mánadagur 6. mai 2019síða 22

Mánadagur 6. mai 2019 · Nr. 51 22 Sosialurin Hugskot og viðmerkingar – send sms til 225000 Viktor Axelsen greiðir í hesi ævisøguni frá leið sínari frá barnaárunum í Odense til heimselituna í badminton, har hann fyri tveimum árum síðan gjørdist heimsmeistari. Ungi danin, ið hevur tær serligu gávur at tosa flótandi kinesiskt, hevði tað ikki altíð eins lætt sum smádrongur. Badminton var og er hansara frístaður í lívinum. Hetta gagnnýtti hann sum eitt lýsandi talent í badminton - ikki einans í Danmark, men eisini í ungdómskappingum kring heimin - og tað var ikki altíð tær mest uppløgdu avgerðirnar, ið hann tók fyri at gerast betri. Hann greiðir frá sínum lítlu og øðrvísi avgerðum, sum hjálptu honum á leiðini, og gevur sostatt nøkur ráð um hvussu ein eisini kann røkka tindunum. - Tað krevur nakað serligt at blíva nakað serligt, sigur hann í bókini. Bókin er í stóran mun ein kronologisk forteljing um lívsleiðina hjá Viktori Axelsen, og stundum ber tað brá av, at hann framvegis er 25 ára gamal og ikki hevur verið úti í tí heilt stóra lívsins ódnarveðri, men heldur framvegis flýgur høgt sum ein av heimsins bestu badmintonspælarum. Hann greiðir strangt tikið frá leiðini hartil. Tað er ein spennandi leið, og um rætti lesarin velur at gloppa bókina, so eru óivað nógv góð innlit og hugskot eru at fáa. LES UM TÚ: Dámar badminton eller vilt hoyra um øðrvísi mátar at røkka heimsins ítróttartindum. IKKI LES UM TÚ: Ikki dámar ketsjara-ítrótt, ella vilt hava ein stríðan streym av spenningini í lesnaðinum. HVUSSU ER AT LESA: Bókin er løtt lesilig, tó ikki eins áhugaverd allatíð. HVAT SIGUR TÚ? Hetta eigur ikki at vera fyrstavalið, um tú vilt lesa eina ævisøgu frá ítróttarheiminum. FAKTA: Bókin, ið er 274 blaðsíður, varð útgivin í fjørvetur av forlagnum Gyldendal. Hon kostar umleið 300 krónur í bókabúðunum. Viktor Axelsen: - Tann danski drekin Vikan ið fór Neistin kunnger danska Mads Rydal Nielsen sum nýggjan venjara hjá mansliðnum, har hann avloysir landsmannin, Jeppe Borch. Kendi spanski málverjin, Iker Casillas, verður innlagdur eftir hjartatilburð. Hann kemur seg væl, men fer helst ikki at spæla fótbólt aftur. Meinhard E. Olsen gerst sigursharri hjá Kristiansund BK tveir dystir á rað - ímóti Herd í steypakappingini og Tromsø IL í landskappingini. Hans Eli Sigurbjørnsson úr KÍF og Marianna G. Eystberg úr Kyndli verða kosin ársins leikarar í føroyskum hondbólti á árliga hondbóltsgalla. Elisabeth Holm Simonsen setir í kapping í Danmark nýtt føroyskt met í 100 metrum renning við tíðini 13,01. KÍ, NSÍ, B36, HB og Víkingur vinna sínar dystir í Betrideildini hjá monnum, har serliga ÍF og AB hava hug at dragna. ...við ítróttinum 5 SKJÓTIR Fimm skjótir spurningar til føroysk ítróttarfólk... Navn: Fróði Fríðason Jensen Aldur: 27 Yrki: Borðtennisspælari Royn tína vitan um ítróttin her og nú! Svarini standa niðast til vinstru, men royn teg nú fyrst 1. Henrik Larsen 2. Avstralia 3. Gianni Infantino 4. 10 5. Zoran og Deni 6. Ódnartøk 7. Marianna G. Eystberg 8. Rói Zachariasen 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! 1 Hvør var venjari hjá føroyska manslandsliðnum í fótbólti árini 2002 til 2005? 2 Úr hvørjum landi er spælandi venjarin hjá Mjølnir, Phil Freere? 3 Hvussu eitur forsetin í fótbóltssamgonguni FIFA? 4 Hvat ryggnummar hevur Jóhan á Plógv Hansen í Bjerringbro-Silkeborg? 5 Hvussu eita teir báðir Pavlovic-feðgarnir í føroyskum fótbólti til fornavn? 6 Hvussu eita rógvikappingarnar, sum plaga at vera í Føroyum í apríl-mai áðrenn FM byrjar? 7 Hvør gjørdist toppskjútti í bestu kvinnudeildini í hondbólti (SMS-deildini) í ár? 8 Hvussu eitur málverjin á myndini? Hvussu ofta hevur tú nú vunnið FM í borðtennis? - Hetta var mín 4. FM-sigur í einmansleiki. Hvat var tað sum gekk so væl í FM í ár? - Eg var trúgvur móti mínum spælistíli og trúði upp á egin evnir. Tað er ofta soleiðis, at man skal raka dagin, tá man spælir FM í borðtennis, tí vit eru fleiri, ið kenna spælistílin hjá hvørjum øðrum út og inn. Tí var tað heppið fyri meg, at eg rakti dagin, bæði í innleiðandi á finaludegnum. Hvørjum felagi venur tú við, og hvussu er at vera har? - Eg venji úti í Kastrup í einum felagi, sum eitur Amager BTK. Tað er í mínum eygum eitt super gott felag. Vit fáa bæði dystarvenjing og vanliga venjing har. Ein dag um vikuna, eru vit so heppin, at vit hava ein av bestu venjarum í Danmark, og venja móti nøkrum av størstu talentunum í Danmark. Ta samansetingina dámar mær øgiliga væl. Hvørjar kappingar eru fyri framman hjá tær? - Mitt í mai skulu vit til Íslands at spæla árligu millumtjóða kappingina móti Grønlandi og Íslandi. Tað er ein kapping, ið ein vil klára seg væl í, og tað verður spennandi at síggja hvar man liggur í mun til hesi grannalondini. Hvat verður málið á oyggjaleikunum í summar? - Málið til oyggjaleikirnar er at klára seg so væl sum møguligt í øllum kappingunum. Vit hava nú umleið tveir mánaðir at venja í, so tað snýr seg um at venja so nógv sum møguligt, soleiðis at man kann vera við til at skapa eitt gott úrslit.