mánadagur 13. mai 2019síða 11

11 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 13. mai 2019 · Nr. 54 Eigur Føroya besta gásapar - Eg eri ovfarin av, at gásaparið hevur roynst okkum so væl, sigur Páll Holm í Rituvík  Vilmund Jacobsen Í trý ár hevur Páll Holm í Rituvík havt eitt gása­ par, og tað er ikki smá­ vegis, sum hetta parið hev­ur roynst honum væl, tá ræður um gásar­ ung­ar. - Í ár lá bøgan við 15 eggum. Við tað, at eg eri sjómaður, visti eg ikki, at eggini vóru so mong, og eg vildi ikki órógva hana, meðan hon lá, sigur hann. At gásaparið hjá Páll Holm hevur roynst væl hesi árini - og væl betur enn vanligt plagar at vera - sæst, tá hugt verð­ur yvir hesi trý farnu árini. Tað fyrsta árið kom bøgan við níggju ungum; næsta árið við 13, og í ár kom hon so við heili 15. Tað gevur stívliga 12,3 ungar í miðal um árið. - Eg eri ovfarin av, at gásaparið hevur roynst okkum so væl. Bøgan, sum okkara bøga er undan, hevði eitt árið 13 ungar, sum var tað mesta hjá henni, sigur Páll Holm. Seinastu vikuna hava fleiri skip landað svartkjaft til Havsbrún. Arctic Voyager hevur verið við 1500 tonsum, Høgaberg við 1900, Katrin Jóhanna við 1500 og Finnur Fríði við 2200 tonsum. Tey slóða fyri - Rúm má verða fyri at velta og liva av og við jørðini. Vilmund Jacobsen Í síðstu viku gjørdist greitt, at Veltan í Sand­ oynni fekk Grønu Gáv­ una, sum matstovan Et­ ika letur á hvørjum ári. Gáv­an verður latin ein­ um virki ella stovni, sum virkar til frama fyri um­ hvørvið. Peningurin, ið latin verð­ur sum viður­kenn­ ing, kemur frá sølu av vatni á Etika. - Vit hava stafettina á hondum, tá ræður um land­búnað. Her eru tey, sum liva av at dyrka sín­ar egnu vørur og fram­leiða mat, sum ikki skal før­ast um heimshøv fyri at náa brúkaranum. Í Sands kommunu halda tey tað vera upp á tíð­ina, at føroyingar taka í álvara teir fyrimunir ið eru við at framleiða ger­ andis­vørur her heima, sjálvt um hetta kanska kann hava ávirkan á okk­ um, ið her búgva.  - Rúm má verða fyri at velta og liva av og við jørð­ ­ini á harðbaldnu klett­um okkara. Í Sands kommunu ynskja tey Veltuni hjarta­ liga tillukku við heiðr­ inum og bestu eydnu við tilnevningin til Embla- virðislønina, sum Veltan saman við Uttastovu­ garði og Miðstovugarði er inn­stillað til fyri 2019. Soleiðis gongur við fiskiskapi Vilmund Jacobsen Seinastu dagarnar hava fimm ísfiskalínuskip fiskað undir Føroyum. Væntandi koma tvey av hesum skipum inn at landa í dag; síðan koma tvey seinni í vikuni, og tað fimta kemur helst í næstu viku. - Ísfiskalínuskipini undir Føroyum fáa mest av toski, hýsu og longu og so nakað av brosmu. Fýra føroysk ísfiskalínuskip og fýra føroysk frystilínuskip fiska eisini undir Íslandi í løtuni. Eitt av ísfiskaskipunum landar væntandi í dag, og síðan koma hini trý ísfiskalínuskipin helst í endanum av hesi vikuni - og fyrst í næstu viku. - Streymurin er góður, men harðnar, sum henda vikan gongur. Veðrið verður gott, og tí verður roknað við, at onkrir bátar fara til útrógvar hesa vikuna. Á Fiskamarknaði Føroya vistu tey fríggjadagin at siga, at flestu partrolarapør eru til fiskiskap, og skipini koma inn at landa, sum henda vikan gongur. - Fiskiskapurin eftir upsa er heldur frægari nú, men hann kundi saktans verið betri. Trý partrolarapør eru á gulllaksaveiði, og skipini gera fyri tað mesta rímiliga góðar túrar. Best dámar gulllaksinum, tá veðrið er hampiliga gott, siga menn á hesari veiði. Fríggjadagin var bara ein djúpvatnstrolari til fiskiskap. Teir fiska svartkalva og kongafisk og landa væntandi í vikuni. - Fríggjadagin vóru eisini tveir trolbátar til fiskiskap. Annar kemur inn at landa í dag, og hin kemur miðskeiðis í vikuni. Í løtuni hava trolbátarnir, sum eru úti, smáligan fiskiskap. Tvey garnaskip fiska svartkalva. Annað skipið frystir veiðina umborð, og hitt ísar. - Eitt garnaskip fiskar eisini havtasku. Garnaskipini hava brúkiligan fiskiskap, verður lagt aftrat. 40 FLEIRI: Sambært nýggjastu tølunum hjá Hagstovu Føroya er fólkatalið í Fuglafjarðar kommunu vaksið við 40 seinasta árið, roknað frá 1. apríl 2018 til 1. apríl 2019. – Góða gongdin heldur fram, staðfestir borgarstjórin, Sonni á Horni. Gásaparið hjá Páll Holm hevur í miðal havt 12,3 ungar í trý ár - Við tað, at eg eri sjómaður, visti eg ikki, at eggini vóru so mong, sigur Páll Holm