mikudagur 15. mai 2019síða 6

FRÍGGJADAGUR 17. MAI 2019 SOSIALURIN 56 6 PÆTUR HJALMAR EVENSSON PATURE@SOSIALURIN.FO T að eru lutfalsliga fá, ið kunnu erpa sær við, at tey hava spælt við í stór­fingnu sendirøðini Game of Thrones. Men tað kann Jóhannes Haukur Jóhannesson, sum er hálvur føroyingur og hálv­ ur íslendingur. Hóast talan ikki er um ein stór­an leiklut, so kann ikki sigast annað, enn at tað er rættiliga kul og sermerkt, at ein við føroyskum blóði er við í heimsins víðagitnastu og mest umrøddu sendirøð. Stoltur føroyingur Omma hansara var Frida Gutte­ sen úr Havn, og abbin var Elias Zach­arias­sen úr Mykinesi. Tey fóru til Ís­lands sum ung, har tey fingu sjey børn; harímillum mammu Jó­hannes Haukur. Hann er sera stoltur av sín­ um føroyska uppruna, og tí pres­ enterar hann seg eisini altíð sum hálvan føroying, og soleiðis verð­ ur hann eisini umrøddur, tá miðl­ arnir skriva um hann. Viðurkendur sjónleikari Jóhannes Haukur telist millum fremstu sjónleikarar í Íslandi, og hann hevur verið við í fleiri altjóða viðurkendum filmsverkætlanum. Fyri at nevna nakrar úr rúgvuni kunnu nevnast: sendirøðirnar “The Innocents” og “Origin” og film­arnir “Alpha” og “The Sisters Brothers”. - Halló, hetta er Jóhannes, ljóðar rødd­in hjá Jóhannes Haukur úr tele­fonini. Hann er staddur í kekk­ iska høvuðsstaðnum Prag, har nýggja Netflix-sendirøðin, “The Letter for the King”, verður tikin upp. Hóast hann hevur úr at gera í sambandi við upptøkur, ger hann sær stundir millum upp­tøk­urnar at greiða nærri frá sín­ari sjón­leik­ ara­yrkisleið, sínum sam­bandi við Før­oyar - og síðst men ikki minst… Game of Thrones. Ein summarferia bleiv til trý ár Hann hevur búð í Íslandi størsta partin av sínum lívi, men hevur eisini slitið sínar barna­skógvar í Føroyum. Í 1987 kom tann tá sjey ára gamli Jóhannes Haukur til Før­ oya við føroysku mammu síni at halda summarferiu. Hendan summ­arferian bleiv væl longri enn væntað. - Tað var ongantíð ætlanin, at vit skuldu flyta til Føroya. Men tá summ­arið var liðugt, segði mamma við meg, at vit ikki fóru aft­ur til Íslands enn, tí nú skuldi eg byrja í skúla í Havn, fortelur Jó­hann­es Haukur á føroyskum. Lærdi skjótt føroyska málið Hann gekk í Eysturskúlanum í Havn, og hann minnist væl hesa tíð­ina, sum hann sær aftur á sum eina stuttliga og mennandi tíð. Men hann dugdi ikki føroyskt, tá hann kom til Føroya hetta summ­ arið. - Tá eg byrjaði í skúlanum, mátti eg læra málið flótandi fyri at kunna vera við í tímunum. Eg og ein norskur næmingur úr sama flokki tóku nakrar sertímar í før­ oysk­um, men tað var skjótt, at lær­ararnir gjørdu av, at eg ikki hevði tørv á serhjálp, tí eg lærdi tað so skjótt, greiðir hann frá og av­brýtur seg sjálvan: - Í dag hevði eg heilt sikkurt havt tørv á serhjálp! Eingin ivi um tað, flennir hann sjálvironiskt og ásannar, at hann ikki hevur hildið føroyska málið nóg væl við líka, og tí er orðatilfeingið ikki so stórt, sum tað einaferð var. Hann roynir tó at hyggja at føroyskum FØROYSKT BLÓÐ Í GAME OF THRONES Jóhannes Haukur Jóhannesson er hálvur føroyingur og hevur spælt við í hópin av filmum og sendirøðum. Millum annað hevur hann sum einasti føroyingur ein leiklut í víðagitnu og aktuellu sendirøðini Game of Thrones PERSÓNSØGA Jóhannes Haukur: Jóhannes Haukur Jóhannesson sleit sínar barnaskógvar í Havn síðst í 80’unum