týsdagur 14. mai 2019síða 16

Mikudagur 15. mai 2019 · Nr. 55 16 Sosialurin Hugskot og viðmerkingar – send sms til 225000 HAVIN OG ÚTILÍV Vilja varðveita neystini sum hugnalig bátaból Neysting hevur sum endamál at varðveita føroysku neystini sum arkitektoniskan mentanararv og søgu tjóðarinnar. - Hetta vilja vit gera við at geva neystunum nýggja samtíðarhóskandi funktión sum ból fyri vallarar, ferðafólk og mentanaráhugað, sigur Elin Maria Nolsøe Joensen Vilmund Jacobsen Tað var í mai mánaði í 2017, at Elin Maria Nolsøe Joensen, arkitektur, stovnaði fyritøk­ una Neysting ÍVF saman við Sissal Christinu Fosaa. Við fyri­tøkuni er eisini Eirkur Sanderson. Elin Maria Nolsøe Joensen skuldi í endauppgávuni á skúl­ anum í Keypmannahavn í 2016 partvís vera við til at leggja uppgávuna til rættis sjálv. - Tað var her, at hugskotið um at byggja BátaBól mentist og tók skap. Eg vil siga, at bólið sameinir arkitektoniskan ment­ anararv og sniðgeving, sig­ur hon. Hin 28. august í fjør kundi Neysting bjóða til móttøku í fyrsta BátaBólinum í Føroyum, har frumsniðið – ella proto­ typan – varð sett upp í einum neysti Niðri á Møl í Froðba. Henda dagin fekk eisini al­ menningurin høvi at síggja bólið. Hetta var eitt væl valt og náttúruvakurt stað, og fitt av fólki var eisini komið at ynskja tillukku og síggja frumsniðið hanga í neystinum. Bólið er rættiliga rúmligt, og her er einki til hindurs hjá fýra fólkum at sova. - Eg svav fyrstu náttina í bólinum, og tað kendist heitari at sova her enn inni í einum tjaldi. Tjalddúkurin er seym­að­ ur úr vovnaðari føroyskari ull, og hetta er helst orsøkin til, at lýggja kendist í bólinum. Tá almenna tiltakið var í Froðba, var eisini borgarstjórin í Tvøroyrar kommunu, Kristin Michelsen, á gátt við blómum og góðynskjum frá komm­un­ uni. Framsýning í Havn Í oktober í fjør kom bátabólið úr Suðuroy til Havnar. Hetta var í samband við arkitekturardagar undir heit­ inum ”arkitekturisma”. Her varð bólið sýnt fram í neystinum hjá Tórshavnar Frosk­mannafelag Undir Bakka. - Her var eisini høvi hjá fólki at síggja, merkja, lukta og royna bólið. Vit bjóðaðu te og kaffi, og her vóru nógv góð prát, sigur Elin Maria Nolsøe Joensen, sum heldur, at bólið royndist minst líka so væl í neystinum Undir Bakka sum í Froðba. Stigtakarin til bátabólið sig­ ur, at avgerandi fyri, at ætlanin er komin so langt, er, at Vinnu­ frami hevur stuðlað frum­ sniðn­um – ella prototypuni. - Uttan henda stuðul, høvdu vit ikki verið komin har til, vit eru í dag, leggur hon aftrat. Dugnaligi bátasmiðjurin, Han­us Jensen, sum býr og hev­ ur verkstað í Danmark, hevur staðið fyri arbeiðnum við proto­typuni saman við teim­ um trimum, sum standa aft­an fyri Neysting. - Í mínari endauppgávu á skúlanum var farið rættiliga langt niður í smálutir, og tí havi eg eisini verið saman við Han­usi Jensen um, hvussu bólið skuldi byggjast, sigur Elin Maria Nolsøe Joensen. Hvat er Neysting? Neysting hevur sum endamál at varðveita føroysku neystini sum arkitektoniskan ment­an­ ararv og søgu tjóðarinnar. Hetta vil Neysting gera við at geva neystunum nýggja sam­tíðarhóskandi funktión sum ból fyri vallarar, ferðafólk og mentanaráhugað. Ætla fyrst at byggja ból í Suðuroy Ætlanin hjá Neysting er, at nøkur bátaból fyrst skulu skipast í Suðuroy Vilmund Jacobsen Elin Maria Nolsøe Joensen heldur, at tað hevði verið ynskiligt, um nøkur neyst við bóli lógu rímiliga tætt upp at hvørjum øðrum, og ætlanin er í fyrstu syfti at satsa upp á Suðuroynna. Hon heldur, at tað kundi verið hent, um nøkur ból vóru í sama heystaumhvørvi, tá talan eitt nú er um bólkaferðir – ella familjur, sum ynskja, at aðrar familjur eisini eru í sama umhvørvi. - Tann sosiali parturin er jú eisini ein partur av hugskotinum hjá Neysting. Elin Maria Nolsøe Joensen vísir á, at ætlanin serliga er at stíla eftir útjaðaranum í Føroyum, tí tað liggur líka sum eisini í verkætlanini at venda aftur til náttúruna og siðaarvin - tey mentanarligu og samfelagsligu virðini eins og okkara samleikakenslu. - Verkætlanin fer at taka sína tíð, men eins og vit, sum standa aftan fyri Neysting, gleða okkum til at kunna bjóða út henda sermerkta gistingarmøguleika, kunnu fólk eisini gleða seg til møguleikan at liggja í bátabóli og hoyra aldurnar skvatla, fuglarnar syngja og vindin súsa, sigur hon. Tey trý, sum eiga Neysting, f.v.: Sissal Christina Fosaa, Elin Maria Nolsøe Joensen og Eirikur Sanderson Mynd: www.tvk.fo Soleiðis sá bólið út í Froðba, tá tað varð víst fram fyri almenninginum. Her er rímiliga rúmligt Mynd: tvk.fo