikki kann minnast til eina ítróttarhending í Føroyum. Vit síggja eitt líknandi fyribrygdi við Skansanum, sum stuðlar føroyska landsliðnum í fótbólti. Hetta hevur UEFA enntá heiðrað. Vónandi er hetta nakað, sum fer at halda fram og kanska enntá leggjast afturat. Tað ger tað so nógv stuttligari at verða til ítrótt í Føroyum Takk fyri eitt spennandi og gott ítróttarvikuskiftið trondur@sosialurin.fo Óli Mortensen úr Havnar Svimjifelag og Signhild Joensen úr Ægir hava klárað kravtíðirnar til heimsmeistaraskapið á langgeil í 2019, sum verður í Gwangju í Korea 21. til 28. juli í ár Óli og Signhild til HM í Korea Tróndur Arge Á Svimjistevnuni í Páls­ høll um vikuskiftið varð boðað frá, hvør hevur klárað kravtíðir til HM og NMU eins og ársins svimjarar eisini vórðu heiðraðir. Óli Mortensen úr Havnar Svimjifelag og Signhild Joensen úr Ægir hava klárað kravtíðirnar til heimsmeistaraskapið á langgeil í 2019, sum verður í Gwangju í Korea 21. til 28. juli í ár. Fimm svimjarar hava eisini klárað kravtíðir til norðurlendska meistara­ s­tevnuna fyri ung, sum verður í Vejle í Danmark 13. til 14. juli í ár. Fýra teirra eru úr Havnar Svimjifelagi. Tey eru Bartal E. Eidesgaard, Elisabeth Erlendsdóttir, Ronja Ró í Dímun og Kristina í Skála, umframt Rebekka Trygvadóttir úr Ægir. Hægstu finastig hjá kvinnum á stevnuni í Vági fekk Signhild Joensen. Hon fekk 773 finastig í 100 m rygg. Hægstu fina­stig hjá monnum á hesari stevnuni fekk Óli Morten­sen úr Havnar Svmiji­felag. Hann fekk 691 finastig. Ársins svimjarar Á svimjistevnuni í Vági vórðu eisini kosin ársins svimjarar. Ársins svimjari hjá kvinnum gjørdist Sign­hild Joensen úr Ægir, meðan ársins svimjari hjá monnum gjørdist Rók­ur Trygvason úr Ægir. Ár­ sins stjørnuskot hjá gent­ um bleiv Kristina í Skála úr Havnar Svimjifelag, meðan ársins stjørnuskot hjá dreingjum bleiv Bart­ al Erlingsson Eides­gaard úr Havnar Svimjifelag. Tvey nýggj met Dreingir hjá Havnar Svimjifelag settu met á 4x200 frí. Við tíðini 8:01.67 hólv­aðu dreingirnir hjá Havnar Svimjifelag næst­ an sjey sekund av gamla metinum í 4x200 metur á langgeil, sum teir sjálvir áttu. Tað metið varð sett 26. mai í 2017, tá teir svumu tað upp á 8:08.47. Eisini kvinnurnar hjá Ægir settu met, tað var á 4x100 blandað, tá tær svumu teinin upp á 4:33:08. Gamla metið var upp á 4:33:13. Fimm hund­rað­ partar skjótar, enn gamla metið, sum Ægir eisini áttu frá FM á langgeil í 2017. Tær fýra sum settu metið, vóru Signhild Joen­sen (2000, rygg), Re­ bekka Trygvadóttir (2004, bringa), Malan Jóhans­ dóttir (2004, firvald) og Barbara Debes (2000, frí). trondur@sosialurin.fo Svimjing: Elisabeth Erlendsdóttir, Bartal E. Eidesgaard, Signhild Joensen, Rebekka Trygvadóttir, Ronja Ró úr Dímun, Kristina í Skála og Óli Mortensen