týsdagur 7. mai 2019síða 16

Mikudagur 8. mai 2019 · Nr. 52 16 Sosialurin Hugskot og viðmerkingar – send sms til 225000 Leygardagin og sunnu­ dagin komandi, 11.-12 mai, skipar Tvøroyrar Nýggj­ árs­nevnd fyri stórari bila­sølustevnu í ítótt­ ar­høllini í Trongis­vági, har opið verður báðar dagarnar frá klokkan 14 til 20. Bilasølurnar, sum verða við, eru Reyni Service, Berg Motors, Nord­bil, Nordcar, Auto Service og P/F Wenzel. Signar Strøm, sum í mong ár hevur verið partur av hesum aftur­ vend­andi tiltaki í Suður­ oy, sigur, at stívliga 100 bilar plaga at verða við á sølustevnuni, harav pláss er fyri umleið 70 bilum inni í sjálvari høllini – og síðan stendur restin uttan­fyri. - Vanliga eru flestu bilar á sølustevnuni nýgg­ir, men bilasølurnar plaga eisini at hava onkr­ ar góðar brúkar bilar við. Hann vísir á, at aftur­ meldingarnar frá flestu bila­sølum plaga at vera rími­liga góðar. - Nakrir bilar verða altíð seldir á sjálvari sølu­ stevnuni, og síðan plaga fólk, sum hava sæð bilar­ nar í Trongisvági, at leita aftur til bilasølurnar, og tá verða gjarna nakrir bilar seldir aftrat. Ókeypis atgongd Signar Strøm vísir á, at nógvir av teimum veit­ arum, sum koma til Suður­oyar á bila­sølu­ stevnu, hava vitjað fleiri ferðir áður, og tiltakið hevur soleiðis skapt góð sambond millum fyri­ reikarar og tey, sum standa aftan fyri bila­søl­ ur­nar. - Vit plaga at eta ein døgurða saman leygar­ kvøld­ið, tá sølustevnan letur aftur, og hetta plag­ ar at vera sera hugnaligt. Hann vísir á, at Oddur Dimon, sáli, øll árini var primusmotorur aftan fyri nýggjárshaldið í kom­mununi, og hann hevur eisini verið á odda, tá skipað hevur verið fyri bila­sølustevnu, gjarna tvær ferðir um árið. Saknur er í honum, nú hann ikki er við meira. - Við nýggjárshaldinum og bilasølustevnuni er plantað eitt træ, og vit vilja gjarna, at hetta træ fram­haldandi sleppur at veksa og mennast. Signar Strøm vísir á, at bæði í fjør og nú aftur í ár verður tað ókeypis hjá fólki at vitja á bila­sølu­ stevnuni. - Eg haldi, at hetta hevur verið ein røtt av­ gerð, og á seinastu sølu­ stevnu høvdu vit einar 800 gestir leygardagin og sunnudagin, og tað halda vit vera rættiliga flott, sigur hann. Aðrir framsýnarar Fyri at gera tiltakið í Trongis­vági enn meira fjøl­broytt og breitt, verða eisini eisini framsýnarar við hesar báðar dagarnar. - Einar átta ymiskar fyritøkur fara at sýna fram sínar vørur og tæn­ast­ur, og hesar eru: Activ (telduútbúnaður), Vøggan (alt til barnið), MBM (búrøkt), Bilreins (reinsa bilar), Hey (tele­ fon­ir og annað), ÁKÓ (veit­ari av vaskibustini Brush Hero), SJJ (nýggjur handil á havnalagnum) og Suðuroyar Sparikassi (fígg­ing). Signar Strøm vísir á, at eitt annað tiltak, sum eisini verður báð­ar dagarnar, er loppi­mark­ naður, har fólk kunnu keypa sær eitt borð fyri 200 krónur til báðar dagar­nar. - Tað vísir seg, at loppu­marknaður altíð er forvitnisligur, og tað er eingin loyna, at slíkur mark­naður altíð dregur fólk til sín. Hann sigur, at freistin at keypa sær borð til loppu­marknaðin er sett til 10. mai – ella dagin fyri, at sølustevnan letur upp. Flottasti bilur í Suðuroy Eitt annað, sum eisini verður á skránni á bila­ sølu­stevnuni í Trongis­ vági hesaferð, er kapp­ ingin um flottasta bilin í Suðuroy. - Her verður inn­leið­ andi umfar leygar­dagin klokkan 17 og finalu­ um­far – um neyðugt – sunnudagin klokkan 17. Freistin at melda til kapp­ ingina er sett til hósdagin hin 9. mai á middegi. Signar Strøm sigur, at kapp­ingin um flottasta bilin í Suðuroy hevur bara verið einaferð áður, og nú verður hon so aðru ferð. - Tað er bara at halda seg til og melda seg til kapp­ingina, leggur hann aftrat. Annað, sum verður á skránni á bila­sølu­stevnu­ ni í Trongisvági, er tón­ leika­undirhald, har Ingi & Danni fara at spæla leygar­dagin klokkan 17.30 og Svein í Prestgarði ætlandi sunnudagin klokk­an 17.30. Sunnudagin klokkan 16 verður eisini eitt for­ vitnisligt tiltak á skránni, tá Magnus Gunnarsson, sum er bilakønur, fer at skifta orð við koyri­lærar­ an, Alva Mortensen, um bilar fyrr og nú. Oman á alt verður eisini tombola báðar dagar­nar við ymiskum vørum. Skjóta umfatandi fýrverk Tað, sum Tvøroyrar Nýggj­árs­nevnd ger, um­ framt at skipa fyri bila­ sølu­stevnu og øðrum, er, at áhugafelagið stend­ur aftan fyri flottu skjót­ ingina av fýrverki við nýggj­árshaldið í Tvør­ oyrar kommunu, og hetta er eitt hald, sum er av teimum heilt stóru. - Vit keypa fýrverk og tekniska útgerð til at skjóta fýrverkið við, og vit hava eisini sølu av fýr­verki til kommunur og feløg. Hetta keypa vit beinleiðis um okkara egnu handilssambond uttan­lands. Hinvegin selja vit eisini fýrverk fyri aðrar føroyskar veit­ar­ar í Hvalba og Tvør­oyri dag­ arnar fyri gamla­árs­kvøld. Signar Strøm sigur, at allur peningurin, sum kemur inn fyri til­tak­ið í Trongisvági, fer til áhuga­ felagið, sum síðan brúkar peningin til fýr­verk og tekniska út­gerð til at skjóta fýrverk við. - Alt í alt eru dagarnir í Trongisvági, 11.-12. mai, hugnaligir familju­dagar. Tí, umframt bila­sølu­ stevnu, framsýnarar og tom­bola, verða eisini hoppi­borgir og annað sett upp í skúlagarðinum í Trongisvági, har børn­ini gjalda 40 krónur um dagin fyri at brúka am­boðini. Um veðrið ikki háttar sær leygardagin og sun­ nu­dagin, soleiðis sum ynskiligt er, ætlar nýggj­ árs­nevndin at seta upp tjald til barnatiltakið. Signar Strøm sigur, at bilasølustevnan í Trongis­vág við øllum tí, sum er aftrat uttan fyri og í ítróttarhøllini, er ein rætti­ligur familjudagur. - Vit bjóða øllum, bæði framsýnarum og hyggjarum, hjarta­liga væl­komnum í ítrótt­ar­ høllina í Trongis­vági kom­andi vikuskiftið. Lagt til rættis: Frants Jensen TÍÐINDI KUNNU VÆNTA EINI 800 FÓLK Á SØLUSTEVNU Í TRONGISVÁGI Enn einaferð skipar Tvøroyrar Nýggjársnevnd fyri bilasølustevnu. Men, umframt einar 100 bilar, sum væntandi verða á stevnuni, verður eisini framsýning við øðrum veitarum. Haraftrat verður loppumarkmaður, kapping um flottasta bil í Suðuroy, og her verða hoppiborgir til børnini Umleið 70 bilar kunnu standa inni í ítróttarhøllini í Trongisvági, og gjarna standa bilar úti eisini, tá sølustevna er Tvøroyrar Nýggjársnevnd ger nógv burtur úr nýggjárinum og fýrverkinum, og her er einki upp til tilvildina